Friday 15 August 2008

ഷൂട്ടിംങ്ങ്‌ തമാശകള്‍

പണ്ടേ എനിക്ക്‌ പരീക്ഷകള്‍ ഇഷ്ടമല്ല. പരീക്ഷ എന്ന് കേള്‍ക്കുമ്പോള്‍ എനിക്ക്‌ പ്രശനങ്ങള്‍ ഒന്നുമില്ല. പക്ഷെ പരീക്ഷയുടെ തലേന്ന് പഠിക്കാനുള്ള സിലിബസ്സ്‌ കാണുമ്പോള്‍ തന്നെ എനിക്ക്‌ വയറിളക്കം തുടങ്ങും. അത്‌ കഴിഞ്ഞ്‌ തലവേദന..പിന്നെ പഠിക്കാന്‍ തുടങ്ങുമ്പോള്‍ ഇല്ലാത്ത അസുഖം മുഴുവന്‍ തുടങ്ങും. രാത്രിയാകുമ്പോള്‍ ഞാന്‍ മലമ്പനി പിടിച്ചവനെ പോലെ പനി കൂടി വിറയ്ക്കാന്‍ തുടങ്ങും. അതെങ്ങനാ...സത്യകൃസ്ത്യാനിയായ ഞാന്‍ ചെറുപ്പം മുതലെ “പരീക്ഷയില്‍ എന്നെ പ്രവേശിപ്പിക്കരുതേ” എന്ന് ദിനവും പ്രാര്‍ത്ഥിച്ചിട്ട്‌ അവസാനം ഈ തോന്ന്യാസത്തിനു പോകുമ്പോള്‍ ഉണ്ടാകുന്ന ഈശ്വര കോപമായി ഞാന്‍ ഈ പ്രക്രിയയെ കരുതി പോന്നു. പിന്നെ ആ ഒറ്റ രാത്രി കൊണ്ട്‌ 3 മാസം കൊണ്ട്‌ ടീച്ചറന്മാര്‍ പാടുപെട്ട്‌ പഠിപ്പിച്ച വിഷയങ്ങള്‍ മൊത്തം പഠിച്ച്‌ തീര്‍ക്കും. നമ്മുടെ സെറിബ്രം താങ്ങുന്നത്‌ താങ്ങും. അല്ലാത്തത്‌ നമ്മള്‍ ചുമ്മാ അങ്ങ്‌ വിടും. അന്‍പതില്‍ പതിനെട്ടാണു എന്റെ ലക്ഷ്യം. തീരെ നിര്‍വ്വാഹമില്ലാതെ വന്നാല്‍ പതിനേഴരയും ഓ.കെ. ആര്‍ത്തിയോ, അഹങ്കാരമോ പണ്ട്‌ മുതലേ ഇല്ലായിരുന്നുവെന്ന് സാരം. അങ്ങനെ ഞാന്‍ എട്ടാം ക്ലാസ്സില്‍ പഠിക്കുമ്പോള്‍ എന്റെ മുന്‍പില്‍ വീണ്ടും പഴയത്‌ പോലെ ഓണ പരീക്ഷ കടന്നു വന്നു. ഇക്കുറി പനി ഇശ്ശി വലുതായി തന്നെ വന്നു. ഹൈസ്ക്കൂളില്‍ കയറിയിട്ട്‌ തോറ്റാല്‍ അത്‌ അതിലും വലിയ മാനക്കേട്‌. പത്താം ക്ലാസ്സില്‍ ഇതിന്റെ ഒക്കെ മാര്‍ക്കും വരും..ഹോ..അങ്ങനെ വലിയ ഭാരത്തോടെയാണു എട്ടിലെ പരീക്ഷ വന്നത്‌.

പരീക്ഷകള്‍ ഒന്ന് ഒന്നായി കടന്നു പോയി. ഹിസ്റ്ററി പരീക്ഷയില്‍ ചെറിയ ചെറിയ കുറിപ്പുകളും കൊണ്ടാണു പരീക്ഷയ്ക്ക്‌ പോകുന്നത്‌. അതെങ്ങനാ ഒടുക്കത്തെ യുദ്ധവും, ഭരണ പരിഷ്ക്കാരങ്ങളും ഒക്കെയല്ലെ നടത്തി വെച്ചിരിക്കുന്നത്‌. നമ്മുടെ സ്വന്തം ജന്മദിനം കാണാതെയറിയാത്ത നമ്മളാ അക്ബറിന്റെയും, ഷാജഹാന്റെയും ജന്മദിനം ഓര്‍ക്കാന്‍ പോകുന്നത്‌. അത്‌ കൊണ്ട്‌ ഇവയെല്ലാം ചെറിയ കുറിപ്പുകളാക്കി അവയുടെ സഹായത്താല്‍ പരീക്ഷയെഴുതുക. പിന്നെ പൊലിപ്പും, തൊങ്ങലും ചേര്‍ത്ത്‌ യുദ്ധ കഥകള്‍ എഴുതുക, ഭരണ പരിഷ്ക്കാരങ്ങള്‍ എഴുതുക.. അല്‍പം നീട്ടി വലിച്ച്‌ എഴുതിയാല്‍ മിക്കതും സാറന്മാരൊന്നും വായിക്കാത്തതു കൊണ്ട്‌ ഹിസ്റ്ററി പരീക്ഷയില്‍ നമ്മള്‍ക്ക്‌ ഇരുപതില്‍ കുറയാതെ മാര്‍ക്കു കിട്ടും. [അഥവാ ഇവരൊക്കെ ഞാന്‍ അന്ന് എഴുതി പിടിപ്പിച്ചിരുന്നത്‌ വായിച്ചിരുന്നെങ്കില്‍ ഇന്ന് ഏഴാം ക്ലാസ്സിലെ പാഠപുസ്തകത്തിന്റെ പേരില്‍ നടക്കുന്നതു പോലെയുള്ള രക്ത ചൊരിച്ചിലുകള്‍ നടന്നേനെ. കൂടാതെ ഞാന്‍ ചിലപ്പോള്‍ ഹിസ്റ്ററിയും ആയേനെ.] ഹിസ്റ്ററികള്‍ പഠിച്ചിട്ടും, കോപ്പിയടിച്ചിട്ടും എനിക്ക്‌ ഇന്നേ വരെ മനസ്സിലാക്കാത്ത ഒരു കാര്യമുണ്ട്‌- അതെന്താണെന്നോ? മോഹിഞ്ചദാരോ ആരപ്പാ??? ഞാന്‍ ഈ ചോദ്യം എന്റെ അപ്പയോടു ഒരിക്കല്‍ ചോദിച്ചപ്പോള്‍ അപ്പയും ആ ചോദ്യം തിരിച്ചു ചോദിച്ചു..മോഹിഞ്ചദാരോ ആരപ്പാ?? ആ ആര്‍ക്കറിയാം??? ആരെങ്കിലും ആകട്ടെ. ഇനി ഇപ്പോള്‍ അറിഞ്ഞിട്ട്‌ ഒരു പ്രയോജനവും ഇല്ല. അതല്ലല്ലോ നമ്മുടെ വിഷയവും....

അങ്ങനെ ഹിസ്റ്ററി പരീക്ഷയും എഴുതി പുറത്ത്‌ വന്നപ്പോളാണു മറ്റൊരു വാര്‍ത്ത ഞങ്ങളുടെ ചെവിയില്‍ എത്തിയതു. നമ്മുടെ വീടിന്റെ അക്കരയില്‍, [പുളിക്കീഴ്‌], ‘കരിമ്പിന്‍പൂവിനക്കരെ’ എന്ന സിനിമയുടെ ഷൂട്ടിംങ്ങ്‌ നടക്കുന്നു. നാളെ ജോഗ്രഫി പരീക്ഷ. ജോഗ്രഫി പരീക്ഷ ഇനിയും വരും. പക്ഷെ ഷൂട്ടിംങ്ങ്‌...നമ്മള്‍ ഷൂട്ടിങ്ങിനെ പറ്റി നാനായില്‍ കൂടി വായിച്ചറിഞ്ഞിട്ടേയുള്ളു. ആദ്യമായിട്ടാണു എന്റെ അറിവില്‍ ഞങ്ങളുടെ ഗ്രാമത്തില്‍ ഷൂട്ടിംങ്ങ്‌ വരുന്നത്‌. പിന്നെ ഒട്ടും ചിന്തിച്ചില്ല. പൊടിയാടിയില്‍ ബസ്സിറങ്ങാതെ കൂട്ടുകാര്‍ക്കൊപ്പം പുളിക്കീഴില്‍ ബസ്സിറങ്ങി. അങ്ങനെ ഞങ്ങള്‍ ഷൂട്ടിംഗ്‌ സ്ഥലത്തെത്തി. പക്ഷെ അവിടെ മൊട്ടുസൂചി കുത്താന്‍ സ്ഥലമില്ല. പണ്ടേ നുഴഞ്ഞ്‌ കയറ്റത്തില്‍ എക്സ്‌പേര്‍ട്ടായ ഞാന്‍ ഒരു നിമിഷം കൊണ്ട്‌ ഷൂട്ടിങ്ങുകാര്‍ തീര്‍ത്ത വേലിക്കരികിലെത്തി.ചുറ്റുപാടുകള്‍ സൂക്ഷിച്ച്‌ നോക്കിയപ്പോള്‍ ദേ നില്‍ക്കുന്നു നമ്മുടെ ഉര്‍വ്വശി ചേച്ചി. അച്ചുവിന്റെ അമ്മയില്‍ അഭിനയിച്ച പ്രായം ചെന്ന ഉര്‍വ്വശിയല്ല ഇത്‌. മുന്താണെ മുടിച്ചു എന്ന ചിത്രത്തില്‍ നടിച്ച ഗ്ലാമര്‍ നടി. ഞാന്‍ ഒരു ചിരി ഉര്‍വ്വശി ചേച്ചിക്ക്‌ നേരെ എറിഞ്ഞു. പക്ഷെ അതു എങ്ങാണ്ടേക്ക്‌ പോയി. വീണ്ടും വേലിയില്‍, നമ്മുടെ കോംപ്ലാന്‍ പരസ്യത്തിലെ, ‘തൂങ്ങും രാജുവിനെ’ പോലെ തൂങ്ങി കിടന്ന് ദൃശ്യങ്ങള്‍ നോക്കിയപ്പോള്‍ ഞങ്ങളുടെ നാട്ടില്‍ വള്ളത്തില്‍ മീന്‍ വില്‍ക്കുന്ന പാപ്പന്‍, കൈലി ഒക്കെ മടക്കി കുത്തി നിന്ന് നമ്മുടെ സ്വന്തം മമ്മൂക്കായോട്‌ കൂളായി വര്‍ത്തമാനം പറയുന്ന കാഴ്ച്ച കണ്ടു. ഇങ്ങേരു എങ്ങനെ ഇതിനകത്ത്‌ കയറി പറ്റി? പാപ്പനെങ്കില്‍ പാപ്പന്‍..കൂയ്യ്‌!!! പാപ്പോ എന്ന് വിളിച്ചാല്‍ പാപ്പന്‍ കരുതും പാപ്പനെ താന്‍ കളിയാക്കിയതാണെന്ന്..കാരണം പാപ്പന്റെ ട്രേഡ്‌ മാര്‍ക്കാണല്ലോ ഈ കൂയ്യ്‌!!! പിന്നെ ഇത്രയും ആള്‍ക്കൂട്ടത്തിന്റെ നടുക്ക്‌ വെച്ച്‌ ഇത്രയും പ്രായമായ ഇങ്ങേരെ എങ്ങനെ പാപ്പായെന്ന് വിളിക്കും. പാപ്പനങ്കിള്‍ എന്ന് വിളിക്കണോ....തല പുകഞ്ഞു നിന്നപ്പോള്‍ ആ വീടിന്റെ ഉടയവന്‍ [എന്റെ അപ്പയുടെ സുഹൃത്ത്‌] എന്നെ കണ്ടു. പിന്നെ ഒട്ടും താമസിച്ചില്ല ഞാന്‍ ഷൂട്ടിംഗ്‌ മുറ്റത്ത്‌. ഞാന്‍ വീടിന്റെ ഉടയവന്റെ കൈയില്‍ നിന്ന് ചാടി മമ്മൂക്ക നിന്ന സ്ഥലത്തേക്ക്‌ പാഞ്ഞു. അപ്പോഴും നമ്മുടെ പാപ്പന്‍ മമ്മൂക്കയുമായി ഭയങ്കര വര്‍ത്തമാനം. നമ്മളെ കണ്ടിട്ടും പാപ്പനു യാതൊരു മൈന്‍ഡും ഇല്ല. ലാലേട്ടന്‍ ദേണ്ട്‌ ആരും മിണ്ടാനും പറയാനും ഇല്ലാതെയിരിക്കുന്നു. ഞാന്‍ ഒരു കോളിനോസ്‌ പുഞ്ചിരി ഒക്കെ പൊഴിച്ച്‌ ലാലേട്ടന്റെ അടുത്തു കൂടി ഒന്ന് റാകി പറന്നു. അത്‌ ക്ലിക്ക്‌ ചെയ്തു.. ലാലേട്ടന്‍ എന്നെ വിളിച്ചു. എന്റെ പേരും, നാളും, വീടും ഒക്കെ തിരക്കി. എനിക്ക്‌ വലുതാകുമ്പോള്‍ ആരാകെണമെന്ന് ഒരു ചോദ്യം കൂടി ലാലേട്ടന്‍ ചോദിച്ചു... കിട്ടുന്ന മാര്‍ക്ക്‌ പതിനെട്ടും, പതിനേഴരയാണെങ്കിലും..ഡോക്ടര്‍ എന്ന് ഒട്ടും ശങ്കിക്കാതെ പറഞ്ഞപ്പോള്‍ എനിക്ക്‌ എന്നോട്‌ തന്നെ മതിപ്പ്‌ തോന്നി. ‘ഐ.വി.ശശി’, സീമ ചേച്ചി, ‘ഭരത്‌ ഗോപി’, സുകുമാരി ചേച്ചി, മീന ചേച്ചി ഇവരൊക്കെ അങ്ങോട്ടും ഇങ്ങോട്ടും നടക്കുന്നു. ഷൂട്ടിംഗ്‌ ഒരു വശത്ത്‌ നടക്കുന്നു. നമ്മള്‍ അതിനിടയില്‍ കൂടി അങ്ങോട്ടും ഇങ്ങോട്ടും നടന്ന് നാട്ടുക്കാരുടെ ഇടയില്‍ മിന്നും താരമായി മാറി സമയം പോയതറിഞ്ഞില്ല.

നേരം ഇരുട്ടിയ പാടെ, വീട്ടിലേക്ക്‌ വെച്ച്‌ പിടിച്ചു. വീടിന്റെ ഗേറ്റ്‌ എത്തിയപ്പോള്‍, സമയം ഏറെയായിട്ടും തന്നെ കാണാത്ത വിഷമത്തില്‍ ഗേറ്റിന്റെ അവിടെ അമ്മ നില്‍പ്പുണ്ട്‌. അമ്മ അല്‍പം ദേഷ്യപ്പെട്ടെങ്കിലും, എന്റെ സമയോചിതമായ പെരുമാറ്റവും, സംസാരാവും അമ്മയെ മയപ്പെടുത്തി. അമ്മയോടും, ചേച്ചിയോടു ഷൂട്ടിംഗ്‌ വിശേഷങ്ങള്‍ പറഞ്ഞു. വേഗന്നു കുളിച്ച്‌, ജോഗ്രഫി പഠിക്കാനിരുന്നപ്പോള്‍..പെട്ടെന്ന് ഒരു വയറു വേദന.. കടിച്ച്‌ പിടിച്ച്‌ ഇരുന്നിട്ടും കുറയുന്നില്ല. കക്കൂസ്സില്‍ പോയി. തിരിച്ച്‌ വന്ന് അല്‍പം കഴിഞ്ഞപ്പോള്‍ തലവേദന...അമ്മയോട്‌ പോയി പരാതി പറഞ്ഞു. എന്റെയല്ലേ അമ്മ...അമ്മയ്ക്ക്‌ ഞാന്‍ വാലു പൊക്കിയപ്പോളെ കാര്യം മനസ്സിലായി. വേണ്ട മോനെ..വേണ്ട മോനെ എന്ന് പറയുന്നതിനു മുന്‍പു വീണ്ടും പഠിക്കാനിരുന്നു. ജോഗ്രഫിയിലെ ‘ലോഞ്ചിറ്റ്യ്യൂടും, ലാറ്റിറ്റ്യ്യൂടും‘ എന്റെ പഠിക്കാനുള്ള ‘ആറ്റിറ്റ്യ്യൂടെ‘ കളഞ്ഞു. കുറേ നേരം പുസ്തകങ്ങള്‍ക്ക്‌ മുന്‍പില്‍ കുത്തിയിരുന്നെങ്കിലും തലയിലേക്ക്‌ ഒന്നും കയറിയില്ല. പിറ്റേന്ന് അമ്മയുടെ കൈയ്യില്‍ നിന്നും പത്ത്‌ രൂപാ എക്സ്ട്രാ വാങ്ങി. പരൂക്ഷ ഒരു പരുവത്തില്‍ എഴുതി ഒരു ഓട്ടോഗ്രാഫും വാങ്ങി നേരെ ഷൂട്ടിംഗ്‌ സ്ഥലത്തേക്ക്‌ പാഞ്ഞു.

അവിടെ ചെന്നപ്പോള്‍ ഇന്നലത്തേതിന്റെ ഇരട്ടി ആളുകള്‍, ഒപ്പം പോലീസുകാരും. തിരക്കു കാരണം ഒരു കൂട്ടം ചെറുപ്പക്കാര്‍ ആറ്റിറമ്പിന്റെ അടുത്തുള്ള പ്ലാവിലും സ്ഥാനം പിടിച്ചിട്ടുണ്ട്‌. സീമ ചേച്ചിയും, സുകുമാരി ചേച്ചിയും ആറ്റില്‍ നിന്ന് തുണി നനയ്ക്കുന്നു. ഏതായാലും തുണികള്‍ നനച്ച്‌ കഴിയുമ്പോള്‍ അവര്‍ കുളിക്കും. അത്‌ ലൈവായി കാണാനാണു ഇത്രയും ജനങ്ങള്‍ ഇവിടെ കൂടിയിരിക്കുന്നത്‌. ഷോട്ടുകള്‍ ഒരോന്നു കഴിയുമ്പോഴും സീമ ചേച്ചി കുളിക്ക്‌…., ഒത്തിരി നേരം തലയില്‍ എണ്ണയും പുരട്ടി ഇങ്ങനെ നിന്നാല്‍ പനി വരും... നേരം ഇരുട്ടി വരുന്നു….എന്നൊക്കെ അവളുടെ രാവുകള്‍ ഇരുപതില്‍ കൂടുതല്‍ പ്രാവശ്യം കണ്ടിട്ടുള്ള ഞങ്ങളുടെ നാട്ടിലെ സീമചേച്ചിയുടെ ആരാധകന്മാരായ ‘വിജയന്മാര്‍’ [നാടോടിക്കാറ്റ്‌ ഫേം] ഓര്‍മ്മിപ്പിച്ചു കൊണ്ടിരുന്നു. നാട്ടുകാര്‍ക്കു സീമയോടുള്ള സ്നേഹവും, കരുതലും ഒക്കെ കണ്ട്‌, കോള്‍മയിര്‍ കൊണ്ട്‌, ‘കണ്ണില്‍ ചോരയുള്ള ഐ.വി.ശശി’, സീമ ചേച്ചിക്ക്‌ കുളിക്കാനുള്ള നിര്‍ദ്ദേശങ്ങള്‍ കൊടുത്തതും അവിടെ ഉന്തും തള്ളും ആയി. പ്ലാവിന്റെ കൊമ്പുകള്‍ ആടി. ഏതായാലും സീമ ചേച്ചി കുളിക്കുന്നതിനു മുന്‍പ്‌, പ്ലാകൊമ്പ്‌ ഒടിഞ്ഞ്‌ സീമേച്ചിയെക്കാള്‍ മുന്‍പെ നാലഞ്ചു പേര്‍ വെള്ളത്തില്‍ വീണു. ഇവര്‍ വെള്ളത്തില്‍ വീണതും, സീമേച്ചിയും, സുകുമാരി ചേച്ചിയും പേടിച്ച്‌ കരയ്ക്ക്‌ കയറി. പിന്നെ ഉന്തും, തെള്ളും...പോലിസ്‌ ഇടപെട്ടു. അവസാനം ഞങ്ങളുടെ നാട്ടിലെ ചിലര്‍ സീമ ചേച്ചിയുടെ കുളി കാരണം 'രക്തസാക്ഷികളായി' അറസ്റ്റ്‌ വരിച്ചു. ഇങ്ങനെ പല സംഭവങ്ങളുമായി പരീക്ഷയും, ഷൂട്ടിങ്ങും തീര്‍ന്നു.

അവസാനം ജോഗ്രഫി പരീക്ഷ ഫലം വന്നപ്പോള്‍ ഭൂമി ഉരുണ്ടത്‌...മാര്‍ക്കും അതു പോലെ തന്നെ ഉരുണ്ടത്‌. ഇവരെന്നാ സയാമീസ്‌ ഇരട്ടകളോ ഇത്ര സാമ്യം വരാന്‍.. പിന്നെ അപ്പ ജോലി സംബന്ധമായി അന്ന് ദോഹയില്‍..അമ്മയുടെ ഒപ്പ്‌ കണ്ണടച്ച്‌ എനിക്ക്‌ ഇടാന്‍ അറിയാവുന്ന ഒറ്റ കാരണത്താല്‍ ഈ മൊട്ടയും അമ്മയുടെ ലിസ്റ്റില്‍പെട്ടില്ലായെന്ന് സാരം. ഈശ്വരോ രക്ഷതുഃ



"സീമ ചേച്ചി കക്ക വാരുന്ന ഒരു ഫോട്ടം".

കടപ്പാട്:- ഐ.വി.ശശിയോട് മാത്രം.

39 comments:

Senu Eapen Thomas, Poovathoor said...

ഈ കഥയ്ക്ക്‌ എന്ത്‌ പേരിടണം? സിനിമാ ഡയറി എന്നാണു ആദ്യം ഉദ്ദേശിച്ച പേരു. ആ പേരില്‍ ഒത്തിരി പോസ്റ്റുകള്‍ ഇറങ്ങിയതായി കണ്ടു. പിന്നീട്‌ ഷൂട്ടിങ്ങ്‌ തമാശകള്‍ എന്ന് പേരിട്ടു. അന്നരം ദാ നമ്മുടെ അഭിനവ്‌ ബിന്ദ്ര ഷൂട്ടിംങ്ങില്‍ സ്വര്‍ണ്ണം നേടി. പിന്നെയും ഞാന്‍ പേരു മാറ്റാന്‍ തീരുമാനിച്ചു. സീമ ചേച്ചിയുടെ കുളി എന്നാക്കി പേരു. അതില്‍ ഒരു അശ്ലീല ചുവ തോന്നിയതിനാല്‍ ഷൂട്ടിംങ്ങ്‌ തമാശകള്‍
എന്ന് വീണ്ടും തീരുമാനിച്ചു.

സിനിമാക്കാരെ സമ്മതിക്കണം- പുളിക്കീഴ്‌ ഷൂട്ടിംങ്ങിനു വന്നപ്പോള്‍ അവിടെ കരിമ്പ്‌ പൂത്ത്‌ നില്‍ക്കുന്നതു കണ്ടു, അങ്ങനെ പേരുമായി-കരിമ്പിന്‍പൂവിനക്കരെ. സിനിമാ കണ്ടു കഴിഞ്ഞിറങ്ങുമ്പോള്‍ നമ്മള്‍ അറിയാതെ ചോദിച്ചു പോകും-ഈ കരിമ്പ്‌ പൂത്തിലായിരുന്നെങ്കില്‍ ഐ.വി.ശശി ഈ സിനിമയ്ക്ക്‌ എന്ത്‌ പേരിട്ടെന്നെ???

saju john said...

ചിത്രാഞജലി ഫിലിം ആർക്കേവിൽ സുക്ഷിച്ചു വയ്കേണ്ടുന്ന ഒരു ഷൂട്ടിംഗ് റിപ്പോർട്ട്....

മലയാളത്തിലെ എണ്ണം പറഞ്ഞ ബ്ലൊഗ്ഗിലൊന്നാണു ഈ പഴമ്പുരാണംസ്....

ആ ട്രെയിൻ യാത്രയും, “ആ മഹാത്മാഗാന്ധി” ഒന്ന് ബ്ലോഗ്.........സൂപ്പറാണത്...

സ്നേഹത്തോടെ.......നട്ടപിരാന്തൻ.

smitha adharsh said...

സേനു ചേട്ടാ..
ഷൂട്ടിംഗ് വിശേഷം...പതിവു പോലെ നന്നായി..സീമ ചേച്ചിയുടെ കുളിയ്ക്ക്‌ പ്രേക്ഷകര്‍ ഉണ്ടായിരുന്നല്ലേ?മൊട്ടേന്നു വിരിയുന്നതിനു മുന്നേ ഓടോഗ്രാഫും കൊണ്ടു നടക്കുന്നു...അപ്പൊ,മോഹന്‍ലാലുമായി അങ്ങനെ ഒരു കന്നെക്ഷനും ഉണ്ടായിരുന്നല്ലേ...?? ഭാഗ്യവാന്‍!!!
ജ്യോഗ്രഫി പരീക്ഷയില്‍ ഉരുണ്ട മാര്‍ക്ക് വാങ്ങിയ മിടുക്കാ...അഭിനന്ദനങള്‍

അശോക് കർത്താ said...

കമന്റിട്ടില്ലാന്ന് പറയരുത്. ഈ എഴുത്ത് കണ്ടിട്ട് അസൂയ തോന്നുന്നു. (വെറുതെയാ, ചുമ്മാ)

അരവിന്ദ് :: aravind said...

ഹഹ..സേനൂ..സൂപ്പര്‍
ചിരിച്ച് മറിഞ്ഞു....
പ്രത്യേകിച്ച് കുളിസീന്‍ ഭാഗം..
അടിപൊളി...ശരിക്കും!
നമിച്ചു.

d said...

ഹഹ. ചിരിച്ചു ചിരിച്ച് വയ്യ.

ശ്രീവല്ലഭന്‍. said...

കരിമ്പിന്‍പൂവിനക്കരെ ഷൂട്ടിംഗ് നടന്നത് ഓര്‍മ്മ വരുന്നു. അന്ന് ആണ്ടില്‍ ഒരു സിനിമാ മാത്രമെ കാണുകയുള്ളായിരുന്നു: അമ്മേ നാരായണ, ഭക്ത കുചേല ടൈപ്പ്! അതിനാല്‍ പോകാന്‍ പറ്റിയില്ല :-)

അനുഭവം കൊള്ളാം :-)

P Das said...

ഷൂട്ടിങ്ങിന് ഞാനും പോയിരുന്നു!

:)

Harvest is plentiful said...

oh inne thanne ee blog vaykan pattiello. Oru independence day ayite nalla oru blog vaykan patiyathil santhosham...
geography pariksha okke padiche nalla mark medichirunu enkil, ithe poole oru blog onnum ezhuthan prajothanam or samayam polum kittumarunillaaa. Anne paranja poole vella doctor ayerunel ! my god......unchinthikable....sambhavichathe ellam nallathine!!!

best wishes
Benoy

Anonymous said...

സെനുവേ വിവരണം അടിപൊളി ..........ഇതിനൊക്കെ സാക്ഷിയായി ഞാനും ആ പരിസരത്തോക്കെ ഉണ്ടായിരുന്നു .എല്ലാം നന്നായി സോനു ഓര്‍ക്കുന്നു .24---25 കൊല്ലമായിട്ടും സെനുവിന്റെ മെമ്മറി സൂപ്പര്‍ .........................

john's said...

ശരിയാണ്. ഷൂട്ടിങ് പരീക്ഷ സമയത്തായിരുന്നു. ഞാന്‍ അന്ന് അന്ചാം ക്ലാസില്‍. ഷൂട്ടിങ് ഒന്ന് കാണാന്‍ പോകാന്‍ ഒരുപാട് പാട് പെട്ടു. മമ്മൂട്ടി യെ കണ്ടു. ലാലേട്ടന്‍ നെ കാണാന്‍ പറ്റിയും ഇല്ല.

അതൊക്കെ വീണ്ടും ഓര്‍മിപ്പിച്ചതിനു ഒരുപാട് നന്ദി.
ബ്ലോഗ് സൂപ്പര്‍. കരിമ്പിന്പൂവിനക്കാരെ യുടെ തിരക്കഥയെ ക്കാള്‍ എത്രയോ മനോഹരം ആണ് സെനു വിന്റെ ബ്ലോഗ്.

John

ഗോപക്‌ യു ആര്‍ said...

മോഹിഞ്ചദാരോ ആരപ്പാ???

TOTALY KALAKKI KETTO

sreeni sreedharan said...

എട്ടിലെ ഒരു രണ്ട് മാര്‍ക്ക് എന്‍റെ എസ് എസ് എല്‍ സി ബുക്കിന്‍റെ ലാസ്റ്റ് പേജില്‍ ഇപ്പളും ഉണ്ട് :(

ഹരീഷ് ശിവരാമൻ (പോങ്ങ്സ്) said...

ചേട്ടാ,

സംഗതി സൂപ്പര്‍. വെറും വാക്കല. ശരിക്കും സൂപ്പര്‍... :)

നിലാവ്‌ said...

ഹാ ഹാ ഹാ ഉഷാർ....ഈ കഥ നാനയിൽ വന്നിരുന്നോ..ഹ ഹാ

Jubin Jacob Kochupurackan said...

സെനുച്ചായോ..ഇതേ ചരിത്രം എടത്വായിലും ആവര്‍ത്തിച്ചിരുന്നു.. ബ്ലെസിച്ചായന്റെ കന്നിച്ചിത്രമായ ‘കാഴ്ച’യുടെ ഷൂട്ടിംഗ്. എടത്വാ പള്ളിയുടെ മുന്നിലുള്ള കടവീല്‍ മമ്മൂക്കയും മനോജ് കെ. ജയനും സംസാരിക്കുന്നു. പശ്ചാത്തലത്തില്‍ കുറെ ചുമട്ടുതൊഴിലാളികളും മറ്റും. കുളിക്കടവിനു മറയായി കെട്ടിയിരിക്കുന്ന അരമതിലിതിനു താങ്ങാവുന്നതിലേറെ ആരാധകര്‍ വന്നു ചേര്‍ന്നതും.. വര്‍ഷങ്ങളായി യുവാക്കളുടെ കുളിസീന്‍ മുടക്കി തലയുയര്‍ത്തി നിന്നിരുന്ന ആ മതില്‍ അസി.ക്യാമറാമന്റെ മുതുകത്തേയ്ക്ക്...അങ്ങേരും ക്യാമറയും കൂടി വെള്ളത്തിലേക്കും. മമ്മൂക്കയും മനോജ് കെ. ജയനും ഇന്നച്ചനുമെല്ലാം ജീവനും കൊണ്ടോടി...

Anil cheleri kumaran said...

''നമ്മുടെ സ്വന്തം ജന്മദിനം കാണാതെയറിയാത്ത നമ്മളാ അക്ബറിന്റെയും, ഷാജഹാന്റെയും ജന്മദിനം ഓര്‍ക്കാന്‍ പോകുന്നത്‌.''
അതു കലക്കി

ajeeshmathew karukayil said...

nannayi keep it up.........

krish | കൃഷ് said...

“ജോഗ്രഫി പരീക്ഷ ഇനിയും വരും. പക്ഷെ ഷൂട്ടിംങ്ങ്‌..“
ഷൂട്ടിംഗ് റിപ്പോര്‍ട്ട് നന്നായിട്ടുണ്ട്.

Anonymous said...

Super Senuchayaaaaaa
athey super ennudheshichathu kandu thettidharikkanda..Senuchane alla blogile aa ezhuthinte style aannu paranjey..Super keto.... enallum oru kampintathrem ulla Senuchanum kuli seen kannan poyallo.....hooo namikkunnu achaya...

Unknown said...

exam inu poojyam kittiyathinum, kalla oppittathinum, palisha sahitham ulla sammanam ninakku amma vechittunde.
Puranam eppozhetheyum pole thanne nannayirikkunnu.
Chechy

Senu Eapen Thomas, Poovathoor said...

സജുവേ ആദ്യ പ്രദര്‍ശനത്തിനു എത്തിയതിനും, തന്ന അഭിനന്ദനങ്ങള്‍ക്കും നന്ദി. എന്നെ ഇങ്ങനെ അങ്ങ്‌ പൊക്കല്ലെ!!!.

സ്മിതേ:- മമ്മുക്ക, ലാലേട്ടന്‍, ഐ.വി.ശശി, സീമ ചേച്ചി, ഉര്‍വ്വശി, സുകുമാരി ചേച്ചി അങ്ങനെ എല്ലവരുമായും എനിക്ക്‌ ബന്ധം ഉണ്ട്‌. പക്ഷെ ആ ജാഡയില്ല. എട്ടാം ക്ലാസ്സില്‍ പഠിക്കുമ്പോള്‍ ഓട്ടോഗ്രാഫ്‌ മേടിച്ചതിനെയാണോ പുച്ചിച്ചത്‌? ഇപ്പോള്‍ ആയിരുന്നെങ്കില്‍ അവന്‍ ക്യാമറാ മൊബയില്‍ ഫോണുമായി പോയി ആ കുളി സീന്‍ മൊത്തം പിടിച്ചേനെ.

അശോകേട്ടാ:- അസൂയ മൂത്ത്‌ മൂത്ത്‌ ഗള്‍ഫ്‌ ഗേറ്റില്‍ പോകാറായല്ലോ...മതി മതി. ഇനി ആകെ അഞ്ചാറെണ്ണമെ ആ തലയില്‍ എനിക്ക്‌ കാണാന്‍ പറ്റുന്നുള്ളു.

അച്ചുതിന്റെ അച്ചന്‍ തിരക്കിനിടയില്‍ ഈ ഉള്ളവന്റെ പുരയിടത്തില്‍ വന്നതിനും, ഒതുക്കത്തില്‍ കുളി എന്‍ജോയി ചെയ്തതിലും നന്ദി. ശശിയേട്ടന്‍ കാണേണ്ട...

വീണേ:- സോറി. ഇത്രയ്ക്ക്‌ ചിരിക്കേണ്ടിയിരുന്നില്ല.

ശ്രീയേ:- എന്റെ അമ്മോ!!! സില്‍ക്ക്‌ സ്മിത എപ്പോഴാ ഭക്തി സിനിമകളില്‍ അഭിനയിച്ചിരുന്നത്‌. ഞാന്‍ ഒന്നും പറഞ്ഞിട്ടില്ല. കണ്ടിട്ടുമില്ല.

ചക്കര:- സത്യമായിട്ടും ഞാന്‍ ചക്കരെയെ കണ്ടില്ല. ചക്കരയല്ല വെള്ളത്തില്‍ വീണതും....

നന്ദി...ഇനി വരണേ...

പഴമ്പുരാണംസ്‌.

Senu Eapen Thomas, Poovathoor said...

ബിനോയി:- എടാ ഞാന്‍ നന്നാവുന്നത്‌ നിനക്ക്‌ തീരെ പിടിക്കുന്നില്ല അല്ലെ. ചുമ്മാതെ അല്ലടാ നീ ഇപ്പോഴും കുവൈറ്റില്‍ കിടന്ന് നാലക്ക ശമ്പളം വാങ്ങിക്കുന്നത്‌.

ജെനുച്ചായോ:- 22 കൊല്ലം മുന്‍പ്‌ നടന്ന ഷൂട്ടിങ്ങാ. ഇപ്പോഴാ ഇവന്‍ റിലീസായത്‌. പിന്നെ ജെനുചാച്ചന്‍ അവിടെ ഉണ്ടായിരുന്നുവെന്ന് അറിയാം. ചുക്ക്‌ ചേരാത്ത കഷായമോ???

ജോണേ:- ഞാന്‍ എന്നും സത്യം മാത്രമേ എഴുതിയിട്ടുള്ളു. മമ്മൂട്ടി അന്ന് യാത്ര സിനിമയില്‍ അഭിനയിച്ച്‌ മൊട്ടയായിരുന്നു. വിഗ്ഗ്‌ ഊരി വെച്ചപ്പോഴായിരിക്കും മോഹന്‍ലാല്‍ ആണെന്ന് തോന്നിയത്‌.

ഗോപക്കേ:- അതു തന്നെയാ ഞാനും ചോദിക്കുന്നത്‌...ആരപ്പാ...

പച്ചാളം:- ചുമ്മാ ജാഡ വേണ്ട. എന്ത്‌ എഴുതിയിട്ടാ ആ 2 മാര്‍ക്ക്‌ കിട്ടിയതെന്ന് കൂടി വ്യക്തമാക്കിയാല്‍ കൊള്ളം.

പൊങ്ങുമ്മൂടന്‍:- വെറും വാക്ക്‌ പറയാഞ്ഞതിനു നന്ദി. ഞാന്‍ പേടിച്ചു പോയി.

കിടങ്ങൂരാനേ:- ഇതു നാനായില്‍ വന്നില്ല. എന്തു ചെയ്യാം, ഞാന്‍ അന്ന് എട്ടിലായിരുന്നു. എന്റെ ബ്ലോഗിലേക്ക്‌ സ്വാഗതം.

ജുബിനേ:- കാഴ്ച്ചയോടെ ബ്ലെസ്സിച്ചായന്‍ തിരുവല്ലായില്‍ ഷൂട്ടിംഗ്‌ നടത്തിയിട്ടില്ല. പാവം ക്യമറമാന്‍ ഇപ്പോഴും തിരുമ്മിപ്പിക്കുന്നുമുണ്ട്‌ എന്ന് ഇന്നലെ വിളിച്ചപ്പോഴും ബ്ലെസ്സിച്ചായന്‍ പറഞ്ഞു. പാവം.

കുമാരാ:- സ്വാഗതം. വീണ്ടും വരണേ.....

അജീഷെ:- നന്ദി. ഇനിയും വരണേ.

കൃഷേ:- ഷൂട്ടിംഗ്‌ റിപ്പോര്‍ട്ടും, കൃഷിന്റെ കമന്റും കലക്കി. കൃഷില്ലാതെ എന്തോന്ന് ആഘോഷം.

ബെഞ്ചു:- സത്യമായിട്ടും ഞാന്‍ തെറ്റിദ്ധരിച്ചു. കുഞ്ഞിലെ മുട്ടില്‍ മാത്രം നീന്തി പരിചയമുള്ള ഞാന്‍ അന്ന് പമ്പാ നദിയില്‍ വീണിരുന്നെങ്കില്‍.....

ചേച്ചി:- പോട്ട്‌.ക്ഷമിക്ക്‌. അമ്മയോട്‌ ഇതു പറയാതിരിക്കാന്‍ ബൂസ്റ്റ്‌ മിഠായി വാങ്ങി തരാം. ഓര്‍ക്കുന്നോ ആ മിഠായി...

കമന്റിയവര്‍ക്കും, ഒതുക്കത്തില്‍ പോയവര്‍ക്കും, നന്ദി...ഇനി വരണേ...

പഴമ്പുരാണംസ്‌.

yousufpa said...

സെനു...ഇപ്പോഴത്തെ സിറ്റ്വേഷനെന്താ....?

Anonymous said...

your style is simply superb.

Anonymous said...

"longitude & altitude കാരണം attitude പോയത്‌" എനിക്ക്‌ വളരെ ഇഷ്ടമായി..

ശ്രീ said...

കരിമ്പിന്‍‌പൂവിനക്കരെ കൊള്ളാം ട്ടോ.

കുഞ്ഞിലേ തന്നെ മമ്മുക്കയേയും ലാലേട്ടനെയുമെല്ലാം കാണാനൊത്തല്ലോ, ഭാഗ്യം!
:)

Unknown said...

Hi Senu:

Good shooting report.Hope you didn't fall from the tree.Title is good.Waiting for the next isue

regards

Molly

Vincent Varghese said...

അപ്പോള്‍ ഭൂമി ഉരുണ്ടതാണന്ന് ചേട്ടന്‌ അന്നേ മനസ്സിലായിരുന്നു. അല്ലേ...?!...

Unknown said...

adipoli..njan ithu office il irunnanu vayikkunnathu..enikku chiri adukkan pattunnilla..ente colleague kannum mizhichu nokkunnundu...

sureshthannickelraghavan said...

സെനു, ഇപ്പോളാണ് വായിക്കാന്‍ സമയം കിട്ടിയത്, അടിപൊളി മച്ചാ ! തന്‍റെ, പരീക്ഷ പ്പനി വായിച്ചപ്പോള്‍ ,എന്റെ പണ്ടതെയും,മോന്റെ ഇപ്പോഴത്തെയും പരീക്ഷ പ്പനി ഓര്ത്തു ചിരിച്ചു പോയി .....മോഹന്ച്ചതാരോ അതാരപ്പ ....ഹ ഹ . ഇതു കണ്ടപ്പോള്‍ പണ്ടു ഞങ്ങള്‍ കൂട്ടുകാര്‍ മൂന്നുപേര്‍ ഒരുത്തന്റെ നോക്കി വേറൊരാള്‍ "രാമന്‍ ഇഫക്ട്" നെ കുറിച്ചു പരീക്ഷയ്ക്ക് (എന്തെഴുതിയാലും ജയിക്കില്ലെന്ന് ഉറപ്പായിരുന്നു ) എഴുതിയതോര്‍മ വരുന്നു...one day raman was sitting in his room, suddenly he seen a lightening&heard thunder,he got very much affraid and ranaway from his room and went to his mothers room........ഷൂട്ടിങ് കലക്കി ,മോഹന്‍ലാലിന്‍റെ ഇനിയും കുരുഷേത്രം ,കോളേജിനടുത്ത് ഷൂട് ചെയ്തപ്പോള്‍ ഉണ്ടായ തമാശകള്‍,ഓര്‍ത്തുപോയി വായിച്ചപ്പോള്‍ , സീമ ചേച്ചീടെ കുളിസീന്‍ കണ്ടല്ലോ പഹയാ ,....ഹി ഹി . പഴമ്പുരാണംസ് ഒത്തിരി ജോര്‍ ആകുന്നുണ്ട് ,ഞാന്‍ പലരോടും പറഞ്ഞിട്ടുണ്ട് ബ്ലോഗിനെക്കുറിച്ച് .all the best dear friend.

Dr.Biji Anie Thomas said...

സെനൂ....കഥ പറഞ്ഞ് പറഞ്ഞ് കസറുകയാനല്ലൊ....ചിരിച്ച് ചിരിച്ച് ഒരു പരുവമായീട്ടോ....ഗംഭീരം..
ഇനി അടുത്ത പൊട്ടീരിനായി കാത്തിരിക്കുന്നു..

Anonymous said...

Dear Senue, Story is nice.Santhosh

Anonymous said...

Senu,
I remember those days...I think it was in 85(1st yr PDC),keep going.

WELCOME TO WORLD OF VINAY said...

സെനു മാഷേ....എന്നും ഈ വഴി വരണമെന്നോര്‍ക്കുമെങ്കിലും തിരക്കുകള്‍ കാരണം ഒന്ന് കമന്റാന്‍ പോലും പറ്റാറില്ല!

ഇന്നിപ്പോള്‍ “ഷൂട്ടിങ് തമാശകള്‍” കണ്ടപ്പോള്‍ എന്തായാലും “ചൈന-ബീയ്ജിങില്‍” പോയിക്കാണില്ല എന്നുറപ്പിച്ച് തന്നെ തുറന്നതാ...ദാ കിടക്കുന്നു നമ്മുടെ “കരിമ്പിന്‍ പൂവ്”!

ഈ ഷൂട്ടിങ് വിശേഷം കഴിഞ്ഞ ആറ് വര്‍ഷമായി എന്നും എന്ന പോലെ ഞാന്‍ കേള്‍ക്കുന്ന ഒന്നാണ്.കാരണം സിനിമാ ചര്‍ച്ചകള്‍ വന്നാല്‍ മോഹന്‍ലാലായി-മമ്മൂട്ടിയായി-ഫാന്‍സായി-സ്ഥലമായി!

പിന്നെ,ഒട്ടും അമാന്തിക്കാതെ എന്റെ സുഹൃത്ത് ശ്രീമാന്‍.ഷൈന്‍ ഉമ്മന്‍ നമ്മുടെ “പൊടിയാടിയും-കരിമ്പിന്‍ പൂവും” കഥകള്‍ വര്‍ണ്ണിക്കലായി....ഹോ...എന്റെ പഹയാ ഒന്ന് നിര്‍ത്ത് എന്ന് പറഞ്ഞില്ലന്നേ ഉള്ളൂ.ഹും!

പക്ഷെ, ഇത് പുതിയ ഒരു അനുഭവമായി...ഭേഷ്....

“സീമച്ചേച്ചിയുടെ കുളി “അവന്‍” കണ്ടിലയോ ആവോ?അതോ അപ്പറഞ്ഞ പോലെ “അശ്ലീലമായാലോ” എന്ന് കരുതിയോ?

എന്തായാലും .... ആ പൂവ് വിരിഞ്ഞിട്ട് 22 വര്‍ഷം കഴിഞ്ഞു എന്ന് അറിഞ്ഞതില്‍ സന്തോഷം.

ഒരു സംശയം:ഡാ ഷൈനേ,നീ അമ്മയുടെ വയറ്റില്‍ കിടന്നാണോ “ഷൂട്ടിങ്” കണ്ടത് എന്ന് ഒന്ന് വിളിച്ച് തന്നെ ചോദിക്കേണ്ടി വരുമല്ലോ... 1984ലാ അവന്‍ ജനിച്ചത് തന്നെ!!!!

hi said...

സൂപ്പര്‍...

Saji MohaM said...

ഗൂഗിളില്‍ 'തമാശകള്‍' എന്നടിച്ച്‌ സെര്‍ച്ച്‌ ചെയ്തത്‌ അലപം ചിരിക്കാനാണു. അങ്ങനെയാണു ഷൂട്ടിങ്ങ്‌ തമാശകള്‍ എന്റെ ശ്രദ്ധയില്‍ വന്നത്‌. വായിച്ചു. മനം നിറഞ്ഞ്‌ ചിരിച്ചു. ഒടുക്കം ഞാന്‍ കരുതി എന്നെ പോലെ ഈ ബ്ലോഗ്‌ മറ്റുള്ളവര്‍ക്കും ചിരിക്കാന്‍ വക നല്‍കാനായി ഞാന്‍ പഴമ്പുരാണംസ്‌ ഡെഡിക്കേറ്റ്‌ ചെയ്യുന്നു.

തമാശകള്‍ = www.pazhamburanams.blogspot.com

ചിരി സൈറ്റ്‌- www.pazhamburanams.blogspot.com

നിങ്ങളുടെ റ്റെന്‍ഷന്‍ മറന്ന് ചിരിക്കാന്‍, ഉല്ലസിക്കാന്‍ ഈ സൈറ്റ്‌ ഉപകരിക്കുമെന്ന് ഞാന്‍ ഗ്യാരണ്ടി. ഒരു ശ്രീനിവാസന്‍ സിനിമ പോലെ മനോഹരം.

സെനു ഈപ്പന്‍ തോമസിന്റെ പഴമ്പുരാണംസ്‌ തമാശകളുടെ ലോകം കീഴടക്കട്ടെയെന്ന് ആശംസിക്കുന്നു.

Anonymous said...

3. The demand and supply conditions of a product are represented by the following equations:
Aggregate Demand : Q = 15-0.3P
Aggregate Supply : Q = 5- 0.1P
Calculate the equilibrium price.

Anonymous said...

4. A teacher wishes to test three different teaching methods I, II, III. To do this, the teacher chooses at random three groups of five students each and teaches each group by a different method. The same examination is then given to all the students and the marks obtained are given below. Determine at α=0.05 significance level whether there is difference between the teaching methods. Use Kruskal-Wallis test.
Method I 78 62 71 58 73
Method II 76 85 77 90 87
Method III 74 79 60 75 80