Thursday 15 January 2009

മജീഷ്യന്‍ പാസ്റ്റര്‍ ഭാഗം-1

അവസാനം ഞാനും ഒരു തീരുമാനത്തിലെത്തി. മാര്‍ക്സിസ്റ്റിലെ നേതാക്കളാണു എനിക്ക്‌ ഈ പുതിയ ടെക്നിക്ക്‌ കാട്ടി തന്നത്‌. കൃസ്ത്യാനികളെ തെറി പറയാന്‍ സഖാവ്‌: എം.എ.ബേബി, ഹിന്ദുക്കളെ തെറി പറയാന്‍ സഖാവ്‌: സുധാകരന്‍, സഖാവ്‌: എ.കെ.ബാലന്‍, മുസ്ലീമുകളെ തെറി പറയാന്‍ സഖാവ്‌: റ്റി.കെ.ഹംസ, സഖാവു. പാലൊളി മുഹമ്മദ്ക്കുട്ടി ഇങ്ങനെ പോകുന്നു പട്ടിക. അങ്ങനെ പഴമ്പുരാണംസും ആ പാത പിന്തുടരാന്‍ തീരുമാനിച്ചുവെന്ന് സാരം.

അന്ന് സന്തോഷ്‌ മാധവനെ പോലീസ്‌ അറസ്റ്റ്‌ ചെയ്തപ്പോള്‍, നാട്‌ ഒട്ടുക്കുമുള്ള ആത്മീയ ആചാര്യന്മാര്‍ പി.ടി.ഉഷയുടെ ശിഷ്യന്മാരായി. കംസനെ കൊല്ലാന്‍ ശ്രീകൃഷണന്‍ അവതരിച്ചതു പോലെ, മഹാബലിയെ ഒതുക്കാന്‍ വാമനന്‍ അവതരിച്ചതു പോലെ ആത്മീയ ആചാര്യന്മാരെ ഒതുക്കാന്‍ അവതരിച്ച മഹാപുരുഷനായി തോന്നി സന്തോഷ്‌ മാധവന്‍. ആ സമയത്ത്‌ റ്റി.വി കാണാന്‍, പത്രം വായിയ്ക്കാന്‍ നല്ല രസം തന്നെയായിരുന്നു. പണ്ട്‌ ഞാന്‍ കേട്ട ഒരു പാരഡി പാട്ട്‌ ഇങ്ങനെ തിരുത്തി പാടി ഞാനിത്‌ സ്വകാര്യമായി ആഘോഷിച്ചു.

♪♪എന്തതിശയമെ, ഉപദേശിമാരുടെ ഓട്ടം..
അത്‌ എത്ര മനോഹരമെ....
അവനോടിയ ഓട്ടം...
ഓമ പെടത്തി, ചാണക കുഴി നികത്തി♪♪

പക്ഷെ എന്റെ സന്തോഷത്തിനു അധികം ആയുസ്സുണ്ടായിരുന്നില്ല. എല്ലാം പെട്ടെന്ന് കെട്ടടങ്ങി. ചില സ്വാമിമാര്‍, ഉപദേശിമാര്‍ ഒക്കെ അകത്തും, പുറത്തുമായി. കാണേണ്ടവരെ കാണേണ്ടിയ രീതിയില്‍ കണ്ടപ്പോള്‍, പലരും പഴയതിനേക്കാള്‍ ബിസിനസ്സ്‌ വിപുലപ്പെടുത്തുകയും ചെയ്തു.....

മുഖത്തെ വിയര്‍പ്പോടെ നീ ഉപജീവനം കഴിയ്ക്കും [ഉത്‌പ്പത്തി പുസ്തകം 3:19]എന്ന വേദവാക്യം നമ്മള്‍ സാധാരണക്കാര്‍ ഓര്‍ക്കുമെങ്കിലും, ദൈവത്തെ ഒരു വാണിജ്യ ഉപകരണമാക്കിയിട്ടുള്ള പല 'ദൈവ ദാസന്മാരും' ഈ വാക്യത്തെ പാടെ മറന്ന് ഉടയാത്ത വെള്ള വസ്ത്രങ്ങളും അണിഞ്ഞു, അടി പൊളിയായി നടക്കുന്നു. ഇന്നുള്ള ഭൂരിഭാഗം ദൈവദാസന്മാര്‍ക്കും വിദേശ രാജ്യങ്ങളിലും, അമേരിക്കന്‍ ഐക്യനാടുകളിലും താമസിക്കുന്ന 'പാവപ്പെട്ട കുഞ്ഞാടുകളോട്‌' സുവിശേഷം അറിയിക്കുന്നതിനാണു താത്‌പര്യം. നാട്ടില്‍ ഏതെങ്കിലും ഒരു അത്താഴപഷ്ണിക്കാരന്റെ വീട്ടില്‍ ചെന്നാല്‍ കൂടി പോയാല്‍ പാസ്റ്റര്‍ക്ക്‌ ഒരു നൂറു രൂപാ വെച്ചു കൊടുക്കും. ചിലപ്പാള്‍ ഒന്നും കൈയില്‍ തടഞ്ഞില്ലായെന്നും വരും. എന്നാല്‍ അമേരിക്കന്‍ ഐക്യനാടുകളിലെ കുഞ്ഞാടുകളോട്‌ സുവിശേഷിച്ചാല്‍ ഏറ്റവും കുറഞ്ഞത്‌ ഒരു നൂറു ഡോളര്‍ തന്നെ കൈയില്‍ തടയും. അങ്ങനെയുള്ളപ്പോള്‍ ആര്‍ക്ക്‌ വേണം ഈ മീന്‍ നാറുന്ന മഹാത്മാ ഗാന്ധിയുടെ മുഷിഞ്ഞ നോട്ട്‌ …

സീന്‍ 1:- ഞങ്ങള്‍ കുറച്ചു കാലം കെനിയായിലെ മൊംബസ്സാ[Mombassa] എന്ന സ്ഥലത്ത്‌ ജോലി ചെയ്തിരുന്നു. കെനിയായെ പറ്റി ഒറ്റ വാചകത്തില്‍ പറയാന്‍ പറഞ്ഞാല്‍, കുനിഞ്ഞ്‌ നിന്നാല്‍ കുമാരനാശാനെയും, വളഞ്ഞ്‌ നിന്നാല്‍ വള്ളത്തോളിനെയും, ചരിഞ്ഞു നിന്നാല്‍ ചങ്ങമ്പുഴയും അടിച്ച്‌ മാറ്റുന്ന നാട്‌. പാരഗണ്‍ ചെരുപ്പ്‌ മുതല്‍ അണ്ടര്‍ വെയറിന്റെ ഇലാസ്റ്റിക്ക്‌ വരെ കണ്ടാല്‍ ഒന്നും വേസ്റ്റ്‌ ആക്കാത്ത കറമ്പന്മാരുടെ സ്വന്തം നാട്‌.

ഒരു ദിവസം ജോലിയും കഴിഞ്ഞു ഞാന്‍ വീട്ടില്‍ ചെന്നപ്പോള്‍ എന്റെ ഭാര്യ പറഞ്ഞു, വളരെ പ്രശസ്തനായ, രോഗശാന്തി വീരനായ ഒരു മിഷണറി വരും ദിവസങ്ങളില്‍ ഞങ്ങളുടെ അവിടുത്തെ ഒരു സ്റ്റേഡിയത്തില്‍ പ്രസംഗിക്കാന്‍ വരുന്നു. ഞായറാഴ്ച്ചത്തെ പ്രസംഗത്തിനു നമ്മള്‍ക്കും പോകണം. കെനിയായിലെ ഞങ്ങളുടെ മുതലാളിമാര്‍ ഷാ[Shah]കളാണു. നമ്മളെ ജോലിക്കു കിട്ടിയാല്‍ അവര്‍ ശരിക്കും പിഴിയും. കണ്ണട്ട കടിച്ചാല്‍ ഇത്രയും ചോര കുടിക്കില്ല. എന്നാല്‍ ഒരു ഗുജ്ജുവിന്റെ കൂടെ ജോലി ചെയ്താല്‍ ഹീമോഗ്ലോബിന്‍ 7നു മേലെ ഒരിക്കലും പോകില്ല. അങ്ങനെയുള്ള ഷായുടെ അടുത്ത്‌ നിന്ന് വേണം സുവിശേഷം കേള്‍ക്കാന്‍ ഞായറാഴ്ച്ച ലീവ്‌ സംഘടിപ്പിക്കേണ്ടതു. ഒത്തത്‌ തന്നെ. അങ്ങനെ അവസാനം ആ വലിയ ഞായറാഴ്ച്ച എന്റെ മുന്‍പില്‍ വന്നു. ഇന്ന് അല്‍പം നേരത്തെ പോകണം...മീറ്റിംഗുണ്ട്‌. എന്ന് പറഞ്ഞപ്പോള്‍ പതിവില്ലാതെ ഷാ സമ്മതം മൂളി. അങ്ങനെ ഞങ്ങളുടെ കമ്പനി കാറില്‍, കറമ്പന്‍ ഡ്രൈവര്‍ക്കൊപ്പം ഞങ്ങള്‍ മീറ്റിങ്ങിനു പോയി. [ഞാന്‍ പറഞ്ഞത്‌ സത്യം ആണെന്നും, മീറ്റിങ്ങിനു തന്നെയാണു പോയതെന്നും ഉറപ്പ്‌ വരുത്താന്‍ വേണ്ടിയാണു കാറും, കറമ്പനും ഞങ്ങള്‍ക്ക്‌ അകമ്പടി സേവിച്ചതു.] ഞങ്ങള്‍ ചെന്നപ്പോള്‍ കറമ്പര്‍ അവേശ തിമിര്‍പ്പില്‍, പാട്ടിന്റെ താളത്തില്‍ കുണ്ടികള്‍ കുലുക്കി ആടുന്നു, ചാടുന്നു. ഇതൊക്കെ കണ്ട്‌ അല്‍പം അമ്പരപ്പോടെ ഞങ്ങള്‍ രണ്ടാളും, കറമ്പന്‍ ഡ്രൈവറും അടുത്തടുത്ത കസേരകളില്‍ സ്ഥാനം പിടിച്ചു. കൃത്യ സമയത്ത്‌ തന്നെ നമ്മുടെ സായിപ്പ്‌ വേദിയില്‍ ആഗതനായി. സായിപ്പ്‌ വന്നപ്പോഴെക്കും അവിടെ Praise the Lord, Glory, Glory വിളികളാല്‍ മുഖരിതമായി. പ്രാര്‍ത്ഥന തുടങ്ങി. ഞങ്ങള്‍ കണ്ണുകള്‍ അടച്ച്‌ ദൈവത്തെ സ്തുതിച്ച്‌ കൊണ്ടിരുന്നു. പിന്നെ രോഗശാന്തി ശശ്രൂഷയായി. കറമ്പന്മാരുടെ കടിച്ചാല്‍ പൊട്ടാത്ത പേരുകളും, അവര്‍ക്ക്‌ ഉണ്ടായിരുന്ന അസുഖങ്ങളും സൗഖ്യമായി എന്ന് സായിപ്പ്‌ പ്രഖ്യാപിച്ചു കൊണ്ടെയിരുന്നു. പെട്ടന്ന് സ്റ്റേജിന്റെ അവിടെ ഒരു വലിയ ആരവം. കൈ കൊട്ടല്‍. ഇത്രയും ആയപ്പോള്‍ അടച്ച്‌ വെച്ചിരുന്ന കണ്ണുകള്‍ ഞങ്ങളും തുറന്നു. ജന്മനാ അന്ധനായിരുന്ന ഒരു പയ്യനു കാഴ്ച്‌ കിട്ടിയിരിക്കുന്നു. ഞങ്ങള്‍ രണ്ടാളും ആദ്യമായി കാണുന്ന അത്ഭുത വിടുതല്‍. പയ്യനും, അവന്റെ മാതാപിതാക്കളും സ്റ്റേജില്‍ നിന്ന് തുള്ളി കര്‍ത്താവിനെ മഹത്വപ്പെടുത്തിയപ്പോള്‍ ആ പരിസരമാകെ ഇളകി മറിഞ്ഞു. ഈ പയ്യന്റെ അത്ഭുത വിടുതല്‍ വീണ്ടും സ്ഥിതീകരിക്കാന്‍ വേണ്ടി സായിപ്പ്‌ അവന്റെ മാതാപിതാക്കളെ മാറ്റി നിര്‍ത്തി പയ്യനു അവരെ കാട്ടി കൊടുത്തു. പയ്യന്‍ അവരെ കെട്ടി പിടിച്ച്‌ കരഞ്ഞപ്പോള്‍, തൊട്ടടുത്തിരുന്ന എന്റെ ഭാര്യയും മൂക്കു പിഴിയുന്നത്‌ ഞാന്‍ കണ്ടില്ലായെന്ന് നടിച്ചു. പിന്നെ സായിപ്പ്‌ അവനോട്‌ ചോദിച്ചു, നിനക്കു ഇപ്പോള്‍ എത്ര വയസ്സായി? 15, പയ്യന്‍ ഉത്തരം പറഞ്ഞു.. എന്നിട്ടു സായിപ്പ്‌ അവനെ ചേര്‍ത്ത്‌ നിര്‍ത്തിയിട്ട്‌ അവന്റെ അപ്പന്‍ ഇട്ടിരിക്കുന്ന ഉടുപ്പിലേക്ക്‌ കൈ ചൂണ്ടി ചോദിച്ചു, ഓ.കെ..നിന്റെ അപ്പന്‍ ഇട്ടിരിക്കുന്ന ഉടുപ്പിന്റെ നിറം എന്ത്‌? പയ്യന്‍ പറഞ്ഞു- ചുവപ്പും, വെള്ളയും...ഇത്‌ കേട്ടപ്പോഴെക്കും ജനങ്ങള്‍ ചാടി തുള്ളി സ്തോത്രം പറഞ്ഞു. എങ്കില്‍ നിന്റെ അമ്മ ഇട്ടിരിക്കുന്ന ഡ്രസ്സിന്റെ നിറമോ? വയലറ്റ്‌, ഗ്രീന്‍ ...ഇത്രയും ആയപ്പോഴെക്കും എന്റെ തൊട്ടടുത്തിരുന്ന ഡ്രൈവര്‍ എന്നെ തോണ്ടിയിട്ടു പറഞ്ഞു, ബാ നമ്മള്‍ക്ക്‌ പോകാം. നല്ല ഏകാഗ്രതയില്‍ പ്രാര്‍ത്ഥിച്ച്‌ കൊണ്ടിരുന്ന എന്നെ ഈ 'സാത്താന്‍' വിളിച്ച്‌ ശല്യം ചെയ്തത്‌ എനിക്ക്‌ ഒട്ടും പിടിച്ചില്ല. എടാ ഇത്രയും അത്ഭുതം കണ്ടിട്ടും നിനക്ക്‌ ഇവിടുന്ന് പോകണോ...അടങ്ങി ഇരുന്ന് പ്രാര്‍ത്ഥിക്കെടായെന്ന് പറഞ്ഞപ്പോള്‍ അവന്‍ എന്നോട്‌ ചോദിച്ചു, എന്ത്‌ അത്ഭുതം ആണിവിടെ നടന്നത്‌? മൊത്തം കളിപ്പീരു? എന്റെ തോമസെ, [സെനു ഈപ്പന്‍ എന്ന പേരുകള്‍ അവരുടെ വായില്‍ വരില്ലായിരുന്നു. അതിനാല്‍ എന്നെ തോമസ്‌ എന്നാണു വിളിച്ചിരുന്നത്‌]സമയം കളയാതെ...നമ്മള്‍ക്ക്‌ അടുത്ത പരിപാടി നോക്കാം. അവനോട്‌ എന്റെ കുഞ്ഞേ നീ കണ്ണടച്ച്‌ ദൈവത്തെ വിളിക്ക്‌ എന്ന് പറഞ്ഞപ്പോള്‍ അവന്‍ അടുത്ത ചോദ്യം എറിഞ്ഞു...ആര്‍ക്കാണീ മിഷനറി സൗഖ്യം കൊടുത്തതു? ജന്മനാ അന്ധനായ ബാലനു...ഞാന്‍ നിഷ്കളങ്കമായി ഉത്തരം പറഞ്ഞു. ജന്മനാ അന്ധനാണേ...ഇവിടെ വെച്ചാണേ അവനു സൗഖ്യം കിട്ടിയതു.....അതും ഈ മിഷനറി പ്രാര്‍ത്ഥിച്ചപ്പോഴാണേ സൗഖ്യം കിട്ടിയതു??? അതെ, അതെ, അതെ ...നീ എന്താ പ്രാര്‍ത്ഥനയ്ക്കിടയില്‍ കളേഴ്‌സിനെ നോക്കിയിരിക്കുകയായിരുന്നോ...അതോ ഉറങ്ങി പോയോ? എന്താ നിനക്കു പറ്റിയത്‌? അപ്പോള്‍ അവന്റെ അടുത്ത ചോദ്യം വന്നു...ജന്മനാ അന്ധന്‍ എങ്ങനെ ചുവപ്പും, വെളുപ്പും, വയലറ്റും, ഗ്രീനും ഒക്കെ തിരിച്ചറിഞ്ഞു. ഇതൊക്കെ അവന്‍ ആദ്യമായി കാണുന്ന കാര്യങ്ങളല്ലേ??? എന്റെ അമ്മേ...അവന്റെ ചോദ്യം കേട്ട്‌ എന്റെ കണ്ണില്‍ ഇരുട്ട്‌ *********കയറി . അതെ സത്യമാണല്ലോ? കറമ്പന്റെ തലയില്‍ ഒന്നും ഇല്ലാത്തതു കൊണ്ടാണു അവന്റെ തലമുടി ചുരുണ്ടിരിക്കുന്നതെന്ന് പറഞ്ഞ്‌ പല വട്ടം കളിയാക്കിയിട്ടുള്ള തന്റെ മുന്‍പിലാണു ഇന്ന് അവന്‍ അവന്റെ I.Q തെളിയിച്ചതു. പിന്നെ അവിടെ എത്ര രോഗ സൗഖ്യങ്ങള്‍ നടന്നുവെന്നോ, എത്ര നേരം അവിടെ ഇരുന്നുവെന്നോ എനിക്ക്‌ യാതൊരു ബോധം ഇല്ല. എങ്കിലും എന്റെ സായിപ്പേ ഞങ്ങളോട്‌ ഇതു വേണ്ടായിരുന്നുവെന്ന് മനസ്സില്‍ പറഞ്ഞു സ്ഥലം കാലിയാക്കി.

എല്ലാം അടിച്ചു മാറ്റുന്ന ഈ കറമ്പന്മാരുടെ നാട്ടില്‍ വന്ന് അവരെ പറ്റിച്ച്‌ അവരുടെ പിച്ച ചട്ടിയില്‍ കൈ ഇട്ട്‌ വാരുന്നവര്‍ ... കെട്ടിഞ്ഞാന്നു ചത്തവന്റെ അണ്ടര്‍വെയറിന്റെ ഇലാസ്റ്റിക്കില്‍ കെട്ടി ഞാന്ന് ചാകുന്ന മറ്റൊരു റ്റീം. സായിപ്പന്മാരെ, കൊള്ളാം നിങ്ങളെ സമ്മതിച്ചു തന്നിരിക്കുന്നു.

ആ കാല്‍വറി ക്രൂശില്‍ നമ്മള്‍ക്കു വേണ്ടി, നമ്മുടെ പാപങ്ങള്‍ക്കു വേണ്ടി നിന്ദയും, പരിഹാസവും, ദുഷിയും, ഉപദ്രവങ്ങളും, എല്ലാം ഏറ്റ്‌ വാങ്ങിയ നമ്മുടെ കര്‍ത്താവ്‌ ആ ക്രൂശില്‍ കിടന്ന് പറഞ്ഞതു പോലെ, "പിതാവേ, ഇവര്‍ ചെയ്യുന്നത്‌ ഇന്നത്‌ എന്നു അറിയായ്ക കൊണ്ട്‌ ഇവരോടു ക്ഷമിക്കണമേ” എന്ന് പ്രാര്‍ത്ഥിച്ച ആ കര്‍ത്താവിനോടു ചേര്‍ന്നു നമ്മള്‍ക്കും പ്രാര്‍ത്ഥിക്കാം… ഒപ്പം ഇത്തരം കള്ള പ്രവാചകന്മാരെ തിരിച്ചറിയാനുള്ള വിവേകത്തിനായും പ്രാര്‍ത്ഥിക്കാം.

ഹൊ, ഇവരുടെയൊക്കെ മുന്‍പില്‍ നമ്മുടെ യൂദാ ഇസ്ക്കരിയോത്ത എത്ര ഡീസെന്റാ. പാവം യൂദാ വെറും 30 വെള്ളിക്കാശിനാ യേശുവിനെ ഒറ്റിക്കൊടുത്തത്‌.. പുതിയാ യൂദാക്കള്‍ യൂറോയ്ക്കും, ഡോളറും വെച്ച്‌ യേശുവിനെ വിറ്റ്‌ കാശാക്കുന്നു....

തുടരും...

64 comments:

Senu Eapen Thomas, Poovathoor said...

വാറ്റും, ഇന്‍കം റ്റാക്സ്സും, മറ്റ്‌ യാതൊരു പൊല്ലാപ്പുകളുമില്ലാതെ അടിപൊളിയായി ജീവിക്കണോ?

ദാ മജീഷ്യന്‍ പാസ്റ്റേഴ്‌സിന്റെ യൂണിയനില്‍ അംഗമാകൂ... ജീവിതം എന്‍ജോയി ചെയ്യൂ...

സസ്നേഹം,
പഴമ്പുരാണംസ്‌.

siva // ശിവ said...

ഹ ഹ! കാഴ്ച കൊടുത്ത ദൈവം നിറമൊക്കെ പഠിപ്പിച്ചു കൊടുത്തിട്ടുണ്ടാകും.....എല്ലാവരും പല പല ബിസിനസ് ചെയ്യുന്നു.....ചിലര്‍ ദൈവത്തെ വിറ്റ് കാശാക്കുന്നു.....

മാണിക്യം said...

പുതിയ ടെക്നിക്ക്‌
എന്ന് പറയാന്‍ പറ്റ്വോ?
പണ്ടേക്ക് പണ്ടേ ഒരു മൊഴിയുണ്ട്...
“തള്ള ചവുട്ടിയാല്‍ പിള്ളക്കു കേടില്ലന്ന്”... ഇതേതായാലും എനിക്ക് സുഖിച്ചു
സ്തോത്രം കര്‍ത്താവേ സ്തോത്രം!

nandakumar said...

സ്തോത്രം!!!!

പഴയ റേഞ്ചിലേക്കു വന്നു. പാസ്റ്ററുടെ ചോദ്യങ്ങളും കുട്ടിയുടെ ഉത്തരങ്ങളും കേട്ടപ്പോള്‍ എനിക്കും തോന്നി ഈ സംശയം.(അന്ധവിശ്വാസി അല്ലാത്തതു കൊണ്ടാകും)

എന്റെ നാട്ടിലും ഉണ്ട് ഇതുപോലെ രോഗശാന്തി ശുശ്രൂഷകര്‍, വീട്ടില്‍ വന്ന് പ്രാര്‍ത്ഥിക്കാനും രോഗശാന്തിക്കു വേണ്ടി പ്രാര്‍ത്ഥിക്കാനും, പക്ഷെ എല്ലാ ശുശ്രൂഷകരും അന്യ മതസ്ഥരുടെ വീട്ടിലേ പോകു കേട്ടോ, സ്വമതത്തില്‍, ജാതിയില്‍ സഭയില്‍ ആരും വേദന മാറ്റാന്‍ പോകുന്നത് കണ്ടിട്ടില്ല.അതെന്താണാവോ!! ;)

ജിജ സുബ്രഹ്മണ്യൻ said...

ഹോ എന്റമ്മച്യേ !!

Sapna Anu B.George said...

ദൈവത്തിനു സ്തോത്രം എന്നുമെന്നേക്കും.............സീനു അസാദ്ധ്യമായ വിവരണം.ഇനി ഇതില്‍ നന്നായിട്ടാര്‍ക്കും പറയാനൊക്കില്ല. നമ്മുടെ നാട്ടില്‍ ഇതിന്റെ ഇരട്ടിക്കിരട്ടി തട്ടിപ്പും വെട്ടിപ്പും നടക്കുന്നു. എവിടെപ്പോയി ആനത്താനം ജോസിന്റെയും, തങ്കു ബ്രദറിന്റെ പല പാസ്പ്പോര്‍ട്ടിന്റെയും
മറ്റും കേസൂകള്‍..എന്തിനാ വെറുതെ സായിപ്പന്മാരുടെ പുറകെ പോകുന്നത്.നമൂക്കിവിടെ നാട്ടില്‍ ഉണ്ടല്ലോ ഇതിലും നിറങ്ങള്‍ പറഞ്ഞു കൊടൂക്കാന്‍ ആളുകള്‍??പക്ഷെ ഈ
ഞാനടക്കം എല്ലാവരും പിന്നെയും പോകൂം ഇതിന്റെ ഒക്കെ പീറകെ,
ദൈവ വിളി!!!!!!ഈ ദൈവവേലക്കാരെ ഇവിടെ ഒരു മാസം
കൊണ്ടു വന്നു,എല്ലാ റോഡരുകിലും,
ജംങ്ഷനിലും നിന്നും പ്രാര്‍ത്ഥിക്കാന്‍ പറയണം....... അന്നേരം അറിയാം വിയര്‍പ്പിന്റെ വിളീ......

ആദര്‍ശ്║Adarsh said...

മായയല്ല ,മന്ത്രമല്ല ...മായാജാലമല്ല...ശുദ്ധ തട്ടിപ്പ്..!
പ്രൈസ് ദ ലോര്‍ഡ്...! അടുത്ത മാന്ത്രിക കഥ പോരട്ടേ...

Anonymous said...

സേനുവേ.എനിക്കാ സൌഖ്യ ദായകന്‍ സായിപ്പിനെ ഇഷ്ടപ്പെട്ട്‌ .എന്തിനാ സായിപ്പിനെ പറയുന്നേ അനു പറഞ്ഞതുപോലെ നമ്മുടെ യോനാച്ചന്റെയോ ,തങ്കുവിന്റെയോ,ദിനകരന്റെയോ ഒന്ന് പറഞ്ഞെ .കേള്‍ക്കാന്‍ ഉള്ള കൊതികൊണ്ട :)

സ്തോത്രം കര്‍ത്താവേ :)

jyothi said...

ഹൊ, ഇവരുടെയൊക്കെ മുന്‍പില്‍ നമ്മുടെ യൂദാ ഇസ്ക്കരിയോത്ത എത്ര ഡീസെന്റാ. പാവം യൂദാ വെറും 30 വെള്ളിക്കാശിനാ യേശുവിനെ ഒറ്റിക്കൊടുത്തത്‌.. പുതിയാ യൂദാക്കള്‍ യൂറോയ്ക്കും, ഡോളറും വെച്ച്‌ യേശുവിനെ വിറ്റ്‌ കാശാക്കുന്നു....

പതിവു പോലെ തന്നെ താങ്കള്‍ തകര്‍ത്തിരിയ്ക്കുന്നു, സുഹൃര്ത്തേ! അഭിനന്ദനങ്ങള്‍!!

saju john said...

പ്രിയ കുഞ്ഞാടെ......

സ്വര്‍ഗ്ഗീയമായ ഒരു ജീവിതം പ്രദാനം ചെയ്യുന്ന, ശുഭ്രവസ്ത്രധാരികളും, പൂ പോലെ ഹൃദയവും, നിര്‍മല ശരീരവുമുള്ള “പ്ലാസ്റ്റേര്‍സിനെ” കളിയാക്കുന്ന മിസ്റ്റര്‍ സീനു......

നിന്നെ ഞങ്ങള്‍ നരകത്തില്‍ വച്ച് കണ്ടോളാം..

രഘുനാഥന്‍ said...

പ്രിയ സെനു... പട്ടാളക്കാരന് വെടിവെപ്പ് കഴിഞ്ഞിട്ട് കാശിക്കു പോകാന്‍ നേരമില്ല എന്ന് പറയുന്നതു പോലെ എനിക്ക് സെനുവിന്റെ പോസ്റ്റുകള്‍ വായിക്കണമെന്ന് ആഗ്രഹമുന്ടെന്കിലും സമയം കിട്ടാറില്ല. എപ്പോഴെങ്കിലും അല്പം സമയം കിട്ടി പോസ്റ്റ് വായിക്കാന്‍ വരുമ്പോള്‍ അതങ്ങ് ഉഗാണ്ട വര നീണ്ടു കിടക്കുന്ന പോസ്ടാവും. പിന്നെ ഇന്‍സ്ടാല്മെന്റ്റ് പോലെ തവണ തവണ ആയിട്ടാണ് വായിക്കുന്നത്. ...എനിക്ക് വേണ്ടി ഒരു ചെറിയ പോസ്റെന്കിലും മാസത്തിലൊരിക്കല്‍ ഇടാന്‍ താഴ്മയായി അപേക്ഷിച്ച് കൊള്ളുന്നു.
ഓം സെനുഹായ നമ: ആമേന്‍ ....

Typist | എഴുത്തുകാരി said...

ഭംഗിയായി പറഞ്ഞിരിക്കുന്നു.നമ്മുടെ ചുറ്റുമുണ്ടല്ലോ ഇത്തരക്കാര്‍ ഒരുപാട്‌.

വിപിന്‍ said...

സത്യം സെനുജീ...
സ്വതസിദ്ധമായ നര്‍മ്മത്തിന്റെ മേമ്പൊടിയോടെ താങ്കള്‍ പറഞ്ഞത് സത്യം.
ദൈവത്തെയല്ല, ദൈവത്തില്‍ നിന്ന് കിട്ടുന്നതിനെ സ്നേഹിക്കുന്ന വിശ്വാസികള്‍!
ഇത്തരം സുവിശേഷ വ്യാപാരികളുടെ കാര്യം പിന്നെ പറയാതിരിക്കുകയാവും ഭേദം.
പണ്ട് ശങ്കരാചാര്യര്‍ പറഞ്ഞപോലെ...
ഉദരനിമിത്തം ബഹുകൃതവേഷം.

അരവിന്ദ് നീലേശ്വരം said...

അത് കലക്കി... കറമ്പന്റെ ഐ ക്യു ഫയങ്കരം....
നാട്ടിലായിരിക്കുമ്പോള്‍ ശാസ്ത്ര സാഹിത്യ പരിഷത്തില്‍ പ്രവര്‍ത്തിച്ചിരുന്നു ഞാന്‍. തൊട്ടടുത്തുള്ള മറ്റൊരു യൂണിറ്റിലെ ഒരു സുഹൃത്ത് പറഞ്ഞ ഒരു സംഭവം ഓര്‍മ്മ വരുന്നു. അവരുടെ നാട്ടിലെ ഒരു രോഗശാന്തി ശുശ്രൂഷ കാണാന്‍ അവര്‍ പോയിരുന്നു. ബധിരനെ പ്രാര്‍ത്ഥിച്ച് സംസാരിപ്പിക്കുന്നതും മുടന്തനെ പ്രാര്‍ത്ഥിച്ച് സുഖപ്പെടുത്തുന്നതും എല്ലാം അവര്‍ കണ്ടു. രസകരമായ കാര്യം, ഇത്തരത്തില്‍ സുഖപ്പെടുന്നവര്‍ ആരും തന്നെ ആ നാട്ടില്‍ കണ്ട് പരിചയമുള്ളവരല്ല. അവിടെ വച്ച് സുഖമായ ഒരു മുന്‍ മുടന്തനെ പിന്തുടരാന്‍ അവര്‍ തീരുമാനിച്ചു. രാത്രിയായതിനാല്‍ വലിയ ജനസഞ്ചാരമില്ലാത്ത ഒരു സ്ഥലത്ത് വച്ച് അവര്‍ അയാളെ പിടികൂടി. സ്നേഹത്തോടെ ചോദിച്ചപ്പോള്‍ അയാള്‍ ഒന്നും വിട്ടുപറഞ്ഞില്ല. ഒന്നു വിരട്ടി നോക്കിയപ്പോള്‍ അയാള്‍ കരഞ്ഞുകൊണ്ട് പറഞ്ഞു “മക്കളേ, എന്നെ ഒന്നും ചെയ്യല്ലേ, അവര്‍ കാശ് തന്നത് കൊണ്ട് മുടന്തനായി അഭിനയിച്ചതാണേ.... ഞാന്‍ ഈ നാട്ടുകാരനുമല്ലേ....”

Anonymous said...

കൂടയില്‍ ഒരു ഓറഞ്ച് ചീഞ്ഞു എന്നു വെച്ച് മുഴുവന്‍ അത്തരമാണ് എന്ന് വിളിച്ചുകൂവരുത്...സാറ് മാര്‍ത്തോമ്മാ അംഗം ആണെങ്കില്‍ അവിടത്തെ കുറെ കഥ ഞാന്‍ പറയാം, എന്നു വെച്ച് ആ സഭക്കാരെല്ലാം അങ്ങനെയാണെന്ന് പറയാന്‍ പറ്റുമോ? ഓര്ത്തഡോക്സ്-യാക്കോബായ-കത്തോലിക്കാ സഭക്കാരന്‍ ആണെങ്കില്‍ അവിടത്തെ കഥകള്‍ ഞാന്‍ പറഞ്ഞറിയിക്കേണ്ടല്ലോ. എന്നാല്‍ ആ സഭക്കാര്‍ എല്ലാവരും പുരോഹിതന്മാരുമെല്ലാം അത്തരക്കാരെന്നു പറയാമോ...പിന്നെ തിരിച്ചു തല്ലുകിട്ടില്ലാന്നുള്ളിടത്ത് കുത്താന്‍ സുഖമാ സാറേ...പാസ്പോറ്ട് കളിപ്പീക്കല്‍ നടത്തുന്ന മഹാന്മാരൊക്കെ എല്ലാ കൂട്ടത്തിലും ഉണ്ട് എന്നത് ആരും അറിയുന്നില്ലാന്ന് വിചാരിക്കരുതേ...

Anonymous said...

@ anony chettan

സ്തോത്രം!
പക്ഷെ കൂടയിലെ ഓറഞ്ചുകളെല്ലാം ചീഞ്ഞുവരികയാണല്ലോ..അപ്പോഴോ? ചീഞ്ഞുപോയ ആ ഓറഞ്ചുകള്‍ പെറുക്കി ക്കളയാന്‍ ആരെങ്കിലും ശ്രമിച്ചിരുന്നെങ്കില്‍ ബാക്കിയുള്ള മറ്റു ഓറഞ്ചുകള്‍ കൂടീ ചീയാന്‍ തുടങ്ങുമായിരുന്നൊ?
മാര്‍ത്തോമ്മയായാലും മറുതോമയായാലും ഇത്തരം തട്ടിപ്പു നടത്തിയാല്‍ തുറന്നെഴുതണം,
തല്‍ക്കാലം അനോണിചേട്ടന്‍ പോയി ആ കൂടയിലെ ചീഞ്ഞ ഓറഞ്ച് പെറുക്കാന്‍ നോക്കു

സ്തോത്രം!

Pongummoodan said...

" ജന്മനാ അന്ധന്‍ എങ്ങനെ ചുവപ്പും, വെളുപ്പും, വയലറ്റും, ഗ്രീനും ഒക്കെ തിരിച്ചറിഞ്ഞു. ഇതൊക്കെ അവന്‍ ആദ്യമായി കാണുന്ന കാര്യങ്ങളല്ലേ??? "

സത്യം.

സേനു ചേട്ടാ, ഇത്തരം തട്ടിപ്പുകൾ തന്നെയല്ലേ ഇവിടെയും നടക്കുന്നത്! മറ്റുള്ളവരുറ്റെ നിസ്സഹായതയെ എത്ര സമർത്ഥമായാണ് ഇക്കൂട്ടർ ചൂഷണം ചെയ്യുന്നത്. തുടരുക.

പിന്നെ, അനോണിച്ചേട്ടന്റെ ‘സ്തോത്രത്തിന്’ ഒരു മറു സ്തോത്രം അങ്ങ് കൊടുക്കുക. മറുഭാഷയിൽ തന്നെ ആയിക്കോട്ടെ :)

annamma said...

ഒരു ഗുജ്ജുവിന്റെ കൂടെ ജോലി ചെയ്താല്‍ ഹീമോഗ്ലോബിന്‍ 7നു മേലെ ഒരിക്കലും പോകില്ല
:D

Unknown said...

സെനുവേ പോസ്റ്റ് അടിപൊളി ..........എന്റെ ഇഷ്ട്ടവിഷയം തന്നെ പോസ്റ്റ് ആക്കിയതി‌നു തന്ക്സ് .പിന്നെ ഇ ദൈവത്തെ വിറ്റുകാശ് ആക്കുന്ന സഭകളേയും കള്ളാപതിരിമാരെയും ,ഉപദേശി മാരെയും പറ്റി എത്ര പറഞ്ഞാലും തീരില്ല .ഒരു ഗള്‍ഫ് കരാണോ .അമേരിക്കകരനോ വല്ലതും ലീവിന് വന്നാല്‍ ഇവറ്റകള്‍ ആ വിട്ടില്‍ നിന്നും ഇറങ്ങില്ല !എന്നാല്‍ തൊട്ടടുതവീട്ടില്‍ ഒരാള്‍ ചാകാന്‍ കിടന്നാല്‍ അവിടെകയറി ഒന്ന് പ്രാര്‍തിക്കില്ല !അയല്വക്കകരനോടോ നാട്ടുകരനോടോ സുവിശേഷം പറയില്ല ..........ഗള്‍ഫിലും.ലണ്ടനിലും,അമേരിക്കയിലും പോയാലെ ഇവന്മ്മര്‍ക്ക് സുവിശേഷം വരുകയുള്ളു .നമ്മുടെ ഒരു സഭയും മോശമല്ല ദൈവത്തെ വിറ്റു കാശ്ആക്കുന്നതില്‍ ..ഫോട്ടോ ആയും.കുരിശയും,കൊന്തയയും,കിചെയിന്‍ ആയും എന്തൊക്കെ വേണം ..ഏതെല്ലാം ഡിസൈനില്‍ ..നാലുദിവസം കൊണ്ടുനടകും പിന്നെ ഏവിടെക്കിലും വലിച്ചെറിയും ഇ ദൈവത്തെ നാട്ടുകാര്‍ക്ക്‌ ചവിട്ടാന്‍.പിന്നെയും ഉണ്ടാക്കും വിറ്റുകാശാക്കാന്‍ .....ഇതൊന്നും പോരാത്തതിന് കവലതോറും നേര്‍ച്ചപെട്ടിയും കുരിശും.കണ്ട്ടില്ലേ കുറെപാതിരിമാരും കര്‍ത്താവിന്റെ മണവട്ടിമാരും കൂടി കോടതിയെയും ജഡ്ജി മാരെയും വരെ വിലക്ക് വാങ്ങുന്നത് !ഈ പവപെട്ടവന്റെയും വിജതിയന്റെയും നേര്ച്ചകാശുകൊണ്ടേ ........... ........... ഹാവോ കര്‍ത്താവെ ഇവരോടെ പൊറുക്കേണമേ ............നമ്മള്‍ക്ക് പ്രാര്‍ത്ഥിക്കാം .........കര്‍ത്താവെ നീ വേഗം വരേണമേ !!!!!!!!!!!!!!!!!!!!!!!!!!!

ദീപക് രാജ്|Deepak Raj said...

സെനൂ അച്ചായ

ആടിനെ മേയ്ക്കുന്നത് നല്ല കച്ചവടം ആണെന്ന് തിരിച്ചറിഞ്ഞ ഇടയന്മാരാണ്‌ അവര്‍.സാക്ഷാല്‍ കര്‍ത്താവിനെയും അവര്‍ക്ക് വേണ്ട..വിശ്വാസവും കുറവ്.. കാരണം... പണം തന്നെ പ്രധാനം.
കര്‍ത്താവില്‍ വിശ്വാസകുറവും പണത്തിനോടുള്ള ആര്‍ത്തിയും നേരത്തെ ഞാന്‍ ഒരു പോസ്റ്റ് ഇട്ടിരുന്നു.. സംഭവം ഇവിടെ ക്ലിക്കിവായിക്കാം.. ഇതിനോട് ചേര്‍ത്ത് വായിക്കാവുന്നതു തന്നെ..

സ്നേഹപൂര്‍വ്വം ദീപക് രാജ്

Anonymous said...

സ്തോത്രം!
പക്ഷെ കൂടയിലെ ഓറഞ്ചുകളെല്ലാം ചീഞ്ഞുവരികയാണല്ലോ..അപ്പോഴോ? ചീഞ്ഞുപോയ ആ ഓറഞ്ചുകള്‍ പെറുക്കി ക്കളയാന്‍ ആരെങ്കിലും ശ്രമിച്ചിരുന്നെങ്കില്‍ ബാക്കിയുള്ള മറ്റു ഓറഞ്ചുകള്‍ കൂടീ ചീയാന്‍ തുടങ്ങുമായിരുന്നൊ?
മാര്‍ത്തോമ്മയായാലും മറുതോമയായാലും ഇത്തരം തട്ടിപ്പു നടത്തിയാല്‍ തുറന്നെഴുതണം,
തല്‍ക്കാലം അനോണിചേട്ടന്‍ പോയി ആ കൂടയിലെ ചീഞ്ഞ ഓറഞ്ച് പെറുക്കാന്‍ നോക്ക

marupadi weldone...........njan oru marthoma karanaaaaaaaaaa

Unknown said...

heheh...anjana ,mennal enikkariyaam ...manjalu pole veluttatalle...ennu paranju nadakkunna nammude chota munch kaloodu ...
taangal paranja ee karyangal vayichu kelpikkan avsaram kittiyaal ...njan varum ...b cose i love it...

cngrats

Anonymous said...

ഉപദേശിമാരെല്ലാം പുണ്യാളരല്ല എന്ന് അറിയാം. പക്ഷേ, കൂട്ടം ചേര്‍ന്നുള്ള ഊത്തിന്‍റെ ഇതേ വീര്യം ഇങ്ങോട്ട് രണ്ട് കിട്ടുമെന്നുള്ളവന്‍റെ അടുത്ത് ഇറക്കാന്‍ തക്ക ഉറപ്പൊന്നും ചങ്ങാതികള്‍ക്കില്ലെന്നറിയാം/ആവേശം കൊണ്ട ചങ്ങാതിണികള്‍ക്കും. ചാഞ്ഞ മരത്തില്‍ ഓടിക്കയറാനുള്ള സുഖം വേറെ തന്നെ. സ്വന്തം സഭയിലും, മതത്തിലുമുള്ള തട്ടിപ്പുകാരെയൊക്കെ ഇടക്ക് ഒന്ന് ഓര്‍ത്തേക്കണേ, തെറിയൊന്നും പറയേണ്ട. അവരും രോഗശാന്തിയും ഉദ്ദിഷ്ടകാര്യസാധ്യവും തരുന്നുണ്ടാവുമല്ലോ, ആ പാവന സ്മരണക്ക്. അത്രമാത്രം

Anonymous said...

@ ANONY CHETTAN
ഈ അനോണി മേടിക്കും. എടെ ഇത്‌ നിന്റെ ആള്‍ക്കാരെ പറഞ്ഞില്ലല്ലോ.... ഏതോ സായിപ്പ്‌ എന്തോ കാട്ടിയെന്ന് പറഞ്ഞതിനു ഇവനെന്തിനാ ഇത്ര ആക്രാന്തം. എല്ലാ ഉപദേശികളും ഇവന്റെ തറവാട്ടിലാണോ കിടപ്പ്‌... എന്താ ചങ്ങാതി, ചങ്ങാതിക്കെന്തിന്റെ കുഴപ്പമാ? ചുമ്മാതെ പ്രാര്‍ത്ഥനാ കൂട്ടത്തിന്റെ ഇടയില്‍ ഇരുന്ന് ആര്‍ക്കും മനസ്സിലാകാത്ത രീതിയില്‍ ഇരുന്ന് അഞ്ചന ബാര, സുന്ദ്ര ശൂക്ര എന്നൊക്കെ വിളിച്ച്‌ പറയുന്നതു പോലെ ബ്ലോഗിലും വെച്ച്‌ കാച്ചുകയാണോ അന്യ ഭാഷ. ഇനിയും വന്നാല്‍ ഞാനും ഇറക്കും നല്ല ഒന്നാന്തരം അന്യ ഭാഷ. എന്നെയും ഉപദേശിയാക്കല്ലെ, അനോണി.

അരുണ്‍ ശശിധരന്‍....... said...

valare nannaayirikkunnu narmmathil pothinja ee anubhavam. abinandhanangal.

smitha adharsh said...

പതിവുപോലെ കലക്കി...നര്‍മ്മാതിലൂടെയാനെങ്കിലും പറഞ്ഞു ഫലിപ്പിച്ചത് വാസ്തവം തന്നെ..ബാക്കി,നാട്ടില്‍ പോയി വന്നിട്ട്..
എഴുത്ത് നടക്കട്ടെ..
പോസ്റ്റ് രസിപ്പിച്ചു.

Senu Eapen Thomas, Poovathoor said...

പതിവ്‌ പോലെ പഴമ്പുരാണംസ്‌ ദ്വൈവാരികയില്‍ പോസ്റ്റിറങ്ങി. പക്ഷെ പതിവിനു വിപരീതമായി അനോണി കന്മന്റ്‌സും അവയ്ക്കുള്ള അനോണി മറുപടികളും കണ്ട്‌ കോരിത്തരിച്ചു. അനോണികള്‍ ആദ്യമായിട്ടാണു ആന്റണി ഗ്രൂപ്പും, കരുണാകര ഗ്രുപ്പും പോലെ പഴമ്പുരാണംസില്‍ വന്ന് തമ്മില്‍ തല്ലുന്നത്‌ കാണുന്നത്‌.

ഇനി ഞാന്‍ അല്‍പം വിശദീകരണം തരട്ടെ. ഞാന്‍ നല്ല ഒന്നാന്തരം ഓര്‍ത്തഡോക്‍സ്‌ സഭക്കാരനാണു. ഇടവക:- പൊടിയാടി സെന്റ്‌ മേരീസ്‌ ഓര്‍ത്തഡോക്‍സ്‌ പള്ളി.

ഞങ്ങളുടെ സഭക്കാര്‍ക്ക്‌ എന്താ കുഴപ്പം??? നല്ല ഒന്നാന്തരം തല്ലു ഉണ്ടാക്കാനറിയാം. നമ്മുടെ ഉമ്മന്‍ ചാണ്ടി മുഖ്യ മന്ത്രിയായിരുന്ന സമയത്ത്‌ ഓര്‍ത്തഡോക്സിലെ അച്ചന്മാരെ ഉമ്മന്‍ ചാണ്ടിയുടെ പോലീസ്‌ പട്ടിയെ പോലെ തല്ലുമ്പോള്‍ ഓടുന്ന അച്ചന്മാരെയും, കുപ്പായം മടക്കി കുത്തി ഓടുന്ന അച്ചന്മാരെയും, പോലീസിനോട്‌ നല്ല അന്യ ഭാഷ പറഞ്ഞ്‌ തല്ല് നിര്‍ദ്ദാക്ഷണ്യം മേടിക്കുന്ന തൊലിക്കട്ടിയുള്ള അച്ചന്മാരെയും, തല്ലല്ലേ, ഇനി തല്ലല്ലേ എന്ന് പറഞ്ഞ്‌ കരയുന്ന അച്ചന്മാരെയും കണ്ടിട്ടുമുണ്ട്‌. പാത്രിയര്‍ക്കീസും, ഓര്‍ത്തഡോകസും തമ്മില്‍ തല്ലി തല്ലി ഒരു പരുവമായി. ഞങ്ങളുടെ അച്ചന്മാര്‍ പെണ്ണു പിടിക്കും... ഓര്‍ക്കുന്നോ ജോളി വധം... പിന്നെ കൈയിട്ട്‌ വാരുകയും ചെയ്യും. ഞങ്ങളുടെ സര്‍വ്വ ത്യാഗികളായ തിരുമേനിമാര്‍ നടക്കുന്നത്‌ ബെന്‍സ്‌ കാറില്‍. ഇടുന്ന കുപ്പായത്തിന്റെ തുണി ചൈനയില്‍ നിന്ന് ഇറക്കുമതി ചെയ്ത്‌ മുന്തിയ ഇനം സില്‍ക്കില്‍ നിന്ന്, കഴുത്തില്‍ കിടക്കുന്ന ഒറ്റ കുരിശ്‌ വിറ്റാല്‍ തന്നെ 10 പെണ്ണ്‍പിള്ളാരെ സുഖമായി കെട്ടിച്ചു വിടാം. പിന്നെ രാത്രി ഉറങ്ങുന്നതിനു മുന്‍പായി രണ്ടെണ്ണം വീശിയിട്ടെ കിടക്കൂ...അതും നല്ല ഒന്നാന്തരം സ്ക്കോച്ച്‌. ഇതൊക്കെയാണു ഓര്‍ത്തഡോകസ്‌ സഭയുടെ ചെറിയ ഒരു ചരിത്രം.

പിന്നെ ഇന്ന് എന്റെ പോസ്റ്റിനെക്കാളും എന്നെ ഏറെ ചിരിപ്പിച്ചതും അനോണി കമന്റുകളാണു. കൊള്ളാം... അനോണികളായി കടന്ന് വന്ന് ഞങ്ങളെ ചിരിപ്പിച്ച അനോണി ചേട്ടനും, അനുജനും നന്ദി.

ഇനിയും വരണം. കാത്തിരിക്കുന്നു...

സസ്നേഹം,
പഴമ്പുരാണംസ്‌.

Dr.Biji Anie Thomas said...

ജയ് കാതോലിക്കോസ്.സിംഹാസനങ്ങള്‍,അരമനകള്‍,സെമിനാരികള്‍ നീണാള്‍ വാഴട്ടെ.സെനൂ മെത്രാന്‍-ബാവാമാരെ തള്ളിപ്പറയല്ലേ.
അടിപൊളി എഴുത്ത്..നാട്ടില്‍ ഏതെങ്കിലും ഒരു അത്താഴപഷ്ണിക്കാരന്റെ വീട്ടില്‍ ചെന്നാല്‍ കൂടി പോയാല്‍ പാസ്റ്റര്‍ക്ക്‌ ഒരു നൂറു രൂപാ വെച്ചു കൊടുക്കും..കൊടുത്തില്ലെങ്കില്‍ പറയും, ബാധയുണ്ട് പിശാച് വലയം ചെയ്തു നില്‍ക്കുന്നതു കാണുന്നു..ന്നൊക്കെ..
പറഞ്ഞ പോലെ അനോണി വേഴ്സസ് അനോണി രസകരം..

Manikandan said...

ഞാൻ ആദ്യമായാണ് ഇവിടെ എത്തുന്നത്. സംഭവം എനിക്കും വളരെ ബോധിച്ചു. വിശ്വാസത്തെ ചൂഷണം ചെയ്യുന്ന ഇത്തരക്കാരെയാണ് ആദ്യം തല്ലേണ്ടത്. തെക്കേ ഇന്ത്യയിലെ പ്രസിദ്ധ സുവിശേഷകനും രോഗശാന്തി സുശ്രൂഷകനുമായ ഒരാൾ കഴിഞ്ഞവർഷം അന്തരിച്ചു. ലോകർക്കുമുഴുവൻ രോഗശാന്തി നൽകിയ അദ്ദേഹം തന്റെ ജീവിതന്റെ അവസാനത്തെ മൂന്നാഴ്ച ചെന്നൈയിലെ ആപ്പോളോ ആശുപത്രിയിൽ ചികിത്സയിലായിരുന്നു.

Anonymous said...

തല്ലുകിട്ടുനെന്നുതോന്നിയപ്പോള്‍ .ആ അനോണി പ്രതികരണം മതിയാക്കി എന്നുതോന്നുന്നു !!!!!!!!

Anonymous said...

പ്രെയിസ് ദി ലോര്‍ഡ്..

എന്റെ സുഹൃത്ത് പറഞ്ഞ ഒരു “ഗ്ലോറി” തമാശ..

ഏതോ ഒരു കൊടികെട്ടിയ പാസ്റ്റര്‍ രോഗ ശാ‍ന്തി ഓപ്പറേഷന്‍ നടത്തിക്കോണ്ടിരിക്കുകയാണ്.. അന്തരീക്ഷം ഗ്ലോറി വിളികളാല്‍ മുഖരിതമാണ്..

റേഡിയോയില്‍ അടുത്ത ഗാനം എന്നൊക്കെ പറയുന്നതു പോലെ,
“അടുത്തതായി കാലിനു മുടന്തുള്ള മേരിക്കുട്ടിയും സംസാരിക്കുവാന്‍ ബുദ്ധിമുടുള്ള സെബാസ്റ്റിയനും വിടുതല്‍ പ്രാപിക്കുന്നു”.

“ഗ്ലോറി.. ഗ്ലോറി..”

വടിയൂന്നി മേരിക്കുട്ടിയും, ചെറുപ്പക്കാരനായ സെബാസ്റ്റിയനും സ്റ്റേജിലെത്തി.

പാസ്റ്റര്‍ തന്റെ ദൈവവുമായുള്ള കമ്മ്യൂണിക്കേഷന്‍ ലൈന്‍ മൊത്തത്തില്‍ തുറന്നിട്ട് ആ പാവങ്ങള്‍ക്ക് വേണ്ടി റെക്കമെന്റ് ചെയ്തു തുടങ്ങി...

ഗ്ലോറി.. ഗ്ലോറി...

അവസാനം ഏതണ്ടൊരു ഉറപ്പുകിട്ടിയതു പോലെ സെബാസ്റ്റിയനോടും മേരിക്കുട്ടിയോടും ഒരു ഡോക്ടര്‍ ചോദിക്കുന്ന വൈഭവത്തോടെ(ഗ്ലോറി വിളികള്‍ക്കിടയില്‍), “ഇതു തുടങ്ങിയിട്ടെത്രനാളായി?”

(ഗ്ലോറി..)

“നാനിദു വദെ തദിക്കു മിന്തീത്തില്ല പാത്തദേ”, ന്ന് സെബാസ്റ്റിയന്‍..

(ഗ്ലോറി..)

“അഞ്ചു കൊല്ലം മുന്‍പ് പശൂനെ കറക്കാന്‍ ചെന്നപ്പൊ പശു തൊഴിച്ചതാ പാസ്റ്ററേ”,ന്ന് മേരിക്കുട്ടി..

പുതിയതായി കിട്ടിയ വിവരങ്ങള്‍ ചേര്‍ത്ത് പാസ്റ്റര്‍ ദൈവവുമായി നെഗോഷിയേഷന്‍ തുടങ്ങി..

“ഇതാ, ഇതാ, അത്ഭുതം സംഭവിക്കുവാന്‍ പോകുന്നു..”

ഗ്ലോറി.. ഗ്ലോറി...

കാണികള്‍ ശ്വാസമടക്കിപ്പിടിച്ചിരിക്കുകയാണ്!

“സെബാസ്റ്റിയനും മേരിക്കുട്ടിയും സ്റ്റേജിന്റെ അരികത്തുള്ള സ്ക്രീനിന്റെ പിന്നില്‍ നില്‍ക്കൂ..”

ഗ്ലോറി.. ഗ്ലോറി...

പാസ്റ്റര്‍ വീണ്ടും അദ്ഭുത പ്രവര്‍ത്തി നടത്തുവാനായി ദൈവത്തോട് അപേക്ഷിച്ചു, നിര്‍ബന്ധിച്ചു, ചെറുതായി വിരട്ടുകയും ചെയ്തു..

ഗ്ലോറി.. ഗ്ലോറി...

ഏതാണ്ടൊരു ഉറപ്പു കിട്ടിയപ്പോള്‍ അങ്ങേര് നിലവിളിച്ചു..

“പാപികളേ.. നിങ്ങള്‍ക്ക് രോഗശാന്തിയുണ്ടായിരിക്കുന്നു!..”

ഗ്ലോറി.. ഗ്ലോറി...

“മേരിക്കുട്ടീ‍ീ.. നിന്റെ ഊന്നുവടി സ്ക്രീനിനു മുകളിലൂടെ എറിഞ്ഞു കളയൂ..”

ഗ്ലോറി.. ഗ്ലോറി...

അതാവരുന്നു മേരിക്കുട്ടിയുടെ ക്രച്ചസ്!

കാണികള്‍ക്ക് ഹാര്‍ട്ടറ്റാക്ക് വരുന്നതു പോലെ..!

ഗ്ലോറി.. ഗ്ലോറി...

“സെബാസ്റ്റിയാ, നീ കാണുന്നതെന്താണന്ന് മൈക്കില്‍ വ്യക്തമായി പറയൂ..”

ഗ്ലോറി.. ഗ്ലോറി...

അപ്പോള്‍ സെബാസ്റ്റിയന്റെ വളരെ വ്യക്തമായ ഉത്തരം വന്നു,
“പാത്തദേ, മേദിക്കുത്തി തന്തീം കുത്തി താ‍ദെ വീനൂ!”

ഗ്ലോറി.. ഗ്ലോറി...

(മുകളിലത്തെ അനോണികളുമായി എനിക്ക് യാതൊരു ബന്ധവുമില്ല, അങ്ങിനെ തോന്നിയാല്‍ അത് യാദൃശ്ചികം മാത്രം. ഞാന്‍ സെനുവിന്റെ സുഹൃത്ത് ചക്കര.)

എം.എസ്. രാജ്‌ | M S Raj said...

ഞാന്‍ വേറൊരു സ്വാമിക്കഥ പറയാം.

10-12 വര്‍ഷം മുന്‍പാണ്. കോട്ടയത്തെ പ്രസിദ്ധമായ ഒരു ക്ഷേത്രത്തിലെ മഹര്‍ഷിയുടെ ഭാവമുള്ള ഒരു സ്വാമി. ഭൂത-ഭാവി-വര്‍ത്തമാനങ്ങള്‍ ഒക്കെ ഗണിക്കുന്നതില്‍ നിപുണന്‍. ഒരു കക്ഷി ഇദ്ദേഹത്തിന്റെ അടുക്കല്‍ ജീവിതപ്രശ്നങ്ങള്‍ അവതരിപ്പിക്കാന്‍ ചെന്നു. ധ്യാനലീലനായി കുറെ നേരം ഇരുന്ന സ്വാമി ഭൂതകാലം ചികഞ്ഞ് തോണ്ടിയിടാന്‍ തുടങ്ങി.

“ചെറുപ്പത്തില്‍ സാരമായ തീപ്പൊള്ളല്‍ ഏറ്റിട്ടുണ്ട് അല്ലേ?”

ക്ലയന്റ് സ്തംഭിച്ചു പോയി. “ഇല്ലല്ലോ. അങ്ങനെ പൊള്ളലൊന്ന്നും ഏറ്റിട്ടില്ല.”

അപ്പോള്‍ സ്വാമിയുടെ ചോദ്യം:“ബീഡിത്തീ കൊണ്ടു പോലും പൊള്ളിയിട്ടില്ല്ലേ?”

പ്രശ്നങ്ങള്‍ക്ക് പരിഹാരം കിട്ടില്ലെന്നുറപ്പിച്ച ആ വ്യക്തി ഉടനെ സ്ഥലം കാലിയാക്കി. നേരെ വീട്ടിലെത്തി നന്നായി പറമ്പില്‍ പണിയെടുത്തു. ഇന്നു ഐശ്വര്യത്തോടെ സമാധാനമായി ജീവിക്കുന്നു. :)

Unknown said...

ഈ പോസ്റ്റ്‌ വന്നു കഴിഞ്ഞപ്പോള്‍ കേട്ട വാര്‍ത്തയാണു എന്നെ ഇങ്ങനെ ഒരു കത്തു അയയ്ക്കാന്‍ പ്രേരിപിച്ചതു. www.keralapolice.com എന്ന വെബ്‌ പേജില്‍ സുവിശെഷം പ്രചരിപികുന്നു പുതിയ ആത്മീയ ആചര്യന്മാര്‍. ഇവര്‍ എന്തിനാണു ഇങ്ങനെ ഒരു ........തരം കാട്ടുന്നതു. സുവിശെഷത്തിനു എത്രയൊ വെബ്‌ സൈറ്റ്‌ ഉണ്ടു. ഏന്തെല്ലാം പേരുകലില്‍ വെചു സൈറ്റ്‌ ഉണ്ടാക്കാം. നാളെ ഇവന്മാര്‍ www.shakeela.com എന്ന പേരില്‍ സൈറ്റ്‌ ഉണ്ടാക്കിയാലും യാതൊരു അത്ഭുദവും ഇല്ല. കണ്ടില്ലെ ഇത്രയും പ്രഷ്ണം ഉണ്ടാക്കിയിട്ടും, ഇപ്പൊളും കുരിശില്‍ മുത്തി ഇരികുന്ന നമ്മുടെ സ്റ്റെഫ്ഫിയെ. ഇതൊക്കെ തന്നെ എല്ലായിടവും.

sureshthannickelraghavan said...

സെനുവേ ,സത്യം പറയട്ടെ ..തന്റെ പുതിയ പോസ്റ്റിനെ ക്കാളും, എന്നെചിരിപ്പിച്ചത് അതിന് കിട്ടിയ കമെന്റ് കളും, തന്റെ മറുപടിയുമാണ്‌ ....മുത്തൂറ്റ് നിന്നു ചിരിച്ചതിനു ശേഷം തലകുത്തി നിന്നു ചിരിച്ചതിപ്പോളാണ്!.. അനോണി ജീവിതകാലം മുഴുവന്‍ അനോണിയായി ഇരിക്കും ഇതു വായിച്ചാല്‍..
ന്യൂസിലണ്ടില്‍ ഉള്ള ഒരു പാസ്ടെര്‍ അയാളുടെ അനിയനെഴുതിയ കത്ത് , വഴിയില്‍ കിടന്നു ഈയുള്ളവന് ചെറുപ്പത്തില്‍ ഒരിക്കല്‍ കിട്ടുകയുണ്ടായി ...വായിച്ച കത്ത് അനിയന്റെ കയ്യില്‍ നിന്നും വഴിയില്‍ നഷ്ടപ്പെട്ടതാണ് ,ചെറുപ്പത്തിലെ കൌതുകവും ,ന്യൂസിലാന്‍ഡ് സ്ടാമ്പും ഒക്കെ ക്കൂടി ആയപ്പോള്‍ എടുത്തു വായിച്ചു ...വരികള്‍ ഇപ്പോഴും ഓര്‍ക്കുന്നു ..

സാബൂ ,ഞാനിവിടെ വേലകള്‍ ശരിക്കും നടത്തി പ്പോരുന്നു , നീയും കൈകൊട്ടി പ്പാടി വേലകള്‍ നടത്തി , എത്രയും വേഗം വരാന്‍ ശ്രമിക്കുക , സായിപ്പു വരുമ്പോള്‍ നമ്മുടെ വേലകള്‍ എല്ലാം കാണിച്ചു കൊടുക്കുക ....പ്രയ്സ് ദ ലോര്‍ഡ് ...ആര്ക്കും ഒരു സംശയവും തോന്നരുത്‌ , അച്ചാച്ചന്‍ സായിപ്പിന്റെ മുന്നില്‍ കള്ളുകുടിക്കാതെ നോക്കണം , ഇങ്ങിനെ പോകുന്നു എഴുത്ത് ......

അനീഷ് രവീന്ദ്രൻ said...

സ്ത്രോത്രം സ്ത്രോത്രം. തിരിച്ചറിയുന്നവർ എല്ലയിടത്തുമുണ്ടല്ലോ. ഭാഗ്യം. ചങനാശ്ശേരി പിപി ജോസ് റോഡിൽ കൂടി ഞായറാഴ്ച് വഴി നടക്കാൻ വയ്യാണ്ടായിരിക്കുന്നു. സ്വർഗ്ഗീയ വിരുന്നിന്റേയും പെന്തക്കോസ്തിന്റേയും രോഗശാന്തി ശുശ്രൂഷ കൊണ്ട്.

കഥ നന്നായി. ചിരിച്ചു.

Unknown said...

Ente oru suhruthinu pattiyathanu ee prasnam... Oru upadeshiyude aduthu ente suhruthum barthavum prarthanakku poyi. Prarthana kazhinju upadeshiye thanich kaanan ivar randu perum avide kaathu ninnu. Avarude oozham vannu. Ivarku vendi upadesi prarthichittu 2 perodum thaniye thaniye samsaarikenam. Avarkku chila prasnangal undu. Athu pulli Prarthanayil kandu ennu paranjathine thudarnnu barthaavu aadhyam upadesiyum aayi keyari prarthichu. Pinneedu baarya keyari. Appol baaryayodu, Barthavu saareerika bandhathil ethokke reethikal aanu avalambikkunathu,....athil ningal thripthayano, ningal palathinum sahakarikathillallo thudangiya Vathsyayana Maharshiyude kure chodhyangal. Ethayalum ente suhruthu karanju kalangiya kannukalode irangi barthavinodu viveram paranjappol, barthavu keyari kurachu suvishesham paranju...oppam karanathu randu poteerum koduthu koolayi sthothravum paranju irangi ponnu.

Senu Eapen Thomas, Poovathoor said...

ഈ പോസ്റ്റ്‌ തീര്‍ത്തും മനസ്സില്ലാ മനസ്സോടെയാണിട്ടത്‌. കമന്റ്സിന്റെ വരവും, വായനക്കാരുടെ എണ്ണവും എല്ലാം കൂടി കണക്കിലെടുത്തപ്പോള്‍ ഒരു കാര്യം വ്യക്തം. ഇത്‌ ഹിറ്റായി. സന്തോഷ്‌ മാധവനെ പോലെ, സിസ്റ്റര്‍ അഭയാ പോലെ ഇതും തുടര്‍ക്കഥയാകും.

ആദ്യം നന്ദി അനോണി ചേട്ടനും, അനോണി അനിയനും.. ഹോ നിങ്ങള്‍ രണ്ടു പേരും 20:20യില്‍ മമ്മൂട്ടിയും, മോഹന്‍ലാലും അഭിനയിച്ചതു പോലെ തകര്‍ത്ത്‌ പ്രയത്നിച്ചതാണിത്‌ ഇത്രക്കും ഹിറ്റാകാനുള്ള കാരണം. അതിനുള്ള 'ഗ്ലോറി' ആദ്യമായി നിങ്ങള്‍ക്ക്‌ തരട്ടെ.

ശിവ:- പിന്നെ ദൈവത്തിനു ഇതല്ലെ പണി. കാഴ്ച കൊടുക്കണം, കളര്‍ പഠിപ്പിക്കണം...ഹോ ഇവന്മാരുടെ ഒക്കെ തല വേറെ വല്ല പണിക്കുമെടുത്ത്‌ ഉപയോഗിച്ചിരുന്നെങ്കില്‍ ചന്ദ്രായന്‍ ഒക്കെ എന്നെ റെഡിയായേനെ!!!

മാണിക്യ ചേച്ചിയെ:- തള്ള ചവിട്ടിയാല്‍ പിള്ളക്ക്‌ കേടില്ല. ബാലകൃഷണ പിള്ളയെ ആണോ ഉദ്ദേശിച്ചത്‌? തെളിച്ച്‌ പറഞ്ഞെ...

നന്ദോ:- ചുമ്മാ ഐ.ക്യു ഉണ്ടെന്നോ..നന്ദനോ..ഞാന്‍ പണ്ട്‌ വിശ്വസിച്ചേനെ....ഇനിയും ആരു പറഞ്ഞാലും നന്ദനെ എനിക്ക്‌ നന്നായി അറിയാം. പിന്നെ സമത്വത്തില്‍ പോകാത്തത്‌... കൂടയില്‍ ഉള്ളതിനെ ആരെങ്കിലും വല വെച്ച്‌ പിടിക്കുമോ നന്ദാ...അതാ ഞാന്‍ പറഞ്ഞത്‌ നന്ദനു ഐ.ക്യു വില്ലാന്ന്..

കാന്താരിക്കുട്ടിയേ:- എന്റെ അമ്മച്ചീ എന്നല്ല വിളിക്കേണ്ടിയത്‌... എന്റെ ദൈവമേയെന്ന്...

സ്വപനേച്ചീ:- ഹൊ..രോമാഞ്ചം കൊണ്ടു..സ്വപ്നേച്ചിയുടെ വാക്കുകള്‍ കേട്ട്‌...ഇനി ഇതില്‍ നന്നായിട്ടാര്‍ക്കും പറയാനൊക്കില്ല...ഈ വാക്കുകള്‍ എന്റെ ചെവിയില്‍ ആരോ വന്ന് പറയുമ്പോലെ കേട്ടു കൊണ്ടിരിക്കുന്നു. ഇതു മൂലം എനിക്ക്‌ ഭാവിയില്‍ കുട്ടികളുണ്ടാകുമോ ഡോക്ടര്‍? സ്വപ്നേച്ചി പറഞ്ഞത്‌ പോലെ അടുത്ത ലക്കം, മസ്ക്കറ്റില്‍ വന്ന് പറ്റിപ്പ്‌ നടത്തിയ ഒരു പ്രാര്‍ത്ഥനാ വീരനാണു താരം.

ആദര്‍ശെ:- മായയല്ല... ഗ്ലോറിയല്ല, കല്യാണിയുമല്ല... ശുദ്ധ... തരം. നല്ല ഒന്നാന്തരം B.I.S ഹാള്‍മാര്‍ക്കുള്ള പോക്രിത്തരം.

കാപ്പിലാന്‍ജി:- ആദ്യം സായിപ്പിനെ വെടിവെച്ചത്‌ മനപൂര്‍വ്വമാ. ഗ്രൗണ്ട്‌ സപ്പോര്‍ട്ട്‌ കിട്ടുമോന്ന് നോക്കിയതാ... ഇപ്പോള്‍ ധൈര്യമായി... ഇനി നമ്മുടെ ഐറ്റംസ്‌ പുറകാലെ.

ഒറ്റ പ്രാര്‍ത്ഥന മാത്രം. ദൈവമേ ഈ കുഞ്ഞാടുകളെ എല്ലാം നീ അങ്ങ്‌ കാത്തോണെ....ഈശ്വരോ രക്ഷതു!!!

സസ്നേഹം,
പഴമ്പുരാണംസ്‌.

കൊച്ചുമുതലാളി said...

:) എത്രയൊക്കെ സന്തോഷ് മാധവന്മാരും തങ്കു ബ്രദേഴ്‌സും ഇവിടെ വന്നു പോയി. എന്നിട്ടും തിരുവല്ലായില്‍ ഈ രോഗ ശാന്തി പ്രവര്‍ത്തനത്തിന് ഒരു കുറവും വന്നിട്ടില്ല...

പൈസാ ഉണ്ടാക്കാനുള്ള ഏറ്റവും എളുപ്പമായ മാര്‍ഗ്ഗമായി മാറിയിരിക്കുന്നു ഇത്തരത്തിലുള്ള തട്ടിപ്പ് പരിപാടികള്‍....

സാക്ഷര സുന്ദര കേരളത്തിന്റെ ഒരു പോക്കേ.....

Science Stuff said...

A GREAT WRITER!!!!
I FEEL I SHOULD HAVE START READING YOUR ARTICLES BEFORE...

Sherlock said...

ha ha u said it :)

[ boby ] said...

ഞാനും കേട്ടിട്ടുണ്ട് ദൈവം കേറിയ ശേഷം ഒരു വെളിച്ചപ്പാട് പറഞ്ഞുവത്രേ..." വെളക്കൊക്കെ ടൈമിനു ടൈമിനു കത്തിക്കണം... ഇല്ലേല്‍ കാര്യങ്ങള്‍ ഒന്നും നടക്കൂല..." ഈ ദൈവത്തിന്‍റെ ഒരു കാര്യം...

പോസ്റ്റ് തകര്‍പ്പന്‍... ചിരിപ്പിച്ചു... തുടരണം...

ഋഷി|rISHI said...

സെനു, എഴുത്തില്‍ തമാശയുണ്ട്, എങ്കിലും
ബ്ലോഗ് മൊത്തം വായിച്ചിടത്തോളം സെനുവിനു കാര്യമായ പണി ആരോ പെന്തക്കോസ്ത്കാര്‍ തന്നെന്ന് തോന്നുന്നു:)

Anonymous said...

poda cherukka

ബിന്ദു കെ പി said...

പോസ്റ്റ് കലക്കി..
ഒരു പരാതി മാത്രം. നമ്മുടെ നാട്ടിൽ തന്നെ ഒരുപാട് ഐറ്റം‌സ് ഉള്ളപ്പോൾ സായിപ്പിനിട്ടുതന്നെ അദ്യം വച്ചത് ശരിയായില്ല.

ഏതായാലും ഭാഗം-1 എന്ന് കണ്ടതുകൊണ്ട് പല ഭാഗങ്ങളും വരാൻ സാധ്യതയുണ്ടെന്നു പ്രതീക്ഷിക്കുന്നു.

അശോക് കർത്താ said...

ഇതെന്നാ പറച്ചിലാ സേനുവേ? നെറം മനസിലാക്കുന്ന വിദ്യയില്‍ എന്നാ അത്ഭുതമാ ഒള്ളത്? ഒന്നുമില്ല. ദൈവത്തിനു കഴിയാത്തത് വല്ലതും ഒണ്ടോ? നിങ്ങളൊക്കെ ഹിബ്രുവിലും സുറിയാനീലുമാണോ പ്രാര്‍ത്ഥിക്കുന്നത്? പച്ച മലയാളത്തിലല്യോ. എന്നിട്ട് ദൈവം തമ്പുരാന്‍ അത് മനസിലാക്കുന്നില്ലിയോ? കാഴ്ച കൊടുത്തപ്പം അതിന്റെ അറിവൂടെ കൊടുത്ത് കാണുമാരിക്കും. ശരിയല്യോ? അതിനെന്തിയാ പാസ്റ്ററെ ഊയിയ്യാക്കുന്നത്?

Senu Eapen Thomas, Poovathoor said...

ശെ..ശെ..മൊട്ടു സൂചി വീണാല്‍ കേള്‍ക്കാം..അനോണികള്‍ വെടി നിര്‍ത്തിയോ? എന്തു പറ്റി...ഇനി ഞാന്‍ പറഞ്ഞത്‌ വല്ലതും ഫീല്‍ ചെയ്തോ?? ഓഹ്‌ നിങ്ങള്‍ അനോണികള്‍ ഇല്ലാതെ എന്ത്‌ ആഘോഷം...വാന്നെ...

രഘുവേ:- ഠോ, ഠോ!!! രഘു എന്തോ തമാശയാ... മുംബൈ ആക്രമണ സമയത്ത്‌ പനി പിടിച്ച കിടന്ന രഘുവാണൊ 'യുത്തത്തിനെ' പറ്റി പറയുന്നെ... രഘുവേ..മനപ്പൂര്‍വ്വമല്ല എന്താണെന്ന് അറിയില്ല എഴുതി വരുമ്പോള്‍ വലുതായി പോകുന്നു... അത്‌ ചെറുതായാല്‍ ആള്‍ക്കാര്‍ക്ക്‌ സുഖിക്കത്തുമില്ല...ആയതിനാല്‍ ഇന്‍സ്റ്റാള്‍മെന്റായി വായിക്കുന്നതായിരിക്കും ഭംഗി.

റ്റൈപിസ്റ്റേ:- റ്റൈപ്പിയത്‌ ശരിയാണൊ എന്ന് രണ്ട്‌ തവണ നോക്കി..തെറ്റി അടിച്ചാല്‍ ആളുകള്‍ തെറ്റിദ്ധരിക്കുന്ന പേരാ..[റേപിസ്റ്റ്‌] വന്നതിനു കമന്റിയതിനു നന്ദി. പേരിന്റെ കാര്യം ഞാന്‍ ചുമ്മാ തമാശിച്ചതാണെ... എന്നെ ഇതിന്റെ പേരില്‍ പീഡിപ്പികരുതേ???

വിപിജി:- പണ്ട്‌ കുമാരനാശാനല്ലെ പറഞ്ഞത്‌, "ദീപസ്തംഭം മഹാശ്ചര്യം നമ്മള്‍ക്കും കിട്ടണം പണം". അതു തന്നെ...കറക്റ്റ്‌.

അരവിന്ദേ:- വന്നതിനു, കേട്ട അനുഭവം പങ്ക്‌ വെച്ചതിനു നന്ദി. ഇനി വേറെ അനുഭവങ്ങള്‍ വല്ലതും ഉണ്ടെങ്കില്‍ ഇറക്കി വിടരുത്‌... എന്റെ മെയിലിലോട്ട്‌...

അനോണി ചേട്ടനും, അനോണി അനിയനുമുള്ള നന്ദി ഞാന്‍ ആദ്യം തന്നെ രേഖപ്പെടുത്തിയ കാരണം ഞാന്‍ പൊങ്ങുവിലേക്ക്‌ പോകുന്നു.

പൊങ്ങു:- എനിക്ക്‌ പൊങ്ങുവിന്റെ ഹെല്‍പ്പ്‌ വേണം...സെക്യുരിറ്റിയായി എനിക്ക്‌ പൊങ്ങുവിനെ വേണം. ആ പിച്ചാത്തി ഒന്ന് മിനുക്കി വെച്ചേക്ക്‌...ഇനി പാസ്റ്ററന്മാറുടെ ക്വട്ടേഷന്‍ ദയവായി പൊങ്ങു ഏറ്റെടുക്കരുതേ...

ഞാന്‍ ഒന്ന് കറങ്ങി വരാം. അപ്പോഴെയ്ക്കും അനോണികള്‍ വരുമെന്ന പ്രതീക്ഷയോടെ,

സസ്നേഹം,
സെനു, പഴമ്പുരാണംസ്‌.

ബഷീർ said...

സേനു,

വളരെ നന്നായി..

അച്ചായത്തി said...

സേനുച്ചേട്ടോ,

കലക്കി കേട്ടോ!

നമ്മള്‌ ഓര്‍ത്തഡോക്സുകാരോടാ കളി! പിന്നല്ലാ!

G. Nisikanth (നിശി) said...

സേനൂ

തകർപ്പനായിരിക്കുന്നു.

ഒരേഴുവർഷം മുൻപ്, കെട്ടിയോൾക്കു വയറ്റിലുണ്ടായിരുന്ന സമയത്ത് അൽ‌പ്പം വീഞ്ഞു കൊടുത്താൽ കൊള്ളാമെന്നു എനക്കൊരു പൂതി തോന്നി. വീടിനടുത്തുള്ള പള്ളിയിലെ വികാരിച്ചനോട് നേരിട്ടു തന്നെ ചോദിച്ചു. സംഗതി ഒറീജിനൽ തന്നെ വേണമല്ലോ. പുള്ളി വളരെ നല്ല മനുഷ്യനായിരുന്നു, പരോപകാരി, സത്സ്വഭാവി. പക്ഷേ ഒറ്റ നിർബന്ധം, അങ്ങോട്ടു കൊടുക്കുമ്പോൾ ഇങ്ങോട്ടും കിട്ടണം, അത്രേയുള്ളൂ. ഞാൻ കാര്യം തിരക്കി;

എന്നാ വേണമെന്നാ?
അതേ, സാധനമൊക്കെ തരാം. പകരം എനിക്കുമൊരു സംഗതി സംഘടിപ്പിച്ചു തരണം, വേറൊന്നുമല്ല “സെലിബ്രേഷൻ” മതി. റമ്മാണെനിക്കിഷ്ടം.

ഞാൻ നിന്ന നിൽ‌പ്പിൽ 2 അടിച്ചപോലെയായി. ഏതായാലും ചോദിച്ചതല്ലേ, കൊടുക്കാണ്ടിരിക്കാൻ പറ്റുമോ, ബെൽകോയിൽ ക്യൂ നിന്നു വാങ്ങിക്കൊടുത്തു. പകരത്തിനു പകരം!!

അച്ചന്മാരു മാത്രമല്ല, പൂജാരികളും മോശമല്ല.
താങ്കളുടെയടുത്തുള്ള ഒരു ഫേമസ് ക്ഷേത്രത്തിലെ ജീവതയെടുക്കാൻ ഇറക്കുന്ന തിരു‘മേനി’മാരിൽ ചിലർ തുള്ളുന്നത് അരവീശിയിട്ടാണെന്ന് ഭക്തകളാരും അറിയുന്നില്ലല്ലോ ന്റെ ഭഗവതീ...

Senu Eapen Thomas, Poovathoor said...

യേശുവേ സ്തോത്രം.. [ഇത്‌ വളരെ സീരിയസ്സായി തന്നെ വിളിച്ചതാണെ.. തെറ്റിദ്ധരിക്കല്ലെ..]ഞാനിപ്പോഴും സേഫാ....

അന്നമ്മയ്ക്ക്‌ ഗുജ്ജു തമാശ മാത്രമാണോ ആകെ പിടിച്ചത്‌... അന്നമ്മ ഗുജ്ജുവിന്റെ കൂടെയാണോ ജോലി ചെയ്യുന്നത്‌?

തോമാച്ചായോ:- ഇത്‌ പലരുടെയും ഇഷ്ട വിഷയമായി മാറിയെന്ന് അറിഞ്ഞതില്‍ സന്തോഷം. കര്‍ത്താവിന്റെ പേരില്‍ സത്യത്തില്‍ എന്തെല്ലാം തോന്ന്യാസങ്ങളാ നടക്കുന്നത്‌. ഞാന്‍ അല്‍പം പേടിയോടെയാണു ഇത്‌ എഴുതിയത്‌. ആള്‍ക്കാരുടെ സപ്പോര്‍ട്ട്‌ കണ്ടപ്പോള്‍ സന്തോഷമായി. ഒപ്പം ഓര്‍ക്കുട്ടില്‍ ലിങ്ക്‌ കൊടുത്തതിലും സന്തോഷം. കുടുംബക്കാരായല്‍ ഇങ്ങനെ തന്നെ വേര്‍ണം.

ദീപക്കെ:- ആടിനെ മേടിക്കുന്നതല്ലെ...രോമവും കത്രിക്കാം, പാലും കുടിക്കാം, പുഴുക്ക വളമാക്കാം, ആടിനെ ഫുഡാക്കാം.. ഇതാണു ഇന്നത്തെ ആട്ടിടയന്മാരുടേ തത്വം..

മാര്‍ത്തോമാക്കാരാ:- ആവേശം കാട്ടിയതിനു താങ്ക്സ്‌.

സുബ്ബു:- മറക്കാതെ മഞ്ച്‌ കുട്ടികളോടു പറയണെ..

രോഗ ശാന്തി വേണ്ടിയവര്‍ ഓടി വായോ... അല്ലെങ്കില്‍ ഉപദേശി എപ്പോള്‍ പോയി എന്ന് ചോദിച്ചാല്‍ മതി..പിടിച്ചാല്‍ കിട്ടത്തില്ല..ആള്‍ അത്ര ബിസിയാ..

സസ്നേഹം,
സെനു, പഴമ്പുരാണംസ്‌.

നാട്ടുകാരന്‍ said...

കൊള്ളാം......
....അഭിനന്ദനങ്ങള്‍.........


എന്‍റെ പേജ് കണ്ടിട്ടുണ്ടോ?

Jayasree Lakshmy Kumar said...

നല്ല വിൽ‌പ്പനക്കും നന്നായി ചൂഷണം ചെയ്യാനും ബെസ്റ്റ് ‘ഭക്തി’ തന്നെ. നല്ല പോസ്റ്റ്

ജിബി said...

കറമ്പന്റെ ഐ ക്യു ഫയങ്കരം....

" ജന്മനാ അന്ധന്‍ എങ്ങനെ ചുവപ്പും, വെളുപ്പും, വയലറ്റും, ഗ്രീനും ഒക്കെ തിരിച്ചറിഞ്ഞു. ഇതൊക്കെ അവന്‍ ആദ്യമായി കാണുന്ന കാര്യങ്ങളല്ലേ??? "

സത്യം.

pullode praveen said...

പേരും നടും ഊരും അറിയാത്ത ഒരു അപരിചിതന്റെ ബ്ലോഗ് അഡ്രസ്സ് എന്റെ മെയിലില്‍ വന്നു കിടക്കുന്നു ...കുറച്ചു അധികം ജോലി ഉണ്ടായിരുന്നതിനാല്‍ അയച്ചത് ആരായാലും ഒന്ന് നോക്കി നാല് ചീത്ത വിളിച്ചിട്ട് തന്നെ കാര്യം എന്ന് കരുതി വായിച്ചു .. 'മാജിക് ' ആണ് വായിച്ചത് ... അണ്ണാ ഒള്ളത് പറയാം ചീത്ത വിളിക്കാന്‍ ആവില്ല ..
പിന്നെ 'പൊളപ്പന്‍ ' എന്ന് പറഞ്ഞാലും അത് മതിയാവില്ല ...
അണ്ണാ ബാകി ഉള്ള സംഭവങ്ങള്‍ കൂടി വായിക്കാം..
നന്ദി ലിങ്ക് അയച്ചു തന്നതിന് ...
'അണ്ണന്‍ ഒരു സംഭവം തന്നെ '

Yesodharan said...

suhruthe,njanadyayitta thankalude pazhampuranams vayikkunnathu.......enikku "ksha" pidichu tto......entha njanippam paraya...chemmanam chackoyyku oru pingami enno.....???????kalakki tto......ashamsakal...!!!

Unknown said...

Senu kalakkiiiii....especially the language & the way u described things....as i told u before...u have a great future.....v r waiting to read the 2nd part....ini Indian pastor-maarae kurichu ezhuthuuu....athaakumbol othiri ezhuthaan ulla vaka kittum....all the best!!!!!

Senu Eapen Thomas, Poovathoor said...

പാസ്റ്റര്‍ന്മാരുടെ മാജിക്കുകള്‍ ബുക്ക്‌ ആക്കാനുള്ള സ്ക്കോപ്പ്‌ ഉണ്ടെന്ന് എനിക്ക്‌ ബോദ്ധ്യമായി. പാസ്റ്ററന്മാരുടെ തട്ടിപ്പുകളില്‍ പലരും അകപ്പെട്ടിട്ടുണ്ട്‌, ദൃക്‌സാക്ഷികളായിട്ടുണ്ട്‌... സ്തോത്രം...

അരുണേ:- നര്‍മ്മത്തില്‍ ഞാന്‍ അല്ല പൊതിഞ്ഞത്‌. ആ താങ്ക്സ്‌ ആ സായിപ്പിനും, കറമ്പനും ഉള്ളതാ.

സ്മിതാ:- ഹാപ്പി ഹോളിഡെയ്‌സ്‌. അവധി സമയത്ത്‌ ഏതെങ്കിലും നല്ല പാസ്റ്ററിന്റെ അടുത്ത്‌ പോയി ഒന്ന് രക്ഷപ്പെടാന്‍ നോക്ക്‌...

ഡോകടറെ:- കാതോലിക്കാ ബാവാ നിന്നാള്‍ വാഴട്ടെ. ഞാനും കുറേ തൊണ്ട പൊട്ടി വിളിച്ചിട്ടുണ്ട്‌.. ആ സമയത്ത്‌ എന്റെ ദൈവമേ എന്ന് വിളിച്ചാല്‍ ...അനുഗ്രഹമെങ്കിലും കിട്ടും.

മണികണ്ഠാ:- ആദ്യമായി എത്തിയത്‌ സുവിശേഷം കേള്‍ക്കാന്‍. മോനെ മണി നീ രക്ഷിക്കപ്പെടും. ഇനിയും വാ.. കുറെ കൂടെ പറയാനും, ആള്‍ക്കാര്‍ക്ക്‌ പറയാനും ഒക്കെ ഉണ്ട്‌. എല്ലാം മണി കേള്‍ക്ക്‌...

അനോണിയായി ചക്കര വന്നത്‌ എനിക്ക്‌ ഇഷ്ടപ്പെട്ടില്ല. എന്റെ ചക്കരെ എന്തൊരലക്കാ ഇഷ്ടാ ഇത്‌. സുന്ദരന്‍ സാധനം. പാത്തദെ, മേദിക്കുത്തി തന്തിയും കുത്തി വീന്നുവെന്ന് വായിച്ച്‌ തിതിച്ച്‌ തിതിച്ച്‌ മതിച്ചു. ശ്ശോ...പോസ്റ്റിനുള്ള വകുപ്പ്‌ കമന്റാക്കി കളഞ്ഞതില്‍ ഈ ഉള്ളവന്റെ ദേഷ്യവും, തങ്കതവും ഈതരുണത്തില്‍ അതിയിച്ചു കൊള്ളട്ടെ. ഗോതി..ഗോതി..

രാജെ:- ബീഡി കൊണ്ട്‌ പോലും പൊള്ളിയിട്ടില്ലാ... മോനെ സത്യം പറയണം. സ്വാമിമാര്‍ എല്ലാ സത്യങ്ങളും കണ്ട്‌ പിടിക്കും..അതാണു അവര്‍.. സോ ബി കെയര്‍ ഫുള്‍.. കളി അവരോട്‌ വേണ്ട..ശപിച്ച്‌ ഭസ്മമാക്കി കളയും പറഞ്ഞേക്കാം.

ലീനാ:- വന്നതിനു കമന്റിയതിനു നന്ദി. കേരളാ പോലീസ്‌ അവിടെ കിടക്കട്ടെ... എന്നെയും പൊക്കി. പുതിയ പോസ്റ്റില്‍ സംഗതി കിടപ്പുണ്ട്‌. പാവം സ്റ്റെഫിമാര്‍ക്ക്‌ ഒക്കെ ചുംബിക്കാന്‍ കുരിശ്‌ മാത്രം ഇപ്പോള്‍. പക്ഷെ ഒരു 16 കൊല്ലം മുന്‍പ്‌ ഇത്‌ അല്ലായിരുന്നു സ്ഥിതി...അതു കൂടി ഒന്നോര്‍ക്കണേ....

വായിച്ച്‌ കമന്റിയവര്‍ക്ക്‌, വിടുതല്‍ കിട്ടിയവര്‍ക്ക്‌, രക്ഷപ്പെട്ടവര്‍ക്ക്‌ എല്ലാം നന്ദി.. ഇനിയും വരണം.

സ്നേഹത്തോടെ,
സെനു, പഴമ്പുരാണംസ്‌.

പി എം അരുൺ said...

ഇത്രയും നാളും സ്വന്തം പേരില്‍ കമന്റിടാനായിരുന്നു താല്പര്യം ..........ഇപ്പോള്‍ ഒരു അനോണി ആകാന്‍ തോന്നുന്നു .



ബുദ്ധിയുള്ളവര്‍ അതുകൊണ്ട് ജീവിക്കാന്‍ ശ്രമിക്കുന്നു.................
പകരം നമ്മളും ബുദ്ധിയുള്ളവര്‍ ആകുക

Senu Eapen Thomas, Poovathoor said...

കഥ മാറി, കാലാവസ്ഥയും മാറി. ഇപ്പോള്‍ ഇതിന്റെയും പുറത്തു പോസ്റ്റും ഇറങ്ങി. മാത്രവുമല്ല പല സഹബ്ലോഗേര്‍സും കഥകളുമായി ഇറങ്ങി... റ്റി.വികാര്‍ക്കും, പത്രക്കാര്‍ക്കും ഇതൊക്കെ ആഘോഷിക്കാമെങ്കില്‍ ബ്ലോഗ്ക്കാര്‍ക്ക്‌ എന്ത്‌ കൊണ്ട്‌ ഇത്‌ ആഘോഷിച്ചു കൂടാ...

സുരേഷേട്ടാ:- ന്യൂസിലാന്‍ഡില്‍ നിന്നും ചേട്ടന്‍ ബാവ അനിയന്‍ ബാവയ്ക്ക്‌ അയയ്ച്ച കത്ത്‌ വായിച്ച്‌ ചേട്ടന്‍ വേലത്തരം കാട്ടിയാണോ ഇപ്പോള്‍ അമേരിക്ക വരെ എത്തിയതെന്ന് ആള്‍ക്കാര്‍ അങ്ങോട്ടും ഇങ്ങോട്ടും കുശുകുശുക്കുന്നത്‌ ഞാന്‍ കേട്ടതു പോലെ തോന്നി...

മുണ്ഡിത ശിരസ്ക്കാ അഥവാ അമ്പിളി:- നമ്മള്‍ തിരിച്ചറിയും.. ചങ്ങനാശ്ശേരി തിയേറ്ററും, ഹോട്ടലും ഒക്കെ കഥകള്‍ പറയും. ഏതായാലും അമ്പിളിയോട്‌ ഞാന്‍ ഇവറ്റകളെ പറ്റി കൂടുതല്‍ പറയേണ്ടി വന്നില്ലല്ലോ, ഭാഗ്യം.

ലീനാ:- ആ കൂട്ടുകാരിയോട്‌ ചോദിച്ച്‌ ആ A പാസ്റ്ററുടെ പേരും വിവരും ഒന്ന് തന്നാല്‍ വലിയ ഉപകാരമായിരുന്നു. റ്റി.വിയില്‍ ഈ അടുത്ത കാലത്ത്‌ ഒരു A സിനിമാ സംവിധായകന്‍, വണ്ടി ചെക്ക്‌ കൊടുത്ത്‌ മുങ്ങി, ഇപ്പോള്‍ സന്യാസിയായി പൊങ്ങിയെന്ന്...അണ്ണാന്‍ മൂത്താലും മരം കയറ്റം മറക്കുമോ?

കൊച്ചു മുതലാളി:- തിരുവല്ലായില്‍ മാത്രമാണോ രോഗ ശാന്തി. ഇതൊരു ആഗോള പ്രതിഭാസമാ.. പണ്ട്‌ കുരിശിനെ കുറ്റം പറഞ്ഞ്‌ കൊണ്ടിരുന്ന ഒരു ദൈവ ദാസന്‍ ഇന്ന് വലിയ ഒരു കുരിശ്‌ കഴുത്തില്‍ കെട്ടി തൂക്കി, ളോഹയും ഇട്ട്‌ നടക്കുന്നു. സോ ഞാന്‍ വണ്ടി വിട്ടു...

പ്രദീപേ:- വീണ്ടും വന്നതിനും, വായിച്ചതിനും നന്ദി.....

ഷേര്‍ലക്ക്‌ അഥവാ ജിഹേഷെ:- താങ്കളും എപ്പോഴും പേരു മാറ്റി കൊണ്ടെയിരിക്കുന്നു... എന്താ ഉദ്ദേശ്യം..അല്ല ചുമ്മാ അറിയാനാ..

ബോബി:- ആദ്യം ദൈവം ആകശവും ഭൂമിയും ഉണ്ടാക്കി. വെളിച്ചം ഉണ്ടാകട്ടെ എന്ന് ദൈവം കല്‍പിച്ചു; വെളിച്ചം ഉണ്ടായി.. [ഉത്‌പത്തി 1:3].. അപ്പോള്‍ വെളിച്ചത്തിന്റെ വില ഈ വെളിച്ചപ്പാടിനു നന്നായി അറിയാം..എല്ലാത്തിനും കുറ്റം പറയല്ലെ, ബോബി.

ഋഷി:- ഈ സമൂഹത്തില്‍ ഞാനും ജീവിക്കുന്നു. ദൈവകൃപയാല്‍ ഞാന്‍ പല മീറ്റിംഗുകളിലും പങ്കെടുത്തിട്ടുണ്ട്‌... പക്ഷെ പണി ആരും ഇതു വരെ തന്നിട്ടില്ല. തരാന്‍ നോക്കിയവന്മാരോട്‌ മുഖത്ത്‌ നോക്കി, ഈ പണി ഇവിടെ വേണ്ടായെന്ന് തുറന്ന് പറഞ്ഞിട്ടുമുണ്ട്‌..

അനോണി:- പോടാ ചെറുക്കാ... ഞാന്‍ മഹാത്മാ ഗാന്ധിയുടെ കടുത്ത ആരാധകനാ.. അതു കൊണ്ട്‌ ഞാന്‍ പോകുന്നു...

ഞാന്‍ കൃസ്ത്യാനിയെയോ, കൃസ്തു മതത്തെയോ കുറ്റം പറയുന്നില്ല. നാണയത്തിനു രണ്ട്‌ വശങ്ങള്‍ ഉള്ളതു പോലെ സുവിശേഷ പ്രവര്‍ത്തകര്‍ക്കിടയിലും ഉണ്ട്‌ നല്ലതും തീയതും. നല്ലത്‌ തിരിച്ചറിഞ്ഞു നടന്നാല്‍ നന്ന്... സാക്ഷര കേരളം എന്നാണാവോ നന്നാവുക.

സസ്നേഹം,
സെനു, പഴമ്പുരാണംസ്‌.

Anonymous said...

എല്ലാവരും എല്ലാ പറഞ്ഞു...പക്ഷെ എന്റെ കണ്ണില്‍പ്പെട്ടത്‌ തമാശകള്‍ തന്നെയാണു.

കുനിഞ്ഞ്‌ നിന്നാല്‍ കുമാരനാശാന്‍..
വളഞ്ഞ്‌ നിന്നാല്‍ വള്ളത്തോള്‍..
ചരിഞ്ഞ്‌ നിന്നാല്‍ ചങ്ങമ്പുഴ... അപ്പോള്‍ ഉള്ളൂര്‍ എവിടെ പോയി മാഷെ...

യൂദാ എത്ര ഡീസെന്റാ...

എന്തൊരു അലക്കാ മാഷെ...

തലയില്‍ വല്ല ഹെല്‍മെറ്റോ ഒക്കെ വെച്ച്‌ കെട്ടി നാട്ടിലേക്ക്‌ പോന്നാല്‍ മതി കേട്ടോ....

അടുത്തതിനായി കാത്തിരിക്കുന്നു.

Senu Eapen Thomas, Poovathoor said...

ഈ സുവിശേഷ പോസ്റ്റുകള്‍ മെഗാ സീരിയല്‍ ആക്കിയാല്‍ ആളിനെ കിട്ടുമോ? സപ്പോര്‍ട്ട്‌ കണ്ടിട്ടാണെങ്കില്‍ ഇത്‌ ഏഷ്യാനെറ്റിലെ സ്ത്രീയെയും കടത്തി വെട്ടാമെന്ന് തോന്നുന്നു. ഹോ ഇത്ര പിന്തുണ ഞാന്‍ തീരെ പ്രതീക്ഷിച്ചില്ല എന്ന് മന്മോഹന്‍ സിംഗ്‌ ആണവ കരാര്‍ കഴിഞ്ഞുള്ള ഭൂരിപക്ഷം നേടിയിട്ട്‌ പറഞ്ഞതു പോലെയായി.

ബിന്ദുവേ:- പറഞ്ഞില്ലെ... ഗ്രൗണ്ട്‌ സപ്പോര്‍ട്ടിനു വേണ്ടിയാ ഞാന്‍ സായിപ്പിനെ പിടിച്ചത്‌. ഞാന്‍ ദാ റെഡിയായി..ഒന്നാം തീയതി ആയിക്കോട്ടെ...വരണം, വയിയ്ക്കണം...

കര്‍ത്താ ചേട്ടാ:- സോറി...ചേട്ടന്റെ അത്ര വിശ്വാസം എന്തെ എനിക്ക്‌ ഇല്ലാതെ പോയത്‌? ചേട്ടാ എനിക്ക്‌ വേണ്ടി പ്രാര്‍ത്ഥിക്കണെ..പ്ലീസ്‌..

ബഷീറെ:- വളരെ നന്നായി...ആരു? സായിപ്പോ, അന്ധനോ, ഞാനോ???

അച്ചായത്തി:- പിന്നെ ദേവലോകം നമ്മളു എത്ര കണ്ടിരിക്കുന്നു.

ചെറിയനാടാ:-അന്യന്റെ മുതലു ആഗ്രഹിക്കരുതെന്ന വേദപുസ്തക പ്രമാണം തെറ്റിച്ചത്‌ കൊണ്ടാ ചെറിയനാടാ...വികാരി, വികാരാധീനനായി സെലിബ്രിറ്റി ചോദിച്ചത്‌... ചിയേഴ്‌സ്‌ പറയാന്‍ ചെറിയനാടന്‍ ചെല്ലുമെന്ന് കാത്ത്‌ അച്ചന്‍ കാത്തിരുന്ന് മടുത്ത്‌ കാണും...അത്‌ ക്രൂരത ആയി പോയി.

നാട്ടുകാരാ:- പേജ്‌ കാണിക്കാന്‍ ഇത്രടം വരെ വന്നത്‌ കൊണ്ട്‌ അതും കണ്ടു. സ്തോത്രം.

ലക്ഷ്മി:- എനിക്ക്‌ വേണ്ടി പ്രാര്‍ത്ഥിക്കണേ...

ജിബി:- പ്രാര്‍ത്ഥനയില്‍ ഓര്‍ക്കുക..:)

പുള്ളോടെ:- ഹോ ഏത്‌ പാസ്റ്ററാ എന്റെ ലിങ്ക്‌ പ്രവീണു അയയ്ച്ചു തന്നത്‌. ഭാഗ്യം ചീത്ത പറയാഞ്ഞതിനു.... പിന്നെ ചീത്ത വിളിക്കാതെ ബാക്കി കഥകള്‍ കൂടി വായിയ്ക്കാന്‍ തീരുമാനിച്ചതിനു നന്ദി... പിന്നെ പ്രവീണെ..കേട്ടിട്ടില്ലാത്ത കൊറച്ച്‌ നല്ല തെറി എനിക്ക്‌ അയയ്ച്ച്‌ തരണെ..ആവശ്യം വന്നേക്കും.

യശോധരന്‍ ചേട്ടാ:- ആദ്യമായി ഇത്രടം വരെ വന്നതിനു, കമന്റിയതിനു, എല്ലാം നന്ദി.. ഇനിയും വരണേ...ചെമ്മനം ചാക്കോയുടെ ബന്ധുക്കള്‍ ആരും പ്രതികരണം പറഞ്ഞിട്ടില്ല..എന്റെ ഭാഗ്യം...

ആഷ:- ആഷയ്ക്ക്‌ ഭാവി, ഭൂതം ഒക്കെ പറയാന്‍ അറിയാമോ? എനിക്ക്‌ നല്ല ഭാവി ഉണ്ട്‌ എന്ന് പ്രവചിച്ചതു കൊണ്ട്‌ ചോദിച്ചതാ.... നമ്മള്‍ക്ക്‌ കമ്മീഷന്‍ വ്യവസ്ഥയില്‍ ഭൂതം, വര്‍ത്തമാനം, ഭാവി പരിപാടി തുടങ്ങിയാലോ..കിട്ടിയാല്‍ ഊട്ടി..ഇല്ലെങ്കില്‍ ചട്ടി...

ബോധിസത്വാ:- അനോണിയാകാഞ്ഞത്‌ ഭാഗ്യം..പേരു വെച്ചത്‌ അതിലും ഭാഗ്യം.. വന്നതിനു, കമന്റിയതിനു നന്ദി.

കണ്ടോ..അനോണി പറഞ്ഞത്‌... കണ്ണില്‍പെട്ടത്‌ തമാശ മാത്രം. തലയില്‍ ഹെല്‍മെറ്റും വെച്ചെ ഞാന്‍ ഇനി നാട്ടിലേക്ക്‌ ഉള്ളു...

വന്നവര്‍ക്കും, കമന്റിയവര്‍ക്കും, തെറി പറഞ്ഞവര്‍ക്കും എല്ലാം നന്ദി.

ദൈവം അനുവദിച്ചാല്‍ ഫെബ്രുവരി ഒന്നിനു അടുത്ത ഉപദേശി കഥയുമായി ഞാന്‍ വരുമേ..ഇവിടൊക്കെ കാണണെ...

സസ്നേഹം,
സെനു, പഴമ്പുരാണംസ്‌.

Anonymous said...

സ്തോത്രം..സ്തോത്രം.. കര്‍ത്താവിനു സ്തോത്രം..

ചക്കയുള്ള വീട്ടിലെ യോഗം ചെരാവേ..
അത് പഴുതതല്ലെലും ഞങ്ങള്‍ ഭക്ഷിചോളാമേ...

എന്റെ യേശുവേ, ഇതെല്ലാം നിന്റെ പേരില്‍ തന്നെ ആണല്ലോ.. ദൈവ പുത്രന്‍ ആണേലും ഈ പാപം ഒക്കെ നീ എവിടെ കൊണ്ടു കലയും? കാരണം ഇതെല്ലാം നിന്റെ പേരില്‍ അല്ലെ നടക്കുന്നത്?

Vadakkoot said...

കര്‍ത്താവാണേ കട്ടായം... പകരം ഞങ്ങള് ചോദിക്കും

... ഉപദേശി യൂണിയന്‍

Anonymous said...

എടൊ സീനു, താന്‍ വിഷമിക്കണ്ട.. orthadox-ley ഒരു അച്ഛന്‍ 2 വര്ഷം മുമ്പേ bahrainil വന്നു 3 മാസം കൊണ്ട് ഉണ്ടാക്കിയത് 1 കോടി 20 ലക്ഷമാണ് ...ഇതറിഞ്ഞു വേറൊരു അച്ഛന്‍ മലബാറില്‍ നിന്ന് വന്നു 60 ലക്ഷം കൊണ്ടുപോയി. താന്‍ വിഷമിക്കേണ്ട നമ്മളും ഒട്ടും പിന്നിലല്ല..