Wednesday, 15 October 2008

പാന്റും, ഷൂസും പിന്നെ ഞാനും

എം.ജി.എം സ്ക്കൂളില്‍ പഠിക്കുമ്പോള്‍ വെള്ള ഷര്‍ട്ടും, കാക്കി നിക്കറും ഒരു പാരഗണ്‍ ചെരുപ്പുമായിരുന്നു എന്റെ യൂണിഫോം. എട്ടാം ക്ലാസ്സില്‍ കയറിയപ്പോള്‍ ഈ കാക്കി നിക്കര്‍ മാറ്റി പാന്റ്‌ ആക്കണമെന്ന എന്റെ അടങ്ങാത്ത ആഗ്രഹത്തെ എന്റെ ശരീരം തന്നെയാണു തോല്‍പ്പിച്ചതു. പാന്റ്‌ വേണേ, പാന്റ്‌ വേണേ എന്ന എന്റെ ഇടതടവില്ലാത്ത ശരണം വിളികള്‍ വീടിനെ അസ്വസ്ഥമാക്കിയപ്പോള്‍, അമ്മ ദോഹയിലായിരുന്ന അപ്പയെ വിവരം അറിയിച്ചു. അങ്ങനെ അപ്പ അടുത്ത പ്രാവശ്യം ലീവിനു വരുമ്പോള്‍ തനിക്ക്‌ പാന്റ്‌ കൊണ്ടു വരാമെന്ന് ഏറ്റു. പിന്നെ അപ്പ എപ്പോള്‍ വിളിച്ചാലും പാന്റ്‌, പാന്റേ എന്ന് വിളിച്ച്‌ പറഞ്ഞ്‌ അപ്പയുടെ മെമ്മറിയെ റിഫ്രഷ്‌ ചെയ്തും അപ്പയുടെ വരവും കാത്ത്‌ ഞാന്‍ അങ്ങനെ ഇരുന്നു.

അങ്ങനെ എന്റെ കാത്തിരുപ്പിനു അന്ത്യം കുറിച്ച്‌ അപ്പ എത്തി. അപ്പ കൊണ്ട്‌ വന്ന വലിയ പെട്ടികളുടെ അടുത്ത്‌ കസ്റ്റംസ്‌ ഉദ്യോഗസ്ഥനെ പോലെ ഞാന്‍ നില കൊണ്ടു. അപ്പ പെട്ടിയുടെ കെട്ട്‌ പൊട്ടിക്കാന്‍ പിച്ചാത്തി ആവശ്യപ്പെട്ടപ്പോള്‍ സാധാരണ ഗതിയില്‍, ചേച്ചിീീ:- അടുക്കളയില്‍ നിന്നും പിച്ചാത്തി കൊണ്ട്‌ വായോാാ എന്ന് വിളിച്ചു പറയുന്നതിനു പകരം അടുക്കളയില്‍ ചെന്ന് പിച്ചാത്തി എടുത്ത്‌ ഞാന്‍ അനുസരണയുള്ള കുഞ്ഞാടായി അപ്പയുടെ അടുത്ത്‌ നില കൊണ്ടു. പെട്ടി പൊട്ടിച്ച്‌ ഓരോ സാധനങ്ങള്‍ പുറത്ത്‌ എടുക്കുമ്പോഴും ആ പെട്ടിയിലെ പാന്റുകള്‍ക്കായി എന്റെ ഹൃദയം തുടിച്ചു കൊണ്ടെയിരുന്നു. ഹീറോ പേനയും, പൈലറ്റിന്റെ പേനയും, സ്റ്റാമ്പ്‌ ആല്‍ബവും, പെര്‍ഫിയൂമും ഒന്നും എന്നെ സന്തോഷിപ്പിച്ചില്ല. അവസാനം അപ്പ ഒരു ബ്ലാക്ക്‌ കളര്‍ പാന്റ്‌ എടുത്ത്‌ എന്റെ കൈയില്‍ തന്നിട്ട്‌, നീ ഇതു ചേരുമോന്ന് ആദ്യം നോക്ക്‌...അവിടെ എട്ടാം ക്ലാസ്സില്‍ പഠിക്കുന്ന പിള്ളെരു ഇടുന്ന പാന്റ്‌ എനിക്ക്‌ ചേരും. അതു കൊണ്ട്‌ ഞാന്‍ ഒരു കണക്കു വെച്ച്‌ വാങ്ങിച്ചു എന്ന അപ്പയുടെ പ്രഖ്യാപനം കൂടി കേട്ടപ്പോള്‍ ഞാന്‍ രോമാഞ്ചകഞ്ചുകമണിഞ്ഞു. ഒരു പാന്റേ മേടിച്ചുള്ളോ അപ്പേ എന്ന് തിരക്കിയപ്പോള്‍ എന്റെ ആക്രാന്തത്തില്‍ അപ്പ അല്‍പം അരിശം പൂണ്ടു. ആയതിനാല്‍ ദോഹയില്‍ നിന്ന് വന്ന ഉടനെ തന്നെ അപ്പയുടെ കൈയുടെ ചൂട്‌ അറിയാന്‍ കാത്ത്‌ നില്‍ക്കാതെ കിട്ടിയ പാന്റും കൊണ്ട്‌ നേരെ എന്റെ മുറിയിലേക്ക്‌ പോയി. ചെന്നപാടെ എന്റെ നിക്കര്‍ ഊരിയെറിഞ്ഞ്‌ പാന്റ്‌ വലിച്ചു കയറ്റി. വയറിന്റെ അവിടെ ഒരു തലയിണ കൂടി കുത്തി കയറ്റിയാലും പിന്നെയും സ്ഥലം മിച്ചം കിടക്കും. പാന്റ്‌ വയറിന്റെ അവിടം വരെയെത്തിയിട്ടും എന്റെ കാല്‍പാദങ്ങള്‍ കണ്ടില്ല. പിന്നെ സാവകാശം പാന്റിന്റെ താഴ്‌ഭാഗം മടക്കി വെച്ച്‌ എന്റെ കാണാതായ കാല്‍പാദങ്ങളെ പുറത്തെടുത്തു. പെട്ടെന്ന് ഒരു ഐഡിയാ കിട്ടി. അടിയില്‍ നല്ല കട്ടിയുള്ള ഒരു നിക്കറിടുക. അങ്ങനെ പിന്നെയും പാന്റ്‌ ഊരി, നിക്കര്‍ ഇട്ട്‌, പാന്റ്‌ വലിച്ച്‌ കയറ്റി. വീട്ടിലുള്ള സകല നിക്കറിട്ടാലും ഇത്‌ ശരിയാകത്തില്ല. അവസാനം വരുന്നത്‌ വരട്ടെയെന്ന് കരുതി എന്റെ ബെല്‍റ്റിട്ട്‌ ഈ പാന്റിനെ മുറുക്കി. അടി പൊളി. എല്ലാം പെര്‍ഫെകറ്റ്‌. സിപ്പ്‌ ഇടാന്‍ സിപ്പ്‌ നോക്കിയപ്പോള്‍ അതെല്ലാം എന്റെ ബെല്‍റ്റ്‌ മുറുക്കലില്‍ മറ്റേതോ സ്ഥാനത്തേക്ക്‌ മാറി പോയിരിക്കുന്നു.അതൊന്നും വക വെയ്ക്കാതെ ഞാന്‍ അതിന്റെ മുകളില്‍ ഒരു അടിപൊളി ഷര്‍ട്ടും വലിച്ച്‌ കയറ്റി, കണ്ണാടിക്ക്‌ മുന്‍പില്‍ ചെന്ന് തന്റെ ഗ്ലാമര്‍ മൊത്തത്തില്‍ വീക്ഷിച്ച്‌, സ്വന്തമായി അസൂയ പൂണ്ട്‌, അപ്പയുടെ അടുത്തേക്ക്‌ ഓടി ചെന്നു. എന്റെ സ്റ്റയിലന്‍ വരവ്‌ കണ്ട്‌ അവിടെ ഉണ്ടായിരുന്നവര്‍ അമ്പരന്നു പോയി. ഓഹ്‌!!! ഇവന്‍ ആളാകെ മാറി പോയല്ലോയെന്ന അമ്മയുടെ കമന്റ്‌ എനിക്ക്‌ ഒരു ഒരിഞ്ച്‌ കൂടി കൂട്ടി തന്നു. അപ്പ എന്നെ അടുത്ത്‌ നിര്‍ത്തിയിട്ട്‌ വയറിന്റെ ഭാഗം നോക്കിയതും അവിടെ ഒരു കൂട്ട ചിരി ഉയര്‍ന്നു. കൂടാതെ ചേച്ചി വന്ന് ഇതെന്താടാ നിന്റെ കുണ്ടി എന്താ ഇങ്ങു താഴെയാണോ??? എന്ന് കൂടി ചോദിച്ചപ്പോള്‍ ഞാന്‍ അവിടെ കുഴഞ്ഞ്‌ വീഴുമെന്ന് തോന്നി. ഓഹ്‌ ഇത്‌ നിനക്ക്‌ ഒത്തിരി വലുതാ...അന്നരം ബാക്കി പാന്റും ഇതേ അളവാ. നിനക്ക്‌ ഇത്‌ ഒട്ടും ചേരില്ല എന്ന അപ്പയുടെ വാദത്തെ ഖണ്ഡിക്കാന്‍ ഞാന്‍ വൃഥാ ശ്രമം നടത്തിയെങ്കിലും, പിന്നെ!!! തേങ്ങാ ചാക്ക്‌ കെട്ടി വെയ്ക്കുന്നതു പോലെയല്ലെ എല്ലാവരും പാന്റിടുന്നതെന്ന് അപ്പയുടെ ചോദ്യത്തിനു മുന്‍പില്‍ ഞാന്‍ തളര്‍ന്ന് പോയി.. അപ്പോള്‍ അമ്മ ഒരു സംശയം ചോദിച്ചു:- എടാ നീ ഈ പാന്റിട്ടാല്‍ എങ്ങനെയാ മൂത്രം ഒഴിക്കുന്നത്‌? ഇനി കൂടുതല്‍ ചോദ്യങ്ങള്‍ ഉയരുന്നതിനു മുന്‍പ്‌ സ്ഥലം കാലിയാക്കുന്നത്‌ തന്നെ ബുദ്ധി എന്ന് കണ്ട്‌ പാന്റ്‌ മാറി തിരിച്ചു വന്നിട്ടും ചേച്ചിയുടെ ചുണ്ടത്ത്‌ ചിരി മാഞ്ഞിരുന്നില്ല. അതൊന്നും ഞാന്‍ അത്ര കാര്യമാക്കാതെ അപ്പ കൊണ്ട്‌ വന്ന ബാക്കി സാധനങ്ങളുടെ കണക്കെടുത്ത്‌ എനിക്ക്‌ വിധിക്കാതെ പോയ ബാക്കി പാന്റുകളെ കണ്ടിട്ടും കാണാത്ത രീതിയില്‍ അന്നത്തെ രാത്രി ഒരു വിധത്തില്‍ കഴിച്ചു കൂട്ടി. രാവിലെ മറ്റൊരു ഐഡിയായുമായി അപ്പയുടെ മുന്‍പില്‍ എത്തി. നമ്മള്‍ക്ക്‌ ഈ പാന്റ്‌ ഏതെങ്കിലും നല്ല തയ്യല്‍ക്കടയില്‍ കൊടുത്ത്‌ എന്റെ പരുവത്തില്‍ തയിപ്പിച്ചാലോ? വേണ്ട, വേണ്ട...നല്ല ആ പാന്റ്‌ വെട്ടി തയിച്ച്‌ വൃത്തിക്കേടാക്കെണ്ട. അതു ഉപയോഗിക്കാന്‍ പറ്റുന്ന ആര്‍ക്കെങ്കിലും അത്‌ കൊടുക്ക്‌ എന്ന അമ്മയുടെ നിര്‍ദ്ദേശത്തെ അപ്പയും പിന്താങ്ങിയതോടെ ഞാന്‍ അവിടെ നിന്നും പിന്നെയും മുങ്ങി. അങ്ങനെ നമ്മുടെ ബന്ധുമിത്രാധികളില്‍ ചിലരുടെ ആരോഗ്യമുള്ള മക്കള്‍ തന്റെ പള്ളയില്‍ താങ്ങി ആ പാന്റും വലിച്ച്‌ കയറ്റി നടക്കുന്നത്‌ കണ്ട്‌ ദീര്‍ഘ ശ്വാസം ഉതിര്‍ത്തു.. പിന്നെ ഞാന്‍ പാന്റ്‌ വിഷയത്തെ പറ്റി പത്താം ക്ലാസ്സ്‌ വരെ സംസാരിച്ചതേയില്ല.

കോളേജില്‍ കയറുന്ന സമയത്ത്‌ അപ്പ അഞ്ചാം ക്ലാസ്സില്‍ പഠിക്കുന്ന പയ്യന്റെ പാകത്തിനു പറ്റിയ ഒരു ലീയുടെ ജീന്‍സ്‌ കൊണ്ട്‌ തന്നത്‌,മറ്റ്‌ എക്സ്ട്രാ ഫിറ്റിങ്ങ്സ്‌ ഒന്നുമില്ലാതെ എനിക്ക്‌ ഫിറ്റായി. കോളെജിലെ ആദ്യ ദിനങ്ങളില്‍ ടീ ഷര്‍ട്ടും, ലീ ജീന്‍സും, പിന്നെ പാരഗണ്‍ ചെരുപ്പും ഒക്കെ ഇട്ട്‌ കോളെജില്‍ ചെത്തി. ദിവസങ്ങള്‍ കഴിഞ്ഞതോടെ ഈ ചെരുപ്പും ഇട്ട്‌ കൊണ്ടുള്ള കോളെജ്‌ യാത്ര എന്നില്‍ മാനക്കേടുണ്ടാക്കി. ചെരിപ്പിട്ട്‌ താന്‍ ഇനി കോളെജില്‍ പോകാന്‍ പറ്റില്ലായെന്ന് വാശിപിടിച്ചതിനെ തുടര്‍ന്ന് അമ്മ ഒരു ലെതര്‍ ചെരുപ്പിനുള്ള ഫണ്ട്‌ അനുവദിച്ചു. അങ്ങനെ ഞാന്‍ ഒരു ലെതര്‍ ചെരുപ്പ്‌ വാങ്ങി. അധികം താമസിക്കാതെ ഒടുക്കത്തെ മഴ കാരണം ആ ലെതര്‍ ചെരുപ്പ്‌ പൊട്ടി പോയി. വീണ്ടും ഒരു ലെതര്‍ ചെരുപ്പിനു ഫണ്ട്‌ അനുവദിക്കില്ലായെന്ന് അമ്മയും വാശി പിടിച്ചു. അങ്ങനെ ആ വള്ളി പൊട്ടിയ ചെരുപ്പും പൊതിഞ്ഞ്‌ ബാഗില്‍ കെട്ടി ചെരുപ്പുകുത്തിയുടെ കൈയില്‍ ഏല്‍പ്പിച്ചു. ഒരു തവണ, രണ്ട്‌ തവണ പിന്നെയും ഞാന്‍ ആ യാത്രകള്‍ ആവര്‍ത്തിച്ചു. അവസാനം ഞാന്‍ ഇനി ആ ചെരുപ്പും ചുമ്മി ചെരുപ്പുക്കുത്തിയുടെ അടുത്തു പോകുന്നതിലും ഭേദം ഞാന്‍ ആ കോഴ്സ്‌ പഠിക്കുന്നത്‌ തന്നെയായിരിക്കും നല്ലത്‌. ആയതിനാല്‍ ഒരു ഷൂസിനു ഇപ്രാവശ്യം അപേക്ഷ സമര്‍പ്പിച്ചു. മുന്‍ക്കാല പ്രാബല്യത്തോടെ ആ അപേക്ഷ തള്ളി. പക്ഷെ ഇത്തവണ അപ്പയ്ക്കും ഒരു ദയാ ഹര്‍ജി സമര്‍പ്പിച്ചു. അത്‌ ക്ലിക്ക്ഡായി. അങ്ങനെ ഞാന്‍ കപില്‍ദേവ്‌ പരസ്യത്തില്‍ ഇട്ട്‌ വരുന്ന ------- ഷൂസ്‌ അങ്ങ്‌ സ്വന്തമാക്കി. ഹൊ!!! കഞ്ഞി വെള്ളം കുടിച്ചു കൊണ്ടിരുന്നവന്റെ കൈയില്‍ ഒരു പാക്കറ്റ്‌ ഫ്രൂട്ടി കിട്ടിയ സന്തോഷത്തോടെയാണു താന്‍ പിറ്റേന്ന് കോളെജിലേക്ക്‌ പോയത്‌. കൂടാതെ ഒറ്റ ക്ലാസ്സ്‌ കട്ട്‌ ചെയ്യാതെ അന്നത്തെ ദിവസം ഞാന്‍ ഡിസെന്റായി. പിന്നെ സാവകാശം ഞാന്‍ ഒരു കെ.എസ്‌.യു പ്രവര്‍ത്തകനായി മാറിയതോടെ ഖദര്‍ ഷര്‍ട്ടും, മുണ്ടും വീണ്ടും ആ പഴയ പാരഗണ്‍ ചെരുപ്പും അണിഞ്ഞ്‌ ഞാന്‍ തികച്ചും ഒരു ഗാന്ധിയനായി. പക്ഷെ വെള്ളിയാഴ്ച്ച ദിവസങ്ങളില്‍ റിലീസ്‌ ഉള്ളതിനാല്‍ ചങ്ങനാശ്ശേരി വരെ യാത്ര ചെയ്യേണ്ടിയ കൊണ്ടും തള്ളു പിടിച്ച്‌ മുണ്ട്‌ ഊരി പോകാതിരിക്കെണ്ടിയതു കൊണ്ടും പാന്റും ഷൂസുമായിരുന്നു ഒഫിഷ്യല്‍ ഡ്രസ്സ്‌.

വീട്ടില്‍ ഭയങ്കര എലി ശല്യം. രാത്രിയാകുമ്പോള്‍ തട്ടിന്‍പ്പുറത്ത്‌ വലിയ ഫുട്ബോള്‍ ടൂര്‍ണമന്റ്‌ നടത്തും പോലെയാണു ശബ്ദ കോലാഹലങ്ങള്‍. റിലീസ്‌ സിനിമാ കാണാന്‍ ഉന്തും തള്ളുമേറ്റ്‌ ക്ഷീണത്തില്‍ രാത്രിയില്‍ ഉറങ്ങാന്‍ തുടങ്ങുമ്പോള്‍ ആണു എലികളുടെ വിളയാട്ടം. അങ്ങനെ അതിനു അറുതി വരുത്താന്‍ ഞാന്‍ ഒരു പാക്കറ്റ്‌ മൂഷ്‌ മൂഷ്‌ എന്ന കേക്ക്‌ വിഷം വാങ്ങി തട്ടിന്‍പുറത്തെ കായിക താരങ്ങള്‍ക്കു വാരി വിതറി. പക്ഷെ അന്ന് കേക്ക്‌ തിന്ന് എലികള്‍ തട്ടിന്‍പ്പുറത്ത്‌ ആര്‍മാദിച്ചു ഫുട്ബോള്‍ കളിച്ചു.

വെള്ളിയാഴ്ച്ച പതിവു പോലെ സിനിമയും കണ്ട്‌ മഴയും നനഞ്ഞ്‌ വീട്ടില്‍ വന്നു. ശനിയാഴ്ച്ച ഉച്ചയായപ്പോഴെക്കും വീട്ടില്‍ എന്തോ ചീഞ്ഞ്‌ നാറാന്‍ തുടങ്ങി. രാത്രിയായപ്പോള്‍ എന്റെ മുറിയില്‍ നല്ല നാറ്റമായി. അതെങ്ങനാ പണ്ഡാരങ്ങള്‍ എന്റെ മുറിയുടെ മുകളിലല്ലയോ കിടന്ന് മറിയുന്നത്‌. പിറ്റേന്ന് ഒരു ജോലിക്കാരനെ തട്ടിന്‍പ്പുറത്ത്‌ ജുഡീഷ്യല്‍ അന്വേഷണത്തിനായി നിയോഗിച്ചു. അങ്ങേരു തട്ടിന്‍പ്പുറത്ത്‌ മൈക്കാടിനിരുന്ന് വെറും കൈയോടെ ഇറങ്ങി കൂലിയും മേടിച്ച്‌ സ്ഥലം വിട്ടു. ഒടുവില്‍ അമ്മ തന്നെ അന്വേഷണത്തിനിറങ്ങി. അമ്മ മുക്കും മൂലയും അരിച്ച്‌ പെറുക്കി. എന്റെ മുറിയില്‍ അമ്മ ഒരു താണ്ഡവം ആടി. അവസാനം അമ്മ, ചത്ത ആ എലിയെ കണ്ടെത്തി എന്റെ മുറിയുടെ അവിടുത്തെ വാതില്‍ തുറന്ന് ആ എലിയെ പുറത്തേക്ക്‌ വലിച്ചെറിഞ്ഞ്‌, കൈയും ഒക്കെ കഴുകി എന്റെ അടുത്ത്‌ വന്നിട്ട്‌ പറഞ്ഞു, നിന്റെ മുറിയില്‍ നിന്നും ചത്ത എലിയെ ഞാന്‍ പടിഞ്ഞാറു വശത്ത്‌ കളഞ്ഞിട്ടുണ്ട്‌. നീ ചെന്ന് അങ്ങ്‌ കുഴിച്ചിട്‌. അമ്മ പറഞ്ഞതും കേട്ട്‌ തൂമ്പായും എടുത്ത്‌ പടിഞ്ഞാറു വശത്ത്‌ ചെന്നപ്പോള്‍ അവിടെ കണ്ട കാഴ്ച്ച കണ്ട്‌ ഞെട്ടി പോയി.... ചത്ത എലിയുടെ സ്ഥാനത്ത്‌ എന്റെ ഷൂസും, സോകസും അനാഥ പ്രേതങ്ങള്‍ പോലെ കിടക്കുന്നു. ഇതെന്ത്‌ കഥ?? ഞാന്‍ വീണ്ടും പരിസരം സൂക്ഷ്മമായി വീക്ഷിച്ചു. ആ പരിസരത്ത്‌ തന്റെ ഷൂസും സോകസുമല്ലാതെ മറ്റൊന്നും കണ്ടില്ല. പതുക്കെ പോയി എന്റെ ഷൂസെടുത്തപ്പോള്‍....അതെ ആ പഴയ നാറ്റം വീണ്ടും എന്റെ മൂക്കിലേക്ക്‌ അടിച്ചു. മഴ നനഞ്ഞ്‌ സിനിമയും കണ്ട്‌ വീട്ടില്‍ വന്ന് കഴിഞ്ഞു ആ നനഞ്ഞ സോക്സും ഷൂസ്സും മുറിയില്‍ തന്നെ വെച്ചതാണു പ്രശനമായത്‌. അവന്‍ അവിടെയിരുന്ന് നാറി. മാത്രമല്ല എന്നെ അങ്ങ്‌ നാറ്റിക്കുകയും ചെയ്തു.

പറ്റിയ ചമ്മല്‍ പുറത്ത്‌ കാണിക്കാതെ ഷൂസും, സോക്സും കൊണ്ട്‌ പോയി കഴുകി ഉണക്കാന്‍ വെച്ച്‌ ഞാന്‍ അടുക്കളയില്‍ ചെന്നപ്പോള്‍ അമ്മ ചോദിച്ചു....ആ എലിയെ കുഴിച്ചിട്ടോടാ? .ചമ്മി ചിരിച്ചിട്ടു പറഞ്ഞു, ആ എലിയെ കഴുകി വൃത്തിയാക്കി ഉണക്കാന്‍ വെച്ചമ്മേയെന്ന് പറഞ്ഞ്‌ ഞാന്‍ അകത്തേക്ക്‌ വലിഞ്ഞു. ഉടനെ അമ്മ മുന്‍ഷിയെ പോലെ പറഞ്ഞു:- “കൈയില്‍ ഇരുന്ന് കാശും കൊടുത്ത്‌ കടിക്കുന്ന പട്ടിയെ മേടിച്ചതു പോലെയായി എന്നത്‌ മാറ്റി, നീ ഷൂസ്‌ മേടിച്ചത്‌ പോലെയായി എന്ന് പറഞ്ഞാല്‍ മതി.” . ആ പറഞ്ഞോ, പറഞ്ഞോ എന്തു വേണമെങ്കിലും പറഞ്ഞോ…… ഞാന്‍ ജന്മനാ ബധിരനും, മൂകനുമാണെന്ന ലക്ഷണത്തില്‍ നടന്നു.

ഒരു മഴ നനഞ്ഞപ്പോള്‍ ഈ ഷൂസ്‌ ഇത്രയും നാറിയെങ്കില്‍, മഴ കൊണ്ട്‌ മാത്രം കളി ജയിക്കുന്ന ആ കപില്‍ ദേവിന്റെ വീട്ടില്‍ എന്തായിരിക്കും സ്ഥിതി എന്നോര്‍ത്തപ്പോള്‍ തന്നെ എന്റെ മുന്‍പില്‍ കൂടി മുന്‍സിപ്പാലിറ്റി വണ്ടികള്‍ പോയത്‌ പോലെ തോന്നി. ഹൊ!!! അമ്മയെ സമ്മതിക്കണം...ഇത്രയല്ലേ ചെയ്തുള്ളു...

5 ദിവസം തുടര്‍ച്ചയായി വെയിലത്ത്‌ വെച്ച്‌ ഉണക്കിയിട്ടും ആ നാറ്റം ഷൂസില്‍ നിന്നും പൂര്‍ണ്ണമായി മാറിയില്ല. “കരുണാകര്‍ജി പിന്നെയും കോണ്‍ഗ്രസ്സായി” എന്ന് പറയുമ്പോലെ വള്ളി പൊട്ടിയ ലെതര്‍ ചെരുപ്പും പൊതിഞ്ഞ്‌ കെട്ടി പാരഗണ്‍ ചെരുപ്പും ഇട്ട്‌ വീണ്ടും ഇറങ്ങിയപ്പോള്‍ അമ്മ മനോരമ ആഴ്ച്ചപതിപ്പില്‍ എന്റെ നാള്‍ നോക്കി ഞാന്‍ കേള്‍ക്കാന്‍ പാകത്തില്‍ ഉറക്കെ വായിച്ചു:- ധന നഷ്ടം, ശരീര പീഡ, മനക്ലേശം എന്നിവ ഫലം.....

47 comments:

Senu Eapen Thomas, Poovathoor said...

കുട്ടിക്കാലത്ത് ഒരു പാന്റ് ഇടാന്, കോളെജില് എത്തിയപ്പോള് ഒരു ഷൂസിടാന് ഞാന് നടത്തിയ സമരത്തിന്റെ, സഹനത്തിന്റെ കഥ...

ശ്രീ said...

ഒരു പാന്റും ഷൂസും വരുത്തി വച്ച വിന...അല്ലേ?

ഷമ്മി :) said...

"ഒരു മഴ നനഞ്ഞപ്പോള്‍ ഈ ഷൂസ്‌ ഇത്രയും നാറിയെങ്കില്‍, മഴ കൊണ്ട്‌ മാത്രം കളി ജയിക്കുന്ന ആ കപില്‍ ദേവിന്റെ വീട്ടില്‍ എന്തായിരിക്കും സ്ഥിതി"
ഹഹാ അടിപൊളി ആയിട്ടുണ്ട്‌ .ചിരിച്ചു മറിഞ്ഞു .

രണ്‍ജിത് ചെമ്മാട് said...

നന്നായിരിക്കുന്നു....

Chandra said...

Very interesting is your description... very funny...thank you very much...write more and more...wish you all the best.

മിഴി വിളക്ക്. said...

ഹെന്റമ്മൊ..ചിരി അടക്കാന്‍ മേലാ..
കോളെജിലെ ആദ്യ ദിനങ്ങളില്‍ ടീ ഷര്‍ട്ടും, ലീ ജീന്‍സും, പിന്നെ പാരഗണ്‍ ചെരുപ്പും ഒക്കെ ഇട്ട്‌ കോളെജില്‍ ചെത്തി..ഹഹ..നല്ല കോമ്പിനേഷന്‍..
“കൈയില്‍ ഇരുന്ന് കാശും കൊടുത്ത്‌ കടിക്കുന്ന പട്ടിയെ മേടിച്ചതു പോലെയായി എന്നത്‌ മാറ്റി, നീ ഷൂസ്‌ മേടിച്ചത്‌ പോലെയായി എന്ന് പറഞ്ഞാല്‍ മതി.”
സെനൂ അമ്മ വായിക്കുന്നുണ്ടോ ഈ മകന്റെ പഴമ്പുരാണ (പരദൂഷണ, പരിദേവന)മൊക്കെ....അമ്മയെ നമിച്ചിരിക്കുന്നു....

smitha adharsh said...

കോളേജില്‍ കയറുന്ന സമയത്ത്‌ അപ്പ അഞ്ചാം ക്ലാസ്സില്‍ പഠിക്കുന്ന പയ്യന്റെ പാകത്തിനു പറ്റിയ ഒരു ലീയുടെ ജീന്‍സ്‌ കൊണ്ട്‌ തന്നത്‌,മറ്റ്‌ എക്സ്ട്രാ ഫിറ്റിങ്ങ്സ്‌ ഒന്നുമില്ലാതെ എനിക്ക്‌ ഫിറ്റായി
ഹ്മം..സംഭവം പിടികിട്ടി...അപാര ബോഡി ഷേപ്പ് ആയിരുന്നു അല്ലെ?...
പോസ്റ്റ് നന്നായി സേനു ചേട്ടാ..പതിവുപോലെ കുറെ ചിരിപ്പിച്ചു കേട്ടോ.
ആ സോക്സിന്റെം,ഷൂവിന്റെം നാറ്റം...അയ്യേ!!! എനിക്ക് വയ്യേ!!
ആ മറ്റേ ചെരുപ്പ് കുത്തി കോഴ്സ് ചെയ്യാതിരുന്നത് കൊണ്ടല്ലേ പിന്നേം പാരഗന്‍ ഇട്ടോണ്ട് നടക്കേണ്ടി വന്നത്..??

oru mukkutti poovu said...

ആ ഷൂവിന്റെ നാറ്റം..ഹോ!! ഇങ്ങോട്റെടുക്കുന്നു ..

രഘുനാഥന്‍ said...

ഹ ഹ ഹ ...മാഷേ ആ ഷൂസ് ഇപ്പോഴുമുണ്ടോ

കുഞ്ഞന്‍ said...

സോനൂ ജീ..

എന്നാ പ്രയോഗങ്ങളാ..ചിരിച്ച് ചിരിച്ച് അവശതയായി..

അമ്മയുടെ ചോദ്യം കേട്ടപ്പോള്‍ ചിരി അണ്‍ കണ്ട്രോളബിളായി..ഇനി നീയെങ്ങനെയാടാ മൂത്രമൊഴിക്കുന്നത്..!!

പഴമ്പുരാണംസ് എന്നത് ബൂലോഗത്ത് കൃത്യതയുടെ പര്യായമായി മാറിയതില്‍ അഭിനന്ദനം അറിയിക്കുന്നു.

നന്ദകുമാര്‍ said...

കൊള്ളാം. കൂടുതലിഷ്ടപ്പെട്ട്ടത് കഥയവസാനിപ്പിച്ച രീതിയാണ്.

krish | കൃഷ് said...

rasakaramaayiTTunT ezhuthth.
'kOzhi pants iTTa pOle' aayirunnuvalle senuvinte pants experiments
:)

ബഷീര്‍ വെള്ളറക്കാട്‌ / pb said...

കൊല്ലത്തിലൊരിക്കല്‍ കുളിച്ച എനിക്കിങ്ങനെ ചൊറിയുമെങ്കില്‍ നിത്യം കുളിക്കുന്നവരുടെ കാര്യമോര്‍ത്തിട്ടെനിക്ക്‌ കരച്ചിലടക്കാന്‍ പറ്റണില്ലേ. എന്ന് (ഞാനല്ല )ആരോ പറഞ്ഞത്‌ ഓര്‍മ്മ വന്നു . കപില്‍ ദേവിന്റെ വീട്ടിലെ കാര്യമോര്‍ത്ത്‌.. സേനു. ഹൗ.. ആ നാറ്റം .. അത്‌ സഹിക്കാന്‍ വയ്യാ..

പുരാണം നന്നായിട്ടുണ്ട്‌

nardnahc hsemus said...

ആ കപില്‍ദേവ് കണ്‍ക്ലൂഷന്‍ നന്നായി!
:)

ബീരാന്‍ കുട്ടി said...

കോളെജിലെ ആദ്യ ദിനങ്ങളില്‍ ടീ ഷര്‍ട്ടും, ലീ ജീന്‍സും, പിന്നെ പാരഗണ്‍ ചെരുപ്പും ഒക്കെ ഇട്ട്‌ കോളെജില്‍ ചെത്തി.... ഹ ഹ ഹ...

എന്റമ്മച്ചി, ചിരിച്ചു പതുക്കെ. ഇനി എവിടെലും പോയി ഇന്ന് മറിഞിട്ട് വരാം.

സോനു. കീപ്പ് ഇറ്റ് അപ്പ് ( ഛെ, അതല്ല, അത് കളഞെക്കു)

ചിത്രാഞ്ജലി said...

Anna.....

ippo shoos onnum itaarille ??

undel bharyayute latest commentsum kooti cherkkamayirunnu.......

Bindhu Unny said...

പഴമ്പുരാണംസ് പലതും വായിച്ചു. കൊള്ളാം. നല്ല ഹ്യൂമര്‍ :-)

KUTTAN GOPURATHINKAL said...

സേനു സര്‍ദാര്‍ജിയുടെ സോക്സിന്റെ കഥകേട്ടുകാണുമല്ലോ. നാറുന്ന സോക്സ് മാറ്റി,പുതിയത് ധരിച്ചിട്ടും മണം പോകാഞ് തിരഞപ്പോള്‍ പഴയത് പോക്കറ്റില്‍ത്തന്നെയിട്ട സര്‍ദാര്‍ജിയുടെ..
കുട്ടിക്കാലത്തെ ഓരോരോ ആഗ്രഹങള്‍..

മാണിക്യം said...

പിന്നെ!!! തേങ്ങാ ചാക്ക്‌ കെട്ടി വെയ്ക്കുന്നതു പോലെയല്ലെ എല്ലാവരും പാന്റിടുന്നത്...?
പാന്റ്നായി പ്രത്യക്ഷപെട്ടപൊഴത്തെ വരവേല്‍പ്പ് !

“കരുണാകര്‍ജി പിന്നെയും കോണ്‍ഗ്രസ്സായി”
മൂഷികസ്ത്രീ പിന്നെയും മൂഷികസ്ത്രീക്ക് റീപ്ലേസ്‌മെന്റ്!!അല്ലേ കൊള്ളാം.

മാണിക്യം
പ്രണയ നൊമ്പരങ്ങള്‍ .....

Rajesh Gopalakrishnan said...

Senu, katha superrr!!!

ശിവ said...

അപ്പോള്‍ ആകെ നാറി അല്ലേ....എത്ര രസകരമായാ താങ്കള്‍ എഴുതിയിരിക്കുന്നത്....

ആദര്‍ശ് said...

അഞ്ചാം ക്ലാസ്സില്‍ പഠിക്കുന്ന പയ്യന്റെ പാകത്തിനു പറ്റിയ ലീയുടെ ജീന്‍സും ,ടീ ഷര്‍ട്ടും, പിന്നെ പാരഗണ്‍ ചെരുപ്പും ഒക്കെ ഇട്ട്‌ കോളേജില്‍ ചെത്തിയ ആ രംഗം ഞാന്‍ ഭാവനയില്‍ കണ്ട് ചിരിച്ചു കൊണ്ടിരിക്കയാ ..അതിനിടയില്‍ ഷൂസിന്റെ നാറ്റം മൂക്കിലോട്ട് അടിച്ചു കയറി ...ഹോ വാളുവെക്കാന്‍ തോന്നുന്നു..
കലക്കി മാഷേ..

നവരുചിയന്‍ said...

ഇപ്പം എത്രയാ പാന്റിന്റെ സൈസ് ??? പോസ്റ്റ് കൊള്ളാട്ടോ

മലമൂട്ടില്‍ മത്തായി said...

പഴമ്പുരാണം രസിച്ചു വായിച്ചു.

Senu Eapen Thomas, Poovathoor said...

എന്റെ ദൈവമേ!!!,

എന്തരോ എന്തോ??? എന്റെ സ്ഥിരം വായനക്കാരായ 3 പേര്‍ നല്ല അസ്സല്‍ വിമര്‍ശനങ്ങള്‍ എഴുതി. ഒരാള്‍ എഴുതി:- കഞ്ഞി പോസ്റ്റ്‌...മറ്റൊരാള്‍ എഴുതി...നിലവാരം കുറഞ്ഞ പോസ്റ്റ്‌....മൂന്നാമന്‍ എന്നെ ചിരിപ്പിച്ചു:- നിന്റെ ബ്ലോഗില്‍ 'കതറ' എന്ന് വലതു വശത്ത്‌ കൊടുത്തിരിക്കുന്നത്‌ കൂതറ എന്നാക്കി മാറ്റാന്‍...ഹ..ഹ..ഹാ അടിപൊളി തമാശ...രാജാവു നഗ്നനാണെന്ന സത്യം തുറന്ന് പറഞ്ഞതില്‍ പെരുത്ത സന്തോഷം. ഇനി മുതല്‍ ഞാന്‍ തെറ്റുകള്‍ തിരുത്തി കൂതറയായി തന്നെ എഴുതാം..

ശ്രീ:- ആദ്യം തന്നെ കമന്റുമായി എത്തിയതിനു നന്ദി...

ഷമ്മി:- പഴമ്പുരാണംസിലേക്ക്‌ സുസ്വാഗതം. വന്നതിനു, കമന്റിയതിനു, ചിരിച്ച്‌ മറിഞ്ഞതിനു [ഞാന്‍ ഉത്തരവാദിയല്ല] എല്ലാം താങ്ക്സ്‌. ഇനിയും വരണേ!!!.

രണ്‍ജിത്തേ:- നന്നായിരിക്കുന്നു.. ആരു?? ഞാനാണോ? ഓഹ്‌ അത്‌ പറയാതിരിക്കുന്നതാ ഇപ്പോഴും ഭേദം.

ചന്ദ്രാ:- പഴമ്പുരാണംസിലേക്ക്‌ സുസ്വാഗതം. വന്നതിനു, കമന്റിയതിനു..ഇനിയും വരണേ...

ഡോക്ടറെ:- ചിരിക്കാന്‍ വയ്യെ..കുറുന്തോട്ടിക്കും വാതമോ? ടീ ഷര്‍ട്ടും, ലീ ജീന്‍സും, പാരഗണ്‍ ചെരുപ്പും...ഇതു കഴിഞ്ഞാണു ഹലുവാ മീന്‍ക്കറി, ലഡ്ഡുവും ചമ്മന്തിയും ഒക്കെ വന്നത്‌...എന്റെ അമ്മ പഴമ്പുരാണംസ്‌ സ്ഥിരമായി വായിയ്ക്കാറുണ്ട്‌.ഞാന്‍ അടുത്തില്ലാത്തത്‌ എന്റെ 'ഫാഗ്യം'.

സ്മിതേ:- സത്യം...ആലില വയര്‍, ക്യാറ്റ്‌ വോക്കിനു പറ്റിയ കാലുകള്‍, ഞാന്‍ പെണ്ണായി ജനിച്ചിരുന്നെങ്കില്‍ ഐശ്വര്യാ റായി പിച്ച ചട്ടി എടുത്തെനേ...സ്മിത സത്യം മനസ്സിലാക്കിയല്ലോ...അതു മതി.

മുക്കുറ്റി പൂവേ:- വന്നതിനു, വായിയ്ച്ചതിനു കമന്റിയതിനു എല്ലാം നന്ദി. പിന്നെ സ്വകാര്യമായി ഒന്ന് പോയി ഇ.എന്‍.റ്റി ഡോകടറെ കാണുന്നത്‌ നല്ലതായിരിക്കും. മൂക്കിനു എന്തോ പ്രശ്നം ഉണ്ട്‌... [ആ ഷൂസ്‌ എന്നേ ഹിസ്റ്ററി ആയതാ.]

രഘുനാഥെ:- പഴമ്പുരാണംസിലേക്കു സ്വാഗതം. ആ ഷൂസ്‌ ഇന്ന് എന്റെ കൈയില്‍ ഇല്ല. മേടിക്കാനാണെങ്കില്‍ ഞാന്‍ മേടിച്ച കടയുടെ അഡ്രസ്സ്‌ തരാം.

കുഞ്ഞാ:- അവശതയില്‍ തന്നെയാണോ ഇപ്പോഴും. സോറി...അമ്മയുടെ ചോദ്യം കേട്ട്‌ അന്ന് ഞാനും അവശതയിലായതാ...കൃത്യതയുടെ പര്യായം...അത്‌ എനിക്ക്‌ നന്നായി സുഖിച്ചു... ചിലവ്‌ എപ്പോഴാണു വേണ്ടിയത്‌??? ഒരു ഷൂസ്‌ തന്നെ മേടിച്ചു തന്നേക്കാം. മതിയോ??

ഈ നാറ്റം സഹിച്ച്‌ മൂക്കും പൊത്തി വന്ന് സഹകരിച്ച എല്ലാവര്‍ക്കും... എന്റെ സ്നേഹം നിറഞ്ഞ നന്ദി.

സസ്നേഹം,
പഴമ്പുരാണംസ്‌.

കുറ്റ്യാടിക്കാരന്‍ said...

എന്നാലുമെന്റെ സേനുച്ചേട്ടാ ഞാനിങ്ങെത്തുന്നതിന്നു മുന്‍പ് ചേട്ടന്‍ നന്ദി പ്രകടനം നടത്തിക്കളഞ്ഞല്ലോ...

നല്ല പോസ്റ്റ്...

എം. എസ്. രാജ്‌ said...

കപില്‍ ദേവിന്റെ വീട്ടില്‍ എന്തായിരിക്കും സ്ഥിതി!!!!

Kollam mashe, wild imagination!!

John said...

"kanji vellam kudichu kondirkkunnavante kaayyil oru packet frooti" enna prayogham assalaayi. pinnae kapil dev koodi climax il ethiyeppol sambam hit.

ee kapil prayogham onnu hindi yil translate cheythu, adhehathinu ayachu koodae?

John (ee praavashyam confusion akaaruthu... podiyadi kaaran john thanne)

Senu Eapen Thomas, Poovathoor said...

നന്ദാ:- സന്തോഷമായി നന്ദാ..സന്തോഷമായി. കഥയവസാനിപ്പിച്ച രീതി ഇഷ്ടപ്പെട്ടതിനു..

കൃഷേ:- ഇത്‌ അല്‍പം കടുത്തു പോയി. കോഴി....ഞാന്‍ സത്യമായിട്ടും അങ്ങനെയൊന്നുമല്ല...

ബഷീറെ:- കൊല്ലത്തില്ലൊരിക്കല്‍ കുളിച്ചാല്‍.... ഞാന്‍ കരുതിയത്‌ [കൊല്ലത്ത്‌ നീണ്ടകര വരെ പോയി...ആ സ്മെല്ലും അടിച്ചു] പിന്നെയാ കാര്യം മനസ്സിലായത്‌..ഏതായാലും കാര്യം ഇഷ്ടപ്പെട്ടു. കപില്‍ ദേവ്‌ കേള്‍ക്കെണ്ട കേട്ടൊ..

nardnahc hsemus:- ഒന്നും മനസ്സിലായില്ല...ഞാനീ പേരിന്റെ കാര്യമാ പറഞ്ഞത്‌... വന്നതിനു, കമന്റിയതിനു എല്ലാം നന്ദി. ഇനിയും വരണേ!!!

ബീരാന്‍ക്കുട്ടി:- ആ ആര്‍മാദിച്ചോ...ചുമ്മാ മറിഞ്ഞ്‌ പ്രശ്നം ഒന്നും ഉണ്ടാക്കരുത്‌... യ്യ്യേ ഞാന്‍ അത്‌ കളഞ്ഞേ...

ചിത്രാഞ്ജലി:- ഇപ്പോള്‍ ഷൂസാണിടാറുള്ളത്‌.. പരസ്യത്തിന്റെ പുറകെ പോകുന്ന പരിപാടി നിര്‍ത്തി. ഉത്തമ ഭാര്യ...കമന്റാറില്ല.

ബിന്ദു ഉണ്ണി:- പഴമ്പുരാണംസ്‌ വായിച്ചതിനും, കമന്റിയതിനും നന്ദി. ഇനിയും വരണെ...

കുട്ടാ:- സര്‍ദാര്‍ജിയുടേ കൂട്ട്‌ ഞാന്‍ ആ സോക്സ്‌ പോക്കറ്റില്‍ ഇട്ടിരുന്നെങ്കില്‍ അമ്മ ബാക്കി ഉണ്ടായിരുന്ന എലി വിഷം എനിക്ക്‌ തന്നേനെ. അത്ര കടുത്തു വീട്ടിലെ നാറ്റം. പിന്നെ എന്നെയാണോ സര്‍ദാര്‍ജിയുമായി ഉപമിച്ചത്‌... എങ്കില്‍ പ്രധാനമന്ത്രി നമ്മുടെ സ്വന്തക്കാരനാ..മറക്കരുത്‌.

മാണിക്യം:- എന്റെ അമ്മ പഴംഞ്ചൊല്ലില്‍ ഡോക്ടറേറ്റ്‌ ആണു. അവിടുന്നാണു പഴഞ്ചൊല്ലുകള്‍ പഠിച്ചത്‌. ഇത്തവണയും ഇഷ്ടപ്പ്പ്പെട്ടുവെന്നറിഞ്ഞതില്‍ സന്തോഷം. പിന്നെ എന്തേ ഇത്ര പ്രണയ നൊമ്പരം???

രാജേഷെ:- കഥ സൂപ്പര്‍ര്‍ര്‍ര്‍ര്‍ര്‍. വായിച്ചപ്പോള്‍ എന്റെ പാന്റിന്റെ ചുവട്‌ കീറിയ പോലെ തോന്നി...

വന്നവര്‍ക്ക്‌, ആര്‍മാദിച്ചവര്‍ക്ക്‌, കുറ്റം പറഞ്ഞവര്‍ക്ക്‌ എല്ലാവര്‍ക്കും ഈ ഉള്ളവന്റെ നമോവാഹം.

സസ്നേഹം,
പഴമ്പുരാണംസ്‌.

lakshmy said...

നല്ല പോസ്റ്റ് സേനു. കപിൽ ദേവിന്റെ വീട്ടിലെ അവസ്ഥയോർത്ത് ഞാനും വല്ലാതെ ചിരിച്ചു

Anonymous said...

Dear Senue, Good decription, but not much contents --Santhosh

Anonymous said...

Dear Senue, Good decription, but not much contents --Santhosh

കിഴക്കന്‍ said...

പഴമ്പുരാണംസ്...കലക്കി...
ഒരു പാരഗന്‍ ചാപ്റ്റര്‍ എഴുതണം എന്ന് ഞാനും ഓര്‍ത്തതാ...ഇനി വേണ്ട...

Teena said...

Ethrayum katha kaiyil undo?? Onnum marannu pokathe orkkunnundallo... Sammathicchirikkunnu...........

Senu Eapen Thomas, Poovathoor said...

ശിവ ശിവ:- നാറിയെന്നോ...ആരു..ഈ ഞാനോ..യേ ഇല്ല. ശിവയ്ക്ക്‌ അങ്ങനെ തോന്നിയോ...

ആദര്‍ശേ:- ഇന്നലെ കൂതറ സാധനം അടിച്ച്‌ കയറ്റിയപ്പോള്‍ ഓര്‍ക്കണമായിരുന്നു...വാളു വെയ്ക്കുമെന്ന്..അല്ലാതെ അതും എന്റെ ഷൂസുമായിട്ടോ, സോക്സുമായിട്ടൊ യാതൊരു ബന്ധവുമില്ലായെന്ന് ഞാന്‍ ഇതിനാല്‍ അറിയിച്ചു കൊള്ളട്ടെ. പിന്നെ ഭാവനയെയാണോ, കാവ്യാ മാധവനെയാണോ കണ്ടത്‌..ഒന്ന് ഓര്‍ത്ത്‌ നോക്കിക്കെ...

നവരുചിയാ:- പാന്റ്‌ ഗിഫ്റ്റ്‌ തരാനാണോ? ഐശ്വര്യ റായിയ്ക്കും എനിക്കും സേം, സേം..സൈസാ... പാന്റെ...

മലമൂട്ടില്‍ മത്തായി:- അച്ചായോ...വന്നതിനും, വായിച്ചതിനും നന്ദി. ഇനിയും വരണെ..

കുറ്റ്യാടിക്കാരാ:- ഇത്‌ സാമ്പിള്‍ വെടിക്കെട്ട്‌. ദേ ഇപ്പോള്‍ ആണു ശരിക്കുള്ളത്‌...

രാജെ:- സ്വന്തം വീട്ടിലെ കാര്യം നമ്മള്‍ക്കറിയില്ല. പിന്നെയാ നമ്മള്‍ കപിലിന്റെ വീട്ടിലെ കാര്യം തിരക്കുന്നത്‌...

ജോണെ:- വേണ്ട മോനെ, വേണ്ട മോനെ...കപില്‍ദേവ്‌ ഇത്‌ അറിഞ്ഞിട്ട്‌ വേണം എനിക്ക്‌ എതിരെ കേസെടുക്കാന്‍. എന്നിട്ട്‌ വേണം എന്റെ പോക്കറ്റും, കുടുംബവും കോഞ്ഞട്ടയാകാന്‍. ഹിന്ദി നമ്മള്‍ക്ക്‌ അത്ര പോര...

ലക്ഷ്മി:- സുസ്വാഗതം. ഇനിയും വരണെ...വായിക്കണം..കമന്റണം.

സന്തോഷെ:- നന്ദി...കൂടുതല്‍ വിവരങ്ങളുമായി നവംബര്‍ ഒന്നിനു..

കിഴക്കാ:- പാരഗണ്‍ ചാപ്റ്റര്‍ പോരട്ടെ. ഒന്നും വേസ്റ്റാക്കരുത്‌. പോസ്റ്റിക്കൊ..പോസ്റ്റിക്കൊ...വന്നതിനു, വായിയ്ച്ചതിനു നന്ദി.

റ്റീനാ:-സമ്മതിച്ചതിനു താങ്ക്സ്‌. ഇനിയും വരണെ....

വന്നവര്‍ക്ക്‌, കമന്റിയവര്‍ക്കു, കമന്റാഞ്ഞവര്‍ക്ക്‌ എല്ലാം നന്ദി....

സസ്നേഹം,
പഴമ്പുരാണംസ്‌.

sudhasree said...

pantum shoesum pinne njanum....ugran ayitto... sarikum vayikumpol shoes entaduthu vachapole thanne thonni.... ellavarkum undayi kanum aa anubhavam

Sarija N S said...

അന്ന് കേക്ക്‌ തിന്ന് എലികള്‍ തട്ടിന്‍പ്പുറത്ത്‌ ആര്‍മാദിച്ചു ഫുട്ബോള്‍ കളിച്ചു.
ഹ ഹ ഹ

BINU SAMUEL said...

but my doubt is why you are not sending these articles to print media.

very good... salute from a former KSU KKARAN
BINU SAMUEL 1994 MARTHOMA COLLEGE

ജിഹേഷ്:johndaughter: said...

സേനുജീ... കലക്കി.

ഷൂസിനു എലി ചീഞ്ഞമണമായിട്ടുകൂടി തിരിച്ചറിഞ്ഞില്ലാല്ലേ..:)

സാജന്‍| SAJAN said...

നന്നായിട്ടുണ്ട് സേനു,
നല്ലതുപോലെ തമാശ ഫീല്‍ ചെയ്യുന്നുണ്ട് !
വായിച്ചു ഞാനും കുറച്ച് ചിരിച്ചു, രാത്രി 11:30നു ഉറക്കമൊഴിച്ചിരുന്നത് പ്രയോജനപ്പെട്ടു
നന്ദി , സേനു:)

sabita said...

hahahaha valare ere nanayitunudu ketoo............

Anonymous said...

Dear Senu
I am seeing your blog first time
Read all good one Keep it up

Pappan

Senu Eapen Thomas, Poovathoor said...

ദേ സുധ ടീച്ചര്‍ ഫ്രം വാസ്ക്കോഡഗാമയും എന്റെ ഷൂസിന്റെ നാറ്റം സസന്തോഷം സ്വീകരിച്ചു. മാത്രവുമല്ലാ ആ ഷൂസ്‌ അടുത്ത്‌ വച്ച്‌ നാറ്റം ആസ്വദിച്ചു. ഈശ്വരാ....പ്ലീസ്‌.

സരിജേ:- വേണോ ഒരു കഷ്ണം കേക്ക്‌...

ബിനു സാമുവേല്‍:- മാര്‍ത്തോമാ കോളെജില്‍ പഠിച്ച ഒരു പഴയ കെ.എസ്‌.യുക്കാരന്‍... ആ സല്യൂട്ട്‌ ഞാന്‍ മൊത്തത്തില്‍ സ്വീകരിച്ചു. പിന്നെ മാസികകളില്‍ പ്രസിദ്ധീകരിക്കുന്നതിനെ പറ്റി...ബാലരമ, ബാലമംഗളം, കളിക്കുടുക്ക മുതലായവ ഒന്നും ഇത്‌ എടുക്കുന്നില്ല.

ജിഹേഷെ:- എല്ലാം ആകെ കണ്‍ഫ്യൂഷന്‍ ഉണ്ടാക്കി. തലേദിവസത്തെ എലിവിഷം, മഴ...എല്ലാം തകിടം മറിച്ചു. നമ്മള്‍ സ്വപ്നത്തില്‍ പോലും കരുതിയില്ല ഈ ഷൂസ്‌ ഇങ്ങനെ നാറുമെന്ന്. കപില്‍ദേവാണു എന്നെ പറ്റിച്ചതു.

സാജന്‍:- വന്നതിനു, രാത്രിയില്‍ ഇരുന്ന് വായിച്ച്‌ ചിരിച്ചതിനു, എല്ലാം നന്ദി. ഇനി കണ്ണ്‍ കാണാവുന്ന സമയത്ത്‌ വന്ന് വായിച്ചാല്‍ കൊള്ളാം.

സബിത:- സത്യം ഒട്ടും ഞാന്‍ നന്നായിട്ടില്ല. ഇപ്പോഴും ആ തൂക്കം ഒക്കെ തന്നെയാ..സത്യം.

പാപ്പന്‍:- ചേട്ടാ, അപ്പച്ചാ...അനോണിയായ കാരണം എന്താ വിളിക്കെണ്ടിയതെന്ന് ഒരു സംശയം.

ഇനിയും വരണം..വായിക്കണം. കമന്റണം.സുസ്വാഗതം.

സസ്നേഹം,
പഴമ്പുരാണംസ്‌.

malayalee said...

ലോകമെമ്പാടുമുള്ള 1000കണക്കിന്‌ മലയാളീകളെ കണ്ടെടുക്കുക

നിങ്ങള്‍ ആഗ്രഹിക്കുന്നുവെങ്കില്‍ നമുക്ക് ഒന്നായി ചേര്‍ന്ന് ഒറ്റ സമൂഹമായി ഒരു കുടക്കീഴില്‍ അണിചേര്‍ന്നിടാം. നിങ്ങളുടെ ചിന്തകളും വികാരങ്ങളും പരസ്പരം പങ്കു വയ്ക്കാന്‍ ആഗ്രഹിക്കുന്നുവോ ? ദയവായി ഇവിടെ ക്ലിക് ചെയ്യുക http://www.keralitejunction.com

ഇതിന്‌ ഒപ്പമായി മലയാളീകളുടെ കൂട്ടായ്മയും ഇവിടെ വീക്ഷിക്കാം http://www.keralitejunction.com

Olsonjnbj said...

ഒരു പാന്റും ഷൂസും വരുത്തി വച്ച വിന...അല്ലേ?

joseph idicula said...

നാറ്റ കഥ' ആന്നെങ്കിലും നന്നായി രസിച്ചു .പക്ഷെ കപിൽ ദേവ് ആരാധകരെ അല്പം നിരസ്സാപെടുത്തി.ഇനിയും കൂടുതൽ നർമവുമയി വരുക .....

Anonymous said...

പെൺപിള്ളാരുടെ മലദ്വാരത്തിൾ കേറ്റാൻ ഏന്താ രസം