Friday, 1 February 2008

പാമ്പ്‌ Vs പാസ്റ്റര്‍

മുന്‍ കൂട്ടി നിശ്ചയിച്ച പ്രകാരം, ഞങ്ങള്‍ എല്ലാവരും കൂടി തിരുവനന്തപുരത്ത്‌ കാഴ്ച്ച ബംഗ്ലാവ്‌ കാണാന്‍ പോയി. ട്രയിനില്‍ ആയിരുന്നു യാത്ര.

ശബരിമല സീസണ്‍ ആയിരുന്നതിനാല്‍ അയ്യപ്പന്മാരുടെ തിരക്കായിരുന്നു ട്രയിനില്‍. സ്ലീപ്പര്‍ ടിക്കറ്റ്‌ എടുത്തതിനാല്‍ ഞങ്ങള്‍ കണ്ട ഒരു
കംപ്പാര്‍ട്ട്മെന്റില്‍ കയറി. ചെങ്ങന്നൂര്‍ ആയപ്പോഴെയ്ക്കും, ഏറെ കുറേ അയ്യപ്പന്മാര്‍ ഇറങ്ങിയതോടെ ഞങ്ങള്‍ക്ക്‌ ഇരിക്കാന്‍ സ്ഥലം കിട്ടി. ഞങ്ങളുടെ കൂടെ യാത്ര ചെയുന്ന ഒരാളുടെ വേഷവിധാനത്തില്‍ നിന്ന് ആള്‍ ഒരു പാസ്റ്റര്‍ ആണെന്ന് മനസ്സിലായി. ട്രയിന്‍ യാത്ര ഉല്ലാസപ്രദമാകാണമെങ്കില്‍ യാത്രക്കാര്‍ തമ്മില്‍ തമ്മില്‍ സംസാരിക്കണം, പക്ഷെ ഇവിടെ ഞാന്‍ സംസാരിക്കാന്‍ ശ്രമിച്ചാല്‍ പാസ്റ്റര്‍ തുടങ്ങും, പിന്നെ ഞാന്‍ തന്നെ പാസ്റ്ററിന്റെ വായ്ക്ക്‌ പ്ലാസ്റ്റര്‍ ഒട്ടിക്കേണ്ടി വരും. അങ്ങനെ ആകെ വിഷമിച്ച്‌ ഇരിക്കുമ്പോള്‍ കായംകുളത്ത്‌ നിന്ന് ഒരു 'മദ്യ'വയസ്ക്കന്‍ നമ്മുടെ പാസ്റ്ററിന്റെ അടുത്ത്‌ സ്ഥാനം പിടിച്ചു. ഓഹ്‌!!!, ട്രയിന്‍ 1.30 മണിക്കൂര്‍ ലയിറ്റായിട്ടാണു വന്നത്‌. മദ്യവയസ്ക്കന്‍ വായ തുറന്നതോടെ മറുവശത്തിരുന്ന എന്റെ പോലും തല അല്‍പം മന്ദിച്ചു. പിന്നെ കക്ഷി ലാലു പ്രസാദിനെയും, സര്‍ക്കാരിനെയും നിര്‍ദ്ദാക്ഷ്ണ്യം പുലഭ്യം പറഞ്ഞു കൊണ്ടിരുന്നു. മദ്യവയസ്ക്കന്റെ സംസാരത്തില്‍ അസഹ്യനായ പാസ്റ്റര്‍ എന്നോട്‌ സംസാരിക്കാന്‍ തുടങ്ങി. സംസാരം തുടങ്ങിയതിങ്ങനെ:- ക്രിസ്തുമസ്സിന്റെ തലേ ദിവസം, ദൈവത്തിന്റെ സ്വന്തം നാട്ടില്‍ ഒഴുകിയത്‌ 84 കോടിയുടെ മദ്യമാണു. ആള്‍ക്കാര്‍ കൈയില്‍ കിടക്കുന്ന കാശും കൊടുത്ത്‌ എന്തിനാണിങ്ങനെ നശിക്കുന്നത്‌? പാസ്റ്റര്‍ ഒരു പൊതു തത്വം പറഞ്ഞപ്പോഴെയ്ക്കും,ഓരോരുത്തരും അവരവരുടെ അഭിപ്രായങ്ങള്‍ പറയാന്‍ തുടങ്ങി. എന്നാല്‍ ഞാന്‍ ഈ കാര്യങ്ങളില്‍ യാതൊരു അഭിപ്രായവും രേഖപ്പെടുത്താതെ, മൗനം വിദ്വാനു ഭൂഷണം എന്ന മട്ടില്‍ ഭാര്യയോടും മക്കളോടും സംസാരിച്ച്‌ കൊണ്ടിരുന്നു. ജനപിന്തുണ ലഭിച്ചതോടെ പാസ്റ്റര്‍ ഫോമിലായി. പാസ്റ്റര്‍ പറഞ്ഞു:- ഇവര്‍ ഈ കുടിച്ചു കളയുന്ന പൈസയ്ക്ക്‌ പാല്‍ കുടിച്ചാല്‍, ശരീരവും നന്നാകും, വീട്ടില്‍ കിടക്കുകയും ചെയ്യാം. എല്ലാവരും അതിനോട്‌ യോജിച്ചപ്പോള്‍, മദ്യവയസ്ക്കന്‍ പറഞ്ഞു, ഓഹ്‌ എന്നിട്ടാണോ നമ്മുടെ കര്‍ത്താവ്‌, കല്യാണ വീട്ടില്‍ വെള്ളം വീഞ്ഞാക്കിയത്‌? പിന്നെ എന്താ പുള്ളി പാലുണ്ടാക്കി കൊടുക്കാഞ്ഞത്‌? ചോദ്യം കേട്ടതോടെ പാസ്റ്റര്‍ പരുങ്ങി. പിന്നെ പാസ്റ്റര്‍ പഴയ കാലവും, പുതിയ കാലവും താരതമ്യം ചെയ്യാന്‍ തുടങ്ങി. അങ്ങനെ യാത്രയ്ക്കു ഒരു മൂഡായി. പാസ്റ്റര്‍ തന്റെ വിശദീകരണം പൂര്‍ത്തിയാക്കിയപ്പോള്‍, നമ്മുടെ 'പാമ്പ്‌' പറഞ്ഞു, ബൈബിളില്‍ നോഹ, ദാവീദ്‌, ശലോമോന്‍ മുതലായവര്‍ വീഞ്ഞ്‌ കുടിച്ചിരുന്നു. പിന്നെയാണോ എളിയവനും ദോഷിയും ആയ ഞാന്‍? ഈ വാചകം പാസ്റ്റര്‍ക്ക്‌ നന്നായി സുഖിച്ചു. പിന്നെ രക്ഷയും, മാനസാന്തരവും ആയി വിഷയം. രക്ഷിക്കപ്പെട്ടാലേ സ്വര്‍ഗ്ഗത്തില്‍ പോവുകയുള്ളോ? എങ്കില്‍ കര്‍ത്താവിന്റെ കൂടെ ക്രൂശിക്കപ്പെട്ട വലതു ഭാഗത്തെ കള്ളനോട്‌, ഇന്ന് നീ എന്റെ കൂടെ പറുദീസയിലിരിയ്ക്കും എന്ന് പറഞ്ഞത്‌ രക്ഷിക്കപ്പെട്ടിട്ടാണോ? അതെ, അവന്‍ അവസാനം ക്രൂശില്‍ കിടന്ന് മാനസന്തരപ്പെട്ടു, അങ്ങനെ അവന്‍ രക്ഷിക്കപ്പെട്ടു. പിന്നെ വലതു ഭാഗത്തെ കള്ളന്‍ എന്ന് ബൈബിളില്‍ എങ്ങും പറഞ്ഞിട്ടുമില്ല. ലോകം അവസാനിക്കാറായി, ആയതിനാല്‍ എത്രയും പെട്ടെന്ന് രക്ഷിക്കപ്പെടുക.

ദൈവം സ്വര്‍ഗ്ഗത്തില്‍ നിന്ന് ഭൂമിയിലേക്ക്‌ നോക്കിയപ്പോള്‍ നല്ലവരായി ആരെയും കണ്ടില്ലയെന്ന് ബൈബിളില്‍ പറഞ്ഞിട്ടുണ്ട്‌. അപ്പോള്‍ പാസ്റ്റര്‍ നല്ലവനാണെന്ന് പറയാന്‍ പറ്റുമോ എന്ന് ഒരു മറു ചോദ്യം പാമ്പെറിഞ്ഞു. പാമ്പിനും ബൈബിളില്‍ അല്‍പം അറിവുണ്ട്‌ എന്ന് മനസ്സിലാക്കിയതു കൊണ്ടോ മറ്റോ, പാസ്റ്റര്‍ പ്രവചനത്തിലേക്ക്‌ കയറി. ബൈബിളില്‍ ഇന്ത്യയെ പറ്റി വ്യക്തമായി പറഞ്ഞിട്ടുണ്ട്‌-അറിയാമോ?

പാമ്പ്‌:-അതും ഇതുമായി എന്ത്‌ ബന്ധം?

പാസ്റ്റര്‍:- ബന്ധം ഉണ്ട്‌. ഇംഗ്ലീഷില്‍, ഇന്ത്യയെന്നും, മലയാളത്തില്‍ ഹിന്ദു ദേശമെന്നും എസ്ഥേറിന്റെ പുസ്തകത്തിലാണു പറഞ്ഞിരിക്കുന്നത്‌.

പാമ്പ്‌:- ഓഹ്‌ ക്വിസ്‌ ആയിരുന്നോ? എന്നാല്‍ ഇന്നാ എന്റെ അടുത്ത ചോദ്യം. ബൈബിളില്‍ മഹാത്മാ ഗാന്ധിയെ പറ്റി പറഞ്ഞിരിക്കുന്ന ഭാഗം എവിടെയാണു?

ഈ ചോദ്യം കേട്ടപ്പോള്‍ ഞാനും ഒന്ന് അന്ധാളിച്ചു. മഹാത്മാ ഗാന്ധി, ബൈബിളിലോ? ഞാന്‍ ഭാര്യയെയും ഒന്ന് നോക്കി. അവള്‍ക്കും 'നോ ഇന്‍ഫര്‍മേഷന്‍' [ഒരു വിവരവും ഇല്ല] എന്ന് അവളുടെ മുഖ ഭാവത്തില്‍ നിന്ന് തന്നെ മനസ്സിലായി.

മഹാത്മാ ഗാന്ധിയെ പറ്റിയോ, ബൈബിളിലോ.... പാസ്റ്റര്‍ എടുത്ത്‌ ചോദിച്ചു.

അതെ മഹാത്മാ ഗാന്ധി തന്നെ... നമ്മുടെ ഫാദര്‍ ഓഫ്‌ ദി നേഷനേ എന്ന് പറഞ്ഞപ്പോള്‍ തന്നെ ഒരു കുടം തുപ്പല്‍ എന്റെ മുഖത്തേക്ക്‌ തെറിച്ചു. തുപ്പല്‍ അല്ലായിരുന്നു സത്യത്തില്‍ അത്‌, മുഴുവന്‍ തനി സ്പിരിറ്റ്‌. ഏതായാലും മുഖത്ത്‌ തെറിച്ചത്‌ അത്രയും ഞാന്‍ തുടച്ചു മാറ്റി. ദൈവമേ ഇത്‌ അറിഞ്ഞിരുന്നെങ്കില്‍ ഞാന്‍ നേരത്തെ തന്നെ ഒരു വൈപ്പര്‍ ഫിറ്റ്‌ ചെയ്തേനെ എന്ന് ഭാര്യയോടു സ്വകാര്യമായി പറഞ്ഞു.

പാസ്റ്റര്‍:- ഒരു കരണത്ത്‌ അടിച്ചവനു മറു കരണം കൂടി കാട്ടി കൊടുത്ത്‌ ക്രിസ്തുവിന്റെ ശരിയായ അനുയായി ആയി മാറിയ മഹാത്മാ ഗാന്ധി. അതിനുമപ്പുറം ഗാന്ധിജിയെ പറ്റി ബൈബിളില്‍ എങ്ങും പരാമര്‍ശിച്ചിട്ടില്ല. ഇനി പ്രവചന പുസ്തകത്തിലോ മറ്റോ സൂചനകള്‍ ഉണ്ടെങ്കില്‍ അത്‌ എനിക്ക്‌ അറിയില്ല. എന്റെ അറിവില്‍ ഇത്ര മാത്രമേ ഉള്ളു.

പാമ്പ്‌:- ഗാന്ധിജിയെ പറ്റി സൂചനയല്ല; പേരെടുത്ത്‌ പറഞ്ഞിട്ടുണ്ട്‌. അറിയാമോ, അറിയത്തില്ലയോ? ആഹ, ഞാന്‍ വെള്ളം അടിക്കും. പക്ഷെ ബൈബിള്‍ വായിക്കുമ്പോള്‍ നമ്മള്‍ അതില്‍ ശ്രദ്ധിക്കും. അല്ലാതെ ആര്‍ക്കാണ്ടും വേണ്ടി വായിക്കാറില്ല.

പാമ്പ്‌ വാചാലനായി. പാസ്റ്റര്‍ വിഷണ്ണനായി. ഞങ്ങള്‍ ആകാംക്ഷാകുലരായി.

അപ്പോള്‍ തോറ്റോ, പാസ്റ്ററേ? പാമ്പ്‌ ചോദിച്ചു.

പാസ്റ്ററിന്റെ ബൈബിള്‍ ഇങ്ങു തന്നേ....

പാമ്പ്‌ ബൈബിള്‍ തുറന്നു, എന്നിട്ട്‌ അതിന്റെ ആദ്യത്തെ പേജ്‌ തുറന്ന് ഞങ്ങളെ എല്ലാവരെയും കാട്ടി, കണ്ടോ... ബൈബിള്‍ സൊസൈറ്റി ഓഫ്‌ ഇന്ത്യാ, 206 മഹാത്മാ ഗാന്ധി റോഡ്‌, ബാംഗ്ലൂര്‍-560 001. കണ്ടോ ഒന്നാം പേജില്‍ കിടക്കുന്ന മഹാത്മാ ഗാന്ധിയെ കണ്ടിട്ടില്ല, പിന്നാ ആര്‍ക്കും മനസ്സില്ലാകാത്ത പ്രവചനം വായിച്ച്‌ മനസ്സിലാക്കുന്നതു.....

പാസ്റ്ററിന്റെ ചുളുങ്ങിയ മുഖം കാര്യമാക്കാതെ തന്നെ ഞങ്ങള്‍ ആത്മാര്‍ത്ഥമായി ചിരിച്ചു. അപ്പോഴെയ്ക്കും നമ്മുടെ പാമ്പ്‌ അശ്വമേധം അവതരിപ്പിക്കുന്ന പ്രദീപിന്റെ ഗമയില്‍ സീറ്റില്‍ ഒന്ന് ഞെളിഞ്ഞ്‌ ഇരുന്നു.

എന്റെ ദൈവമേ!!! തിരുവനന്തപുരത്ത്‌ എത്തിയത്‌ അറിഞ്ഞതേയില്ല. ഇനി ശേഷം യാത്രയില്‍ പാസ്റ്റര്‍ ‘രക്ഷപ്പെട്ടോ’, അതോ പാമ്പ്‌ ‘രക്ഷിക്കപ്പെട്ടോ’ എന്ന് അറിയില്ല. ഏതായാലും ഞങ്ങള്‍ രക്ഷപ്പെട്ടു.

പാസ്റ്ററിന്റെ കാര്യം............................... ജിങ്കാലാലാ!!!

46 comments:

ശ്രീജിത്ത്‌ കെ said...

ഹ ഹ. അത് ഒന്നൊന്നര ചോദ്യം ആയിപ്പോയി. കലക്കി. ഇഷ്ടപ്പെട്ടു.

അനൂപ് തിരുവല്ല said...

പാസ്റ്ററിന്റെ കാര്യം കട്ടപ്പൊഹ !

ചക്കര said...

പോസ്റ്റ് നന്നായി :)

ഒരു പാസ്റ്റര്‍ കഥ;

അമ്പലത്തില്‍ വഴിപാടുകഴിക്കുവാന്‍ തന്നതും, അടിച്ചുമാറ്റിയതും ഒക്കെ സ്വരൂപിച്ച്
പത്ത് രൂപയ്ക്ക് മാത്രം പെട്രോളുമടിച്ച് പഴയ യമഹ ആര്‍ എക്സ് നൂറില്‍ ചങ്ങനാശ്ശേരിക്ക് സെക്കന്‍ഡ് ഷോയ്ക്ക് പോവുകയായിരുന്നു ഞാന്‍..

പെരുന്തുരുത്തി കഴിഞ്ഞപ്പോള്‍ ഒരു പാസ്റ്റര്‍ താന്‍ വണ്ടി നിര്‍ത്തിയില്ലയെങ്കില്‍ ഇപ്പൊ ആത്മഹത്യ ചെയ്യുമെന്ന രീതിയില്‍ എന്ന കൈകാണിച്ച് നിര്‍ത്തി.

വഴിയരികില്‍ പാസ്റ്ററിന്റെ ചേതക്ക്, അതിനടുത്ത് പാസ്റ്ററത്തീം.

ഇന്ധനം തീര്‍ന്നു, വണ്ടീടെ ചുണ്ടു നനയ്ക്കാന്‍ ഒരിത്തിരി..., “കുപ്പിയില്ലല്ലോ പാസ്റ്ററേ”ന്ന് ഞാന്‍,

“അതിനൊക്കെ വഴിയുണ്ട്”ന്ന് അങ്ങേര്‍,

ചേതക്കിന്റെ പള്ള തുറന്ന് പാസ്റ്റര്‍ പുറത്തേക്കെടുത്തത് ഒരു കന്നാസ്!

അങ്ങേര് തന്നെ ഉത്സാഹിച്ച് അരപ്പട്ടിണിയിലായ എന്റെ വണ്ടിയില്‍ നിന്ന് പെട്രോളൂറ്റി!

രാത്രിയായതുകൊണ്ടും, പാസ്റ്ററത്തീടെ കുശലാന്വേഷണങ്ങള്‍ക്കിടയിലും അങ്ങേര് എന്തോരമൂറ്റി എന്ന് ഞാന്‍ കണ്ടില്ല! ഊറ്റു കഴിഞ്ഞ് പ്രൈസ് ദി ലോര്‍ഡും പറഞ്ഞ് പാസ്റ്റര്‍ ഇരുടിലേക്ക് മറഞ്ഞു!

എന്തിനേറെ പറയുന്നു, പെരുന്നയ്ക്ക് മുന്‍പ് എന്റെ വണ്ടി നിന്നു!

ദൈവകോപമായിരിക്കാം, കുറേ വണ്ടിയുന്തേണ്ടീം വന്നു, “രാജശില്‍പ്പി”ലെ ഭാനുപ്രിയയെ കാണാനും പറ്റിയില്ല!

പൊട്ടനെ ചെട്ടി ചതിച്ചാല്‍ ചെട്ടിയെ പാസ്റ്റര്‍ ചതിക്കും!
:)

Sreenath's said...
This comment has been removed by the author.
milly said...

adipoli senu..Me and my husband enjoyed

milly said...

adipoli senu..Me and my husband enjoyed

ശ്രീ said...

“പാമ്പ്‌ ബൈബിള്‍ തുറന്നു, എന്നിട്ട്‌ അതിന്റെ ആദ്യത്തെ പേജ്‌ തുറന്ന് ഞങ്ങളെ എല്ലാവരെയും കാട്ടി, കണ്ടോ... ബൈബിള്‍ സൊസൈറ്റി ഓഫ്‌ ഇന്ത്യാ, 206 മഹാത്മാ ഗാന്ധി റോഡ്‌, ബാംഗ്ലൂര്‍-560 001. കണ്ടോ ഒന്നാം പേജില്‍ കിടക്കുന്ന മഹാത്മാ ഗാന്ധിയെ കണ്ടിട്ടില്ല, പിന്നാ ആര്‍ക്കും മനസ്സില്ലാകാത്ത പ്രവചനം വായിച്ച്‌ മനസ്സിലാക്കുന്നതു...”

അത് അടിപൊളി!

ക്രിസ്‌വിന്‍ said...

എന്റമ്മേ....
ഓഫീസിലായതുകൊണ്ട്‌ ഉറക്കെ ചിരിക്കാന്‍ പറ്റുന്നില്ല

കലക്കി
:)

ശ്രീവല്ലഭന്‍ said...

"ബൈബിള്‍ സൊസൈറ്റി ഓഫ്‌ ഇന്ത്യാ, 206 മഹാത്മാ ഗാന്ധി റോഡ്‌, ബാംഗ്ലൂര്‍-560 001."

ഹെന്റമ്മോ...ചിരിക്കാതെന്തു പറയാന്‍! കലക്കന്‍ സംഭവം. വിവരണവും നന്ന്.

sivakumar ശിവകുമാര്‍ said...

oh what to say..super....super joke..

~*GuptaN*~ said...

:-))

പാമ്പ് vs. പാസ്റ്റര്‍ കഥകളില്‍ ഏറ്റവും ഫേമസ് ജോണ്‍ എബ്രഹാമിന്റേതാണെന്ന് തോന്നുന്നു.

പാസ്റ്റര്‍ (പ്രസംഗമധ്യേ- യേശുവിനെക്കുറിച്ച്): അവന്‍ ..രാത്രിയുടെ നാലാം യാമത്തില്‍ വെള്ളത്തിനുമീതേ നടന്ന്.. അവരുടെ അടുത്തേക്കുവന്നു....

ജോണ്‍ (കസേരയില്‍ എഴുന്നേറ്റ് നിന്ന്): അതിലെന്ത് വിശേഷം...? ഞാനാണേല്‍ 24 മണിക്കൂറും വെള്ളത്തിന്റെ പൊറത്താ നടക്കുന്നേ..

വിജനേ ബത വിപിനേ said...

പാവം പാസ്റ്ററ്.നന്നയിട്ടുണ്ടു

ജെ.കുട്ടന്‍ said...

ഞങ്ങളുടെ കിഷ്കിന്ത്യയില്‍ നടന്ന ഒരു സംഭവം- സന്ധ്യ മയങ്ങുന്ന നേരം.ജനം പതിവു പോലെ ഉഷാറായി രാത്രിയെ വരവേല്‍ക്കാന്‍ നില്‍ക്കുന്നു.അപ്പോഴാണു ഒരു ശബ്ദം. “പാപികളെ....പാപികളെ....”.അപ്പോഴണ് രണ്ടു മൂന്നു കുപ്പി കള്‍സ് അടിച്ച് വിശ്രമിക്കുന്ന മത്തായി ചേട്ടനും വേലയുധന്‍ ചേട്ടനും ചെവി വട്ടം പിടിക്കുന്നത്. വീണ്ടും അതെ ശബ്ദം.“പാപികളെ....പാപികളെ...... അരണ്ട വെളിച്ചത്തില്‍ വെളുത്ത രൂപം.വീണ്ടും അതെ ശബ്ദം.“പാപികളെ....പാപികളെ......
മത്തായി ചേട്ടനും വേലയുധന്‍ ചേട്ടനും ഇതില്‍ കൂടുതല്‍ സഹിക്കുവാന്‍ പറ്റിയില്ല. ഇവിടെ ആരടാ പാപികള്‍...... അതൊരു സംഘഗാനം ‍പോലെ അയിരുന്നു. വെളുത്ത രൂപം.വീണ്ടും വിടുമോ..അതെ ശബ്ദം.“പാപികളെ....പാപികളെ...... ക്ഷമയുടെ നെല്ലിപ്പലക കണ്ട മത്തായി ചേട്ടനും വേലയുധന്‍ ചേട്ടനും കൂടി ഒരു ചെറിയ ആക്ഷന്‍....പിന്നെ പാപത്തിനെക്കുറിച്ച് ഉല്‍ബോധിപ്പിക്കുവാന്‍ ഞങ്ങളുടെ കിഷ്കിന്ത്യയില്‍ ആരും ഇതു വരെ വന്നിട്ടില്ല.

ak said...

സേനുവിന്റേം കമന്റിട്ടവരുടേം പരലഓക കാര്യം പോക്കാ....ങും...എന്തു ചെയ്യാനാ. പാസ്റ്ററന്മാരുടെ കാര്യം പറഞ്ഞപ്പോ, അച്ഛനുറങ്ങാത്ത വീട് കണ്ടോ എന്ന് ചോദിക്കാന്‍ തോന്നിപ്പോകുന്നു. പിന്നെ ആലുമ്മൂടന്‍ അവതരിപ്പിച്ച വേറൊരു പാസ്റ്ററുണ്ട്. സിനിമേടെ പേരോര്‍ക്കുന്നില്ല. ഫിലോമിനയും, ഉണ്ണിമേരിയുമൊക്കെയുള്ള ഒരു പടം.

ഏ.ആര്‍. നജീം said...

ബൈബിള്‍ സൊസൈറ്റി ഓഫ്‌ ഇന്ത്യാ, 206 മഹാത്മാ ഗാന്ധി റോഡ്‌, ബാംഗ്ലൂര്‍-560 001. കണ്ടോ ഒന്നാം പേജില്‍ കിടക്കുന്ന മഹാത്മാ ഗാന്ധിയെ കണ്ടിട്ടില്ല, പിന്നാ ആര്‍ക്കും മനസ്സില്ലാകാത്ത പ്രവചനം വായിച്ച്‌ മനസ്സിലാക്കുന്നതു...”

ഹ ഹാ...ഇടിവെട്ടല്ല വെടിക്കെട്ട്...പോസ്റ്റ്

Anonymous said...

No Comments....
hahaha...
Fedup by this kind of Pastors...

Roshan said...

കലക്കി മാഷേ..
പാസ്ട്ടര്‍മാരുടെ വാചാലത നേരിട്ടനുഭവിക്കുന്ന ഒരു വ്യക്തിയാണു ഞാന്‍
എന്റെ വീടിന്റെ മുന്‍പില്‍ ഒരുഗ്രന്‍ പെന്തക്കോസ്ത് പള്ളി ഉണ്ട്.

നമ്മുടെ പാംബിനെ എവിടെയെങ്കിലും വച്ചു കണ്ടാല്‍ ഇങ്ങോട്ടോന്നു പറഞ്ഞു വിടണേ.....

good mashe..

വാല്‍മീകി said...

പാ‍മ്പ് കൊള്ളാം. പാവം പാസ്റ്റര്‍.

അരുവിക്കരക്കാരന്‍... said...

Dear Senu
fantastic as always
Chirichu pranthayi ennu paranjal mathiyallo.
Ithu bhavanayo Anubhavamo?
Any way Great

regards

മന്‍സുര്‍ said...

പഴം പുരാണംസ്സ്‌

ചിരിച്ചു ചിരിച്ചു.....മണല്‌ കപ്പി..ഇവിടെ മണ്ണില്ല മണലേയുള്ളു.
പാസ്റ്റര്‍ സൂപ്പര്‍ഫാസ്റ്റായപ്പോല്‍..പാമ്പ്‌....എക്സ്‌പ്രസാവുന്നതാണ്‌ കാണാന്‍ കഴിഞ്ഞത്‌.
ട്രൈയ്‌ന്‍ ഹൈദരാബാദിലേക്ക്‌ പോയാലും ഈ രണ്ട്‌ ' പ ' കൂടെയുണ്ടെങ്കില്‍ ബോറടിക്കാതെ എത്തുമായിരുന്നു..

നല്ല രസത്തില്‍ വായിച്ചു തീര്‍ത്തു...അടിപൊളി

നന്‍മകള്‍ നേരുന്നു

ഉപാസന | Upasana said...

:)))))

ഉപാസന

Rajesh Gopalakrishnan said...

എന്റെ സെനു, അടിപൊളി ആയിട്ടുണ്ട്‌ കേട്ടോ....ഇനിയും എഴുതുക...

ജിഹേഷ്/ഏടാകൂടം said...

ഭായ് നര്‍മ്മം കൊള്ളാം...സത്യം പറഞ്ഞാല്‍ ഇതായിരിക്കും ഉത്തരമെന്നു കനവില്‍ കൂടി നെനക്കലേ

qw_er_ty

ഡി പ്രദീപ്‌ കുമാര്‍ D.PRADEEP KUMAR said...

ഒന്നാംതരം,സ്നേഹിതാ. നല്ല ഒഴുക്കുള്ള ഭാഷ.

മെലോഡിയസ് said...

സെനുവേ..ഇത് അടിപൊളി ട്ടാ..നന്നായിട്ടുണ്ട്...

Patism said...

Now that doesn't make any sense. Looks like a bunch of check boxes to me.

Rahul S. Nair said...

കൊള്ളാം മാഷേ നന്നായിട്ടുണ്ട് . നല്ല രണ്ടു കഥാപാത്രങ്ങളും .
ചിരിച്ചു ചിരിച്ചു മരിച്ചു ...

കുട്ടനാടന്‍ said...

സെനൂ, തിരുവന്തോരം യാത്ര ഏതായാലും കലക്കി ! പാസ്റ്ററേയും കണ്ടു, സാന്ത്രോയും അടിച്ചു, നന്നായി പകർന്നു തന്നിട്ടുണ്ട് അഭിനന്ദനങ്ങൾ
സസ്നേഹം

ചേര്‍ത്തലക്കാരന്‍ said...

സെനുച്ചേട്ടാ....
ഇനി ആ പാ‍മ്പിനെ കാണുംബോള്‍ എന്റെ അന്വേഷം പറയണം.

ഉഗ്രനായിട്ടുണ്ഡ്.

സുഗേഷ് said...

എന്നാലും എന്റെ സോനുച്ചേട്ടാ‍ ആ ചോദ്യം കലക്കി

“ഒന്നാം പേജില്‍ കിടക്കുന്ന മഹാത്മാ ഗാന്ധിയെ കണ്ടിട്ടില്ല, പിന്നാ ആര്‍ക്കും മനസ്സില്ലാകാത്ത പ്രവചനം വായിച്ച്‌ മനസ്സിലാക്കുന്നതു...”

സമ്മതിച്ചു സോനുച്ചേട്ടാ

ഷമ്മി :) said...

അടിപൊളി!

ചേച്ചിപ്പെണ്ണ് said...

നന്നായി , പാസ്ടര്‍ക്ക് അങ്ങിനെ തന്നെ വേണം ....
സ്വര്‍ഗം ഫുള്‍ റിസര്‍വ്‌ ചെയ്തു വെച്ച്ചെക്കുന്ന ടീം അല്ലെ ...

ചേച്ചിപ്പെണ്ണ് said...
This comment has been removed by the author.
സ്വപ്നാടകന്‍ said...

കൊള്ളാം..പാസ്റ്റര്‍ ഉടലോടെ സ്വര്‍ഗത്തിലെത്തിക്കാണും :)

പഥികന്‍ said...

ഇതു ഫോര്‍വേഡായിക്കിട്ടി വായിച്ചു ചിരിച്ചിട്ടുണ്ട്. ഇതിവിടുന്നായിരുന്നല്ലെ?

കൊള്ളാം.

ഹാഫ് കള്ളന്‍||Halfkallan said...

ഓഫീസ് ഇല്‍ ആണു എന്നാലും ചിരിച്ചു !

മാണിക്യം said...

പഴം പുരാണമല്ലേ പഴയത് വല്ലതും നോക്കാം എന്ന് കരുതി വന്നതാ
ദൈവരാജ്യം യാത്രക്കിടയിലും അടിച്ചേല്പിക്കാന്‍ ശ്രമിക്കുന്ന പാസ്റ്റ്ര്മാര്‍ക്ക്
ഇത്തരം "പ്ലാസ്റ്റര്‍" വളരെ നല്ലതാ. സെനു നല്ല ഒര്‍ജിനാലിറ്റിയുള്ള തമാശ!
കുറേ നാളുകൂടി നന്നായി ഒന്നു ചിരിച്ചു...

bijou said...

ഒന്നാം പേജില്‍ കിടക്കുന്ന മഹാത്മാ ഗാന്ധിയെ കണ്ടിട്ടില്ല, പിന്നാ ആര്‍ക്കും മനസ്സില്ലാകാത്ത പ്രവചനം വായിച്ച്‌ മനസ്സിലാക്കുന്നതു...”

അത് അടിപൊളി

വാസുദേവ്‌ said...

ബൈബിളില്‍ മഹാത്മാ ഗാന്ധിയെ കണ്ടുപിടിച്ച പാമ്പിനു നമോവാഗം. :)


http://vipin-vasudev.blogspot.com/

DeKnight said...

Nice post man...
Always Feel free to visit my blog DeKnight

ബിലാത്തിപട്ടണം / BILATTHIPATTANAM. said...

അമ്മമ്മോ...എഴുത്തിന്റെ ഒരു ഒഴുക്കേ...
കലക്കീണ്ട് ഭായ്

Anonymous said...

sorry to say that I have read this before in a joke in a forwarded email.. u have added few things and made it a story.. inspired or copied?

Senu Eapen Thomas, Poovathoor said...

ഫെബ്രുവരി 2008ൽ ഇട്ട ഈ പോസ്റ്റ് പലർക്കും ഫോർഫേർഡായി പലരും അയയ്ച്ചത് എന്റെ കുറ്റമലല്ലോ എന്റെ അനോണി. കൂടാതെ മലയാള മനോരമയിലും എന്റെ ഈ പാമ്പ് പുരാണംസ് പ്രസിദ്ധീകരിച്ചിരുന്നു.

ഏതായാലും കമന്റ് ഇട്ടതിനു താങ്ക്സ്..


പഴമ്പുരാണംസ് © Pazhamburanams

fasil said...

Ie¡n

fasil said...

Ie¡n

Taylorasfb said...

Kennesaw State University- School of Nursing, Kennesaw. You must hold a completed Registered Nurse certification and license. Certified Nursing Assistant Cna Salaries Colorado Springs Co